Versículos más leídos de la Biblia Lii Lolo dhu Uru Tèka 9

Compartir

Jaꞌa pasa saroo ètu dedha-liru, sèna ka jꞌajꞌi tadha pasanèdꞌe lii pajaji Jaꞌa dhu maꞌète boe dènge miu, dènge aaꞌi-aaꞌi dhu mamuri, aa dènge rai-haha ne.

Ladhe abhu raꞌi-liru, ho saroo cèu, èèna na pasanèdꞌe Jaꞌa nèti lii pajaji èèna. Na peka na, èi aae paꞌele iie heka aaꞌi-aaꞌi dhu mamuri. Dènge jꞌara neꞌe ne ka, lii pajaji Jaꞌa dhu maꞌète boe, paꞌèki tèke le dènge miu, aa dènge aaꞌi-aaꞌi dhu mamuri.”

Jaꞌa pajꞌajꞌi dhèu madhutu raropa Jaꞌa. Nèti èèna ka, baku pamadhe dhèu. Ladhe abhu dhèu, do badha, dhu pamadhe dhèu, na, pamadhe ne kahèi. Neꞌe, lii paredha nèti Jaꞌa.

Hèia Ama Lamatua pala-bagi berkat mi Noh dènge ana-ana na, peka na, “Miu matana paꞌae-ae, sèna ka papènu rai-haha ne.

Sisi badha aaꞌi-aaꞌi, miu bisa miꞌa, sèmi dhu miꞌa hua-hela, dènge rèu ana aajꞌu se. Aaꞌi-aaꞌi se, Jaꞌa hia miu.

Ladhe èèna na, badha hui, manu-bhui dènge iꞌa aaꞌi-aaꞌi ra madhaꞌu dènge miu. Miu ka dhu ator si.

Miu se hudꞌi matana paꞌae-ae ku, sèna ka papènu hari rai-haha ne.”