Versículos más leídos de la Biblia Maatiusiup Aglangit 7

Compartir

“Tuksiarissi, tunisiviugajaqpusi tavva; qinirissi, nanisigajaqpusi tavva; tiglukturissi matuirujjaugajaqpusi tavva.

Tuksiaqtut tamarmik tunisiviugajaqput; qiniqtullu nanisigajaqput; tigluktuqtullu matuirujjaugajaqput.

“Taimaimmat, nalliat uqausirijannik tusaqtuq, aturlugillu, taanna ajjiuvuq angummut silatujumut qaiqtumi igluliuqtumut

“Taimaimmat inuuqatissinnut pinasuarviujumanitsititut, taimaalluaq pinasuaqtuksauvusi: tamanna taimailiurniq Muusisiup piqujangita tukigingmagu, nalauttaijullu ajuriqtuijjutigilluniuk.”

Itirvik nirukittuuvuq inuusirmut nungusuittumut turaangajuq, aqqutinga pijarninngittuulluni, ununngittut tamanna nanivaat.”

“Itirvikittukkut itirissi, itirvik nirutungmat kappianaqtuvingmut turaangajuq, aqqutinga pijarniqtuulluni, amisut tamanna atuqpaat.

Piunngittuugaluaqtusi, piujunik tunisijariaksaq qiturngassinnut qaujimagassi; Ataatasili qilangmiittuq piujunik tunisijariaksaq qaujimatsiarniqsauvuq tuksiarvigijiminut.

“Asitsinnik iqqaqtuiniarasi, iqqaqtuqtauqunasi. Iqqaqtuinisi maliglugu taimaalluaq iqqaqtuqtaujumaarivusi, pinasuarnisi maliglugu taimaalluaq pinasuarviujumaarivusi.

“Nallialli uqausirijannik tusaqtuq atuliranilu, taanna ajjiuvuq angummut silaittumut siurarmi igluliuqtumut.

Sungmat inuuqativit ijjisimautinga mikijukuluk takuviuk? Uvva nangminiq ijingniittuq napaaqtuvinialuk ikpiginagu? Uvvalu qanuq inuuqatingnut uqarunnaqpit ‘Ijjisimautiinuna mikijjukuluk piilaurlagu,’ uvva nangminiq napaaqtuvinialungmik ijingniittuqaqtillugu?

“Qaujisatsiarissi nalauttaijuujaaqtunik sulinngittunik; taikkua silatimiktigut siipiuqquujinasuarlutik ilissinnuarniarmata, ilumiktigulli paajumajutitut amaruqtitut taimaipput. Piniarningitigulli qaujimajunnarniaqpasi. Uqpigait kakinnaqtulit paurnganik pirurviusuungunngilat, uqpigaujaaqtullu kakillarnaqtulit aqpiujaaqtunik pirurviuvanginnivut.

Napaaqtuq uummatsiaqtuq piujunik pirurviuvakpuq, napaaqturli piunngittuq piunngittunik pirurviuvakpuq.

Napaaqtuq uummatsiaqtuq pirurnirlugviuvanngilaq, napaaqturlu piunngittuq piujunik pirurviuvannginnivuq.

Napaaqtuq nalliat piujunik pirurviunngittuq, nakatauluni igitauniaqpuq ikumamut.