San Mateo 3
3
Juan Bautista jim adu'ugtuum
(Mc 1.1-8; Lc 3.1-9, 15-17; Jn 1.19-28)
1Je̱'e̱ mu̶'it tiempo je̱'e̱ Juan Bautista jim Judea adu'ugtuum ñayyajni'igu̶xu̶'ku̶. 2Kapxwa'kxy je̱'e̱ Dios y'ayuuk tyu̶y'ajt, myu̶na'añ najty: “¡Jootwimbijtku̶x ma je̱'e̱ Diosu̶ñ, je̱' ko tu̶ je̱'e̱ xu̶u̶ tiempo paatnu̶ mu̶naa je̱'e̱ Dios y'ane̱'e̱mu̶ñ pu̶da'aga'añu̶ñ ya naaxwiiñ!”
3Juan je̱' najty je̱' je̱'e̱ mu̶dyiibu̶ je̱'e̱ Dios y'ayuuknajtzkapxu̶u̶ybyu̶ Isaías najty tu̶ nimu̶dya'agyu̶ñ:
“Jim adu'ugtuum yajmu̶dóy tu'ug je̱'e̱ ja'ay myu̶na'añ:
‘Yaj'oyu̶u̶ygyu̶x je̱'e̱ Windzú̶n Dios ñu̶u̶'aa tyu'u'aa,
Yajtu̶u̶wu̶ je̱'e̱ ñu̶u̶'aa tyu'u'aa ajku̶xy je̱'e̱ mu̶dyiibu̶ mu̶j aney axu̶guetyu̶ñ.’ ”
4Juan, camello pu̶jt najty je̱'e̱ wyit'ajtypy, y po'o'ák najty wyu̶u̶n'ajtypy, y mu'u najty jyu̶kxy'ajtypy y uuxpa'ag. 5Je̱'e̱ ja'ay mu̶dyiibu̶ najty jim Jerusalén tzu̶naaygyu̶xpu̶ñ y ku̶xyu̶ je̱'e̱ mu̶dyiibu̶ jim Judea naaxjooty tzu̶naaygyu̶xpu̶ñ y mu̶wingón je̱'e̱ Jordán naaxjooty, nú̶kxku̶xp najty je̱' ma je̱'e̱ Juangu̶ñ; nu̶kxy je̱'e̱ y'ayuuk amdo'ijtu̶ ajku̶xy. 6Ko je̱'e̱ pyoky kyu̶dyeey nigapxy ajku̶xy, chi je̱'e̱ Juan yajnu̶u̶be̱jtu̶ ajku̶xy ma je̱'e̱ Jordán mu̶jnu̶u̶ju̶ñ.
7Peru̶ ko je̱'e̱ Juan ijxy je̱'e̱ fariseo ja'ay y je̱'e̱ saduceo ja'ay ajku̶xy nimay ñimiñyii ajku̶xy y ñu̶u̶be̱daangu̶xy, chi nu̶maay ajku̶xy: “¡Miich ajku̶xy, tza'añdy m'ajuugy m'amu̶gu'ug'ajtypy ajku̶xy! ¿Pu̶n tu̶ xyñu̶maaygyu̶xy ko mni'idzookku̶xu̶ch#3.7 Nije̱' wiingpu̶ versión myu̶na'añ: janch jootkujku̶ch nayjyu̶wu̶'u̶yii mu̶u̶d miich. ma je̱'e̱ mu̶j'ayo'on je̱'e̱ mu̶dyiibu̶ je̱'e̱ Dios kye̱xe̱e̱mbyu̶ñ? 8Tuungu̶x je̱'e̱ oybyu̶, y du'un ñi'igu̶xu̶'u̶gu̶ch ko tu̶ mjootwimbijtku̶xy ma je̱'e̱ Windzú̶n Diosu̶ñ, 9y ka'p ku̶'u̶m mnaygyu'umaayu̶gu̶xy: ‘Abraham u̶u̶ch nmu̶j'ap'ajtypy nmu̶jteedy'ajtypy ajku̶xy’, janch tu̶y'ajtu̶ñ du'un nnu̶maaygyu̶xy ko je̱'e̱ Dios mu̶baad je̱'e̱ Abraham yaj'ok'ung'áty yaj'ok'ana'k'áty adaa tzaa. 10Dios ni'ixu̶'u̶ je̱'e̱ y'ity neby je̱'e̱ ja'ay mu̶baad yajku'udu̶góy mu̶dyiibu̶ je̱'e̱ ju̶bu̶kwinma'añ mu̶dajtku̶xpu̶ñ, du'un neby je̱'e̱ ja'ay tu'ug ni'ixu̶'u̶ y'ity mu̶u̶d je̱'e̱ jyaachu̶ ko je̱'e̱ kepy tu'ug pujxu̶'u̶ga'añ ooxyjyooty. Ku̶xyu̶ kepy mu̶dyiibu̶ ka'p tyu̶m'aty, yajpujxu̶'kp je̱' y chi yajno'ogy. 11U̶u̶ch janch tu̶y'ajt, nyajnu̶u̶bejtypy miich ajku̶xy mu̶u̶d je̱'e̱ nu̶u̶ neby du'un kyu̶xu̶'u̶gu̶chu̶ñ ko tu̶ mjootwimbijtku̶xy ma je̱'e̱ Diosu̶ñ; peru̶ je̱'e̱ mu̶dyiibu̶ jak'u̶x'aam miimbu̶ñ je̱' xyajnu̶u̶bé̱du̶p ajku̶xy mu̶u̶d je̱'e̱ Espíritu Santo y mu̶u̶d je̱'e̱ ju̶u̶n. Je̱' jakmu̶k'ajtmu̶u̶d je̱'e̱ ni'igyu̶ ka'p u̶u̶chu̶ñu̶ba, u̶u̶ch ka'p u̶u̶ch xypyaady nú̶kxyu̶ch je̱'e̱ kyu̶'u̶g nwijtzwu̶dijtu̶. 12Je̱'e̱ Cristo ni'ixu̶'u̶ je̱'e̱ y'ity ko je̱'e̱ ja'ay oybyu̶ mo'owa'añ je̱'e̱ mu̶dyiibu̶ je̱'e̱ oywyinma'añ mu̶u̶du̶ñ ajku̶xy, y mo'owa'añ je̱'e̱ ja'ay tzaachpyu̶ je̱'e̱ mu̶dyiibu̶ je̱'e̱ ju̶bu̶kwinma'añ mu̶u̶du̶ñ ajku̶xy, je̱'e̱ tzaachpyu̶ mu̶dyiibu̶ ka'p nimu̶naaxu̶u̶ kyú̶xu̶ch tyu̶góyu̶chu̶ñ. Du'un neby je̱'e̱ ja'ay tu'ug ni'ixu̶'u̶ y'ity mu̶u̶d je̱'e̱ tyuumbe̱jtk ko tyrigo wimboja'añ, y u̶x'óxu̶ch je̱'e̱ trigo'ak, y pu̶gu̶'u̶gu̶ch je̱'e̱ oybyu̶ tyrigo ma je̱'e̱ che̱'e̱xu̶ñ, y no'ogu̶ch je̱'e̱ trigo'ak mu̶u̶d je̱'e̱ ju̶u̶n mu̶dyiibu̶ ka'p nimu̶naaxu̶u̶ pyi'idzu̶chu̶ñ.”
