Gn CHIK'B'AB'L
CHIK'B'AB'L
Aju' yol Génesis atz'elpuna'ju' Ttzajlen mujqa Ttzyetlen. Atzu' in yolina' ti'ju' ttzajlen twitz tx'otx', kyi'ju' xjal exju' tu'me'l kyanq'ib'l, ex ti'ju' ttzajlen tnam Israel, aju' tnam kyejb'ent tyol Qman Dyos tuk'i'l. Aju' u'j te Ttzajlen nyolin ti'j jun Dyos tejumajx ex ch'isal tkyaqil, kyoju' tq'ijlalil b'a'npuntoq txqan kydyos xjal, ex oksla'n kyu'n qa kykyaqilju' ti'xti' b'incha'n kyu'nju' kydyos lu. Ex nyolin ti'ju' mujb'ab'l atitoq tu'n Qman Dyos tuk'i'lu' wnaq xitq'o'n toklen twitz tx'otx', ex tu'n tten b'a'n ex tzalajb'il qatoq maniman ex qatoq ma japun tyol Qman Dyos tu'n. Ex nyolin ti'j ttzajlen qeju' il exju' yajb'il intzaj ti'ju' xjal kse'n qa intb'incha'n ti'xti' tu'nx tnab'l ex myaju' tajb'il Qman Dyos. Ex in tchik'b'a'n ti'ju' intb'incha'n Qman Dyos naqx tu'n tkletju' xjal teju' tb'inchb'en myab'a'n ex teju' til.
Aju' u'j lu aq'pu'n toj kab'e' nimaq tnej kjalu: Aju' tnejel aye' tnej jun tzmax toj junlajoj (1-11) nyolin ti'ju' tb'inchet tkyaqil ex tej tb'inchetju' xjal, ti'ju' ttzajlen qe il exju' k'ixk'oj intzaj tu'n tpaj. Nyolin kyi'ju' tnejel okslal ojtxi' tzajni qex ti'j Adan ex pomni ti'j Noe, ti'j q'eqjab', ex tqanil ti'ju' ja nimin twe' te b'a'npun kol te B'ab'el. Atzu'n tkab' aye' tnej kab'lajoj (12) tzmax toj kab'naqlajoj (12-50) atzu' nyolina' ti'ju' ttzajlen qe tyajajil Israel, tzajni qex ti'j Ab'raam, Isaak ex Jakob'; kyi'j tk'wal Jakob', ti'j Jse ex qe'ju' titz'in ex ttzik; ex nyolin ti'ju' tej tpon Jakob' Ejipt kyuk'i'lju' toj tja, ex ikx ti'ju' tej ttzajlen qeju' tnam Israel toj ju' tx'otx' lu. Toj tkyaqilju' tqanil lu, a Qman Dyos nim toklen nche ok xjal toj xjel tu'n ex inkub' ttz'e'ysa'n kwitzju' b'inchal taq'wix, atzu'n kyeju' nche k'u'jlante ex nche niman te, nche t-ẍaqlu'n ex nche toni'n. Ikytzu'n, ajttzyetju' u'j lu nyolin qa aku' Qman Dyos b'inchanteju' twitz tx'otx', ex nb'aj kyuk'i'lju' yol kyej ttziya'n qa lay kyej tkolb'e'nju' ttanam.
Actualmente seleccionado:
Gn CHIK'B'AB'L: MAMO
Destacar
Compartir
Copiar
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fes-ES.png&w=128&q=75)
¿Quieres tener guardados todos tus destacados en todos tus dispositivos? Regístrate o inicia sesión
Biblia Mam Ostuncalco © Sociedad Bíblica de Guatemala 1999