संत.लुकास 3
3
जोहन बतिस्मा एमोई आला परचार
(संत.मत्ती 3:1–12; संत.मरकुस 1:1–8; संत.जोहन 1:19–28)
1नोःआँ बात होना बेरा रेनअः हेके जे बेरा रोम रिनी राजा तिबिरियुस कैसर आला रा-राईज रेनअः पंदरहवाँ साल रे; पुनतियुस पिलातुस जाहुदिया रिनी हाकिम ताही नेनाय। हिमीन रे तेकर गलील रे हेरोद, इतूरिया तेकर तरखोनितिस रे हुनी आली बोको फिलिप्पुस; तेकर अबिलेन राईज रे लिसानियास राईजे केनाय, 2तेकर हिमीन बेरा हन्ना हेतरअ कैफस महापुरोहित ताही नाकिन। हिमीन बेरा जकरियस आली होपोन जोहन दुबाःड़े बुरु रे परमेसर आला बचन सोदोर नेना। 3हुनी जरदन नाई रेनअः हेनाःड तअः जामा ठाँव रे सेन केते, “आपे अपन आला मन के पाप तरअः मन रूवाड़ केते, बतिस्मा ईदी पे जेकर से ची परमेसर आपे आला पाप के छमायाय,” मेन केते परचारे केनाय। 4#जसा 40:3–5नोकान इसायस आगमजानी कंहड़ी लअः वचन रआ पुथी रे लिखा लअः एदनाअ,
“टुंगरी रे हा-हकावी आला गूल आयुमोः ताना,
‘परभु आला होरा तेयारेपे,
हुनी आला संड़क के सोझेपे!
5जामा गड़हा-डिपा के भराव केते पे-पेरेःग,
टेड़हो-मेड़हो होरा के सोसोझ,
काबेस होरा के बेस होरा बनाव चिकेआय।
6तेकर जामा होड़ परमेसर तरअः भेटाअः वाला उधार के नेल केआकु!’”
7 #
सं.मत्ती 12:34; 23:33 जोहन तरअः बतिस्मा इईदी लःअय उडुंग केते तुन्दरा हिजोअ केनाकु के कंहड़ीओ कुकेनाय। “ए बिंङ आलकु होपोनकु! परमेसर तरअः हिजोअ वाला, खीस तरअः बंचाअ ओके आपे के चेताव लेपेआय? 8#सं.जोह 8:33नहाअः तरअः आपे नोकान जिवीडोः पे, ची पाप तरअः आपे आला मन रूवाड़ ताना। आउर अपन-अपन मन रे नोकान आलपे सोंचाय, ची आबु आली बाबा अब्राहम हेके। ईङ आपे के कंहड़ीओ दिपीईङ ची परमेसर नोःआँ टुकू तरअः अब्राहम लःअय होपोन सिरजाव दाड़ीआय! 9#सं.मत्ती 7:19नहाअः दो सिंङ रेनअः जाईर रे टांगा लगाव चुकाव ना, ची जे जे सिंङ बेस का जोयोआ होना के मांअ केते सेंगेल रे लो केआकु!”
10“दो आले एताने आले?” मेन केते होड़कु, हुनी के कुली लियाकु।
11तेकर हुनी कंहड़ी रूवाड़ोः लिकुआय, “जेकर दुबाःड़े बरिया कुड़ताः एदनाअ, हुंकू जेकर दुबाःड़े कनोआँ हुनी लोः हाटिङेपे, हेतरअ जेकर दुबाःड़े घोटो एदनाअ, हुंकू होः हेकानेपे।”
12 #
सं.लुका 7:29
मालगुजारी ताइसलावकु होः बतिस्मा इईदी हीःग नेनाकु, तेकर “ए गुरू, आले एताने आले” मेन केते कुली लियाकु?
13हुनी हुंकू के, “जे आपे के तताईसलव लःअय दोहो लअः एदनाअ, होना तरअः बगरा आलपे ईदी के” मेन केते बेता लिकुआय।
14सिपाहीकु होः हुनी के नोकान कुली लियाकु, “आले एताने आले?”