Jesús ñu̶u̶bejty
(Mc 1.9-11; Lc 3.21-22)
13Mu̶'it je̱'e̱ Jesús Galilea choñ ñu̶kxy ma je̱'e̱ Jordán mu̶jnu̶u̶ju̶ñ ma je̱'e̱ Juan najtyu̶ñ, wan je̱'e̱ Juan yajnu̶u̶be̱du̶u̶ju̶ch. 14Juan ka'p je̱'e̱ du'un ja'aku'ubu̶gaañ, y chi je̱'e̱ Jesús nu̶maay:
—Ni'igu̶ miich u̶u̶ch u̶xyu̶py xyajnu̶u̶be̱jtp, ¿y u̶u̶ch miich xyñimiimbu̶py ko nyajnu̶u̶bé̱du̶ch?
15Chi je̱'e̱ Jesús y'adzooy:
—U̶u̶ch yajnu̶u̶be̱jtk, wan du'un ku̶xyu̶ nguydyuunu̶mu̶ch neby je̱'e̱ Dios tu̶ xy'ane̱'e̱mu̶mu̶ñ.
Mu̶'it je̱'e̱ Juan du'un ku'ubu̶jky ko yajnu̶u̶bé̱du̶ch. 16Ko je̱'e̱ Jesús ñu̶u̶be̱jttaay, chi ñu̶u̶bu̶dzu̶u̶my. Mu̶'it je̱'e̱ tzajp mu̶k'eemby y'awaach, y chi je̱'e̱ Jesús ijxy ko je̱'e̱ Dios y'Espíritu kyu̶da'agy ma je̱'e̱ju̶ñ du'un neby tu'ug muuxyu̶ñ. 17Mu̶'it je̱'e̱ ayuuk tu'ug yajmu̶dooy choñ tzajpjooty myu̶naañ: “Adaa u̶u̶ch ada n'ung, mu̶dyiibu̶ u̶u̶ch oy ndzojkypy nju̶wu̶u̶ybyu̶ñ, mu̶dyiibu̶ u̶u̶ch tu̶ nwin'ixyu̶ñ.”
Actualmente seleccionado:
San Mateo 3: MIXE
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
San Mateo 3
3
Juan Bautista jim adu'ugtuum
(Mc 1.1-8; Lc 3.1-9, 15-17; Jn 1.19-28)
1Je̱'e̱ mu̶'it tiempo je̱'e̱ Juan Bautista jim Judea adu'ugtuum ñayyajni'igu̶xu̶'ku̶. 2Kapxwa'kxy je̱'e̱ Dios y'ayuuk tyu̶y'ajt, myu̶na'añ najty: “¡Jootwimbijtku̶x ma je̱'e̱ Diosu̶ñ, je̱' ko tu̶ je̱'e̱ xu̶u̶ tiempo paatnu̶ mu̶naa je̱'e̱ Dios y'ane̱'e̱mu̶ñ pu̶da'aga'añu̶ñ ya naaxwiiñ!”
3Juan je̱' najty je̱' je̱'e̱ mu̶dyiibu̶ je̱'e̱ Dios y'ayuuknajtzkapxu̶u̶ybyu̶ Isaías najty tu̶ nimu̶dya'agyu̶ñ:
“Jim adu'ugtuum yajmu̶dóy tu'ug je̱'e̱ ja'ay myu̶na'añ:
‘Yaj'oyu̶u̶ygyu̶x je̱'e̱ Windzú̶n Dios ñu̶u̶'aa tyu'u'aa,
Yajtu̶u̶wu̶ je̱'e̱ ñu̶u̶'aa tyu'u'aa ajku̶xy je̱'e̱ mu̶dyiibu̶ mu̶j aney axu̶guetyu̶ñ.’ ”
4Juan, camello pu̶jt najty je̱'e̱ wyit'ajtypy, y po'o'ák najty wyu̶u̶n'ajtypy, y mu'u najty jyu̶kxy'ajtypy y uuxpa'ag. 5Je̱'e̱ ja'ay mu̶dyiibu