रोमीकु जान-चिनहार
जान-चिनहार
रोम रिनकु लःअय चिठी पौलुस प्रेरित दोवारा हुयाव सकाआ, ईसु आला जनम रेनअः 54-58 साल रअः बिच-बिचवा रे लिखा लअः हेके। पौलुस नहाअः जगुत आउर मि-एसा रोम रेनअः होरा काय डिंडोअ थिना, हिना लःअय हुनी नोःआँ पत्री रोम रे ताहिनोअ कु जाहुदीकु तेकर एटाअ जाईत बनार बरन रिनकु ख्रीस्तीयकु के सुझाव एमोअ लःअय लिखा लःअय। हुनी नोःआँ पत्री कुरिन्थ सहर तरअः लिखा लःअय, जे एड़े होना बेरा ठहराव थिनाय। पौलुस निआँ लःअय लिखा लःअय ची गोटे राईज रिनकु होड़कु ईसु रे बिसवासेकु तेकर हुनी आला के मनाअ कु। रोमी रअः पुथी जामा ठाँव रिनकु ख्रीस्तीयकु लःअय नोःआँ रे जामा बेरा लःअय काम रे आगु लकान मियांड जरुरी पुथी हेके, एता लःअय ची नोःआँ रे पौलुस एता लकान आबु ईसु ख्रीस्त दोवारा उधार नाम दाड़ीआबु, नोःआँ के सफा-सफा लिखा तदाय। पौलुस ईसु आला बेस खभाईर के मारी कनहुन तरअः होः जोड़ाव तदाय। ढेर बिद्दवान मनाआकु ची नोःआँ पुथी रअः जादे जरुरी पद 1:16 हेके, जे मेनगेआय ईङ बेस खभाईर तरअः काईंग लाजोआ, एता लःअय ची नोःआँ जामा बि-बिसवासकु लःअय उधार रेनअः निमित्त परमेसर आला समरथ हेके, पहिल जाहुदीकु लःअय, फिन एटाअ जाईतकु लःअय। रोमीकु आला पहिला भाग (1—12) गहीड़ धरम-बिगयान तरअः संबधित एदनाआ तेकर दुसरा भाग (13—15) रे ख्रीस्तीय जिनगी तरअः संबधित ढेर व्यवहारिक दिसा-निर्देस एदनाआ।
रुपरेखा
1. पौलुस सधारनतः अपन चिठी रेनअः अपन जान-चिनहार एम यअते सुरुयाय तेकर ऊदूगेआय ची हुनी ओके के लिखाअ दाय (1:1–15)
2. होना तयोम मनवा जाईत आला वास्ताविक दसा रेना बखान एम यअते ईसु ख्रीस्त दोवारा उधार नाम दाड़ीयोअ रेनअः चरचा याय (1:16—11:36)
3. होना तयोम पौलुस ख्रीस्तीय जिनगी तरअः संबधित थोड़ेक व्यवहारिक दिसा-निर्देस रेनअः बखानेआय (12:1—15:13)
4. रोमीकु आला पत्री रेनअः सिरसिरावती हुनी रोम रेनअः कलीसिया रिनकु थोड़ेक होड़कु आले अभिवदन एम यअते याय (16)
Actualmente seleccionado:
रोमीकु जान-चिनहार: ASR
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
© 2023 NLCI CC BY-NC-ND 4.0