हुंकू के हुनी बेता लिकुआय, “ओके केहोः ढिबुवा इईदी लःअय आलपे सताव कि कु झुठो रआ दोस आलपे लगाव के। हेतरअ तनखा तापे रे सान्तोक ताहिन पे।”
15ख्रीस्त हिजोअ रआ आसरा होड़कु रे बड़हाः केना, हेतरअ जामा अपन-अपन मन रे निई गी ख्रीस्त हेके ची एतान मेन केते, जोहन रआ बारे सोंचाय केनाकु 16दो जोहन हुंकू जामा के कंहड़ीओ लिकुआय, “ईङ दो आपे के दाअः तरअः बतिस्मा एमा पेईङ, बकिर हिजोई एदानिया हुनी ईङ तरअः महान एदानिया। ईङ दो हुनी आला खड़पा रेनअः फिता राराड़ा लकान होः कनिङा, हुनी आपे के पबितर आतमा हेतरअ सेंगेल तरअः बतिस्मा एमा केपेआय। 17आएंग आला हटाअ तीः ताय रेआ, तेकर हुनी अपन कोलोम ताय रे बेस केन ती आमीन केआय, हेतरअ गोहोम के पोटोम ताय रे जवार केआय; बकिर लिपीःग तेके का-ईड़ीगोअ सेंगेल रे तियांग केआय।”
18हुनी ढेर एटाअ एटाअ बात तरअः समझाव केते होड़ के बेस खभाईर सुनाव उकु केनाय। 19#सं.मत्ती 14:3,4; सं.मर 6:17,18बकिर जब जोहन हेरोद राजपाल के, हुनी बोकोते आली आउराईत हेरोदियास लोः बिबिहा, तेकर हुनी आला का बेस कामी लःअय डापटाव लियाय। 20दो हेरोदेस होना जामा तरअः जादे खराब काम कामी रआ, गाती-गाती जोहन केहोः जेहेल आदेर किदयाय।
ईसु आला बतिस्मा
21हेतरअ जामा होड़ बतिस्मा ईदी लअकु, तेकर ईसु होः बतिस्मा ईदी केते, बिनती केनाय, दो सिरमा उघड़ाव नेना, 22#एहेः 22:2; सिरिंग 2:7; जसा 42:1; सं.मत्ती 3:17; सं.मर 1:11; सं.लुका 9:35तेकर पबितर आतमा पेरवाँ रआ भेस रे हुनी आला होड़ो तेङ रे अड़गु नेनाय। हेतरअ सिरमा रे नोकान सबद साड़ी नेना, “आम ईङ आली दुलार होपोन हेके, ईङ आम चलते खुस एदानिया।”
ईसु आला बंसवाईर
(संत.मत्ती 1:1–17)
23जे बेरा ईसु अपन सेवा एहेःब लःअय, हिमीन रे तीस बरीस रिनी लकान ताही नेनाय। होड़कु ईसु के जोसेफ आली होपोन ताहिनाय, समझअ केनाकु, हेतरअ जोसेफ एली आली होपोन ताही नेनाय। 24तेकर एली मतात आली, मत्तता लेवी आली, लेवी मलकी आली, मलकी जन्ना आली, जन्ना जोसेफ आली 25जोसेफ मत्तितियस आली, मत्तितियस आमोस आली, आमोस नहुम आली, नहुम एसली आली, एसली नोगह आली, 26नोगह मात आली, मात मत्तितियस आली, मत्तितियस सिमी आली, सिमी जोसोख आली, जोसोख जोदाह आली होपोन ताही नेनाय। 27जोदाह जोनान आली, जोनान रेसा आली, रेसा जरूब्बाबिल आली, जरूब्बाबिल सालतिएल आली, सालतिएल नेरी आली, 28नेरी मलकी आली, मलकी अद्दी आली, अद्दी कोसाम आली, कोसाम इलमोदाम आली, इलमोदाम एर आली, 29एर यहोसु आली, यहोसु इलाजार आली, इलाजार जोरीम आली, जोरीम मत्तता आली, मत्तता लेवी आली होपोन ताही नेनाय। 30लेबी सिमोन आली, सिमोन जहुदा आली, जहुदाह जोसेफ आली, जोसेफ जोनान आली, जोनान इल्याकिम आली, 31इल्याकिम मेलेआह आली, मेलेआह मिन्नाह आली, मिन्नाह मत्तता आली, मत्तता नतान आली, नतान दाऊद आली होपोन ताही नेनाय। 32दाऊद यिसै आली, यिसै ओबेद आली, ओबेद बोअज आली बोअज सलमोन आली, सलमोन नहसोन आली, 33नहसोन अम्मीनादाब आली, अम्मीनादाब अदमीन आली, अदमीन अरनी आली, अरनी हेस्रोन आली आउर हेस्रोन फिरिस आली, फिरिस जहुदा आली होपोन ताही नेनाय। 34जहुदाह याकुब आली, याकुब इसाहक आली, इसाहक अब्राहम आली, अब्राहम तिरह आली, तिरह नहोर आली, 35नहोर सरूग आली, सरूग राऊ आली, राऊ पेलग आली, पेलग एबीर आली, एबीर सिलाह आली, 36सिलाह केनान आली, केनान अरपकछद आली, अरपकछद सेम आली, सेम नूह आली, नूह लिमिक आली होपोन ताही नेनाय, 37लिमिक मथुसिलाह आली, मथुसिलाह हनोक आली, हनोक जिरिद आली, जिरिद महललेल आली, महललेल केनान आली, 38केनान एनोस आली, एनोस सेत आली, सेत आदम आली, होपोन ताही नेनाय तेकर आदम परमेसर आली होपोन ताही नेनाय।
Actualmente seleccionado:
संत.लुकास 3: ASR
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 2023 NLCI CC BY-NC-ND 4.0