Versículos más leídos de la Biblia यॊहनस 13

Compartir

ऎन निमा गे ओन्‍टा पुना पॆसका चि'अदन, नीम ओर्त ओर्त गने चोन्‍हा नना। एकासे ऎन निमन चोन्‍हा नंजकन, अन्नेम नीम हूँ ओर्त ओर्त गने चोन्‍हा नन्‍ना र'ई। नीम एन्ने ओर्त ओर्त गने चोन्‍हा ननोर होले, ओर्मा आलर अख़'ओर का नीम एंग्‍है चेलर हिकदर।”

ऎन निम्‍है उर्बय अरा गुरु हिकदन, अन्नु हूँ ऎन निम्‍है ख़ेड्डेन नूड़कन, नीम हूँ अन्ने ओर्त ओर्तोसी ख़ेड्डेन नॊड़के। एन्‍देरगेका ऎन निमा नमुना ऎदकन। एकासे ऎन निम्‍है गने नंजकन, अन्नेम नीम हूँ ननके।

येसुस आनाकिर्ताचस, “ऎन एन्‍देर नना लगदन अदिन नीन अक्‍कुन मल बुझुरदय, लिकिन ख़ॊख़ा बुझुर'ओय।”

ऎन निमन मानिम ब'अदन, जॊंख़स तंग्‍है उर्बस ती कोहँस मलदस, अरा तइरकस आसिन तइय्युस ती कोहाँ मलदस।

अक्‍कुन नीम इबड़ा कत्‍थन अख़दर, अरा इबड़न नीम नन्‍दर होले, धर्मेस निमन बरकत ननोस।

येसुस ओन्ना पाँती ती चॊचस, अरा तंग्‍है थालर आबोन इच्‍चियस ती संफी ती तंग्‍है कड़मन हॆंचस। फिन थरा नू अम्मु एल्‍खस ती तंग्‍है चेलर ही ख़ेड्डेन नॊड़ा हेलरस, अरा कड़मा नू हॆंरका संफी ती चींचा हेलरस।