GENESIS 1
1
Sernak Kong
1A hramthawk ah, Pathian nih van le vawlei a ser hna tikah, #1.1 Pathian nih van le vawlei ser hram aa thawk tikah ti zongin leh khawh a si. 2vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian ṭhawnnak #1.2 Pathian ṭhawnnak thlipi a hrang ti zongin leh khawh a si; asiloah Pathian thlarau ti zongin leh khawh a si. cu aa chawk. 3Cun Pathian nih, “Ceunak um seh,” tiah a ti i ceunak cu a hung um. #2Kor 4.6 4Ceunak cu a zoh i aa lawm. Cun ceunak le muihnak cu a ṭhen hna i 5ceunak cu “Chun” tiah min a sak i muihnak cu “Zan” tiah a ti. Zanlei cu a hung dih i zinglei kha a hung um — cucu ni khatnak ni cu a si.
6Cun Pathian nih cun, “Ti le ti a ṭhentu hna ding caah aa kuaimi van pakhat in um seh law, ti cu hmun hnih ah um hna seh,” tiah a ti i cu tining cun a hung si. #2Pet 3.5 7Cuticun Pathian nih cun van kuai cu a ser i a tang i a ummi ti le a cung i a ummi ti cu a ṭhen hna; 8van kuai cu a min ah “Van” a sak. Zanlei cu a hung dih i zinglei kha a hung um, cucu ni hnihnak ni cu a si.
9Cun Pathian nih cun, “Van tang i a ummi ti cu hmun khat ah i pum hna seh law vawlei kha hung lang seh,” tiah nawl a pek i cu bang cun a hung si. 10Vawlei cu a min ah “Vawlei” a sak i a pumhtermi ti cu “Rili” tiah a ti. A tuahmi kha a zoh i a lung a si. 11Cun aa thawh i, “Vawlei cungah hin thingram a phunphun kho hna seh, a tlaimi kung hna le rawl a phunphun thei a phunphun a vuimi rawlkung hna,” tiah a ti i cu bang cun a hung si. 12Cucaah cun vawlei cungah cun thingram a phunphun an kho, rawl a vuimi rawlkung hna le thei a tlaimi thingkung hna an si. Pathian nih a tuahmi cu a zoh i a lung a si. 13Zanlei cu a hung dih i zinglei kha a hung um, cucu ni thumnak ni cu a si.
14Cun Pathian nih cun, “Chun le zan a ṭhentu ding le ni le kum le caan kha zeitik in dah an i thawk cio ti hngalhtertu dingah van ah khin ceunak um hna seh; 15cun cu ceunak hna nih cun vawlei hi ceuh hna seh,” tiah a ti i cu bang cun a hung si. 16Cucaah Pathian nih cun ceunak ngan pipi pahnih hi a ser hna, ni hi chun uktu dingah a ser i thlapa hi zan uktu dingah a ser; arfi zong khi a ser hna; 17ceunak hna cu van ah khin vawlei a run ceuhtu dingah a chiah hna, 18chun le zan a uktu hna ding le ceunak le muihnak a ṭhentu hna dingah a chiah hna. A tuahmi kha a zoh i a lung a si. 19Zanlei cu a hung dih i zinglei kha a hung um, cucu ni linak ni kha a si.
20Cun Pathian nih cun aa thawh i, “Ti nih hin thilnung phun tampi a hrin hna lai i va hi thli lakah hin an zuang lai,” a ti i cu bang cun a hung si.” 21Cuticun Pathian nih cun rili chung i a ummi sahrang ṭihnung pipi le ti lak i a tlongmi thilnung a phunphun le va a phunphun kha a ser hna. A tuahmi kha a zoh i a lung a si. 22Cun thluachuah a pek hna i, “Ti chung i a ummi thilnung hi karh u law rili hi khat u, va hi tampi in karh u,” tiah a ti hna. 23Zanlei cu a dih i zinglei kha a hung um, cucu ni nganak ni a si.
24Cun Pathian nih cun, “Vawlei nih hin inn zuat saṭil a phunphun le ramlak saram a phunphun, a hme he a ngan he, hring hna seh,” a ti i cu bang cun a hung si. 25Cuticun inn zuat saṭil a phunphun le ramlak saram a phunphun a hme he a ngan he a ser hna. A tuahmi kha a zoh i a lung a si.
26Cun Pathian nih cun, “Atu cu minung kan ser cang hna lai; kanmah mui an keng lai i kanmah he kan i lo lai. Nga si hna seh, va si hna seh, inn zuat saṭil si hna seh, ramlak i a ummi saram a hme he a ngan he si hna seh, an uk dih hna lai,” tiah a ti. #1Kor 11.7 27Cuticun Pathian nih minung cu amah mui lo in a ser, minung cu Pathian mui in a ser hna. Mipa le minu kha a ser hna. #Mat 19.4; Mar 10.6 28Thluachuahnak a pek hna i, “Tefa tampi in ngei u law nan tefa cu vawlei cung khuazakip ah khat hna seh, cun annih nih vawlei cu uk hna seh. Nannih cu nga cung le va cung le ramlak saram a hme he a ngan he an dihlak cung i nawlngeihnak kan pek hna,” a ti. #Gen 5.1-2 29Nan ei awk caah thlai phun kip le thei phun kip kan pek hna; 30Sihmanhsehlaw ramsa vialte hna le va vialte hna le vawlei ah a lawn in a lawnmi vialte nunnak thaw a ngeimi vialte hna caah ram hring le thlaihnah borbor ka pek hna,” a ti i cu bang cun a hung si. 31Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um, cucu ni ruknak ni cu a si.
Actualmente seleccionado:
GENESIS 1: HCL06
Destacar
Compartir
Copiar
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fes.png&w=128&q=75)
¿Quieres guardar tus resaltados en todos tus dispositivos? Regístrate o Inicia sesión
Lai (Hakha) Common Language Bible © Bible Society of Myanmar 2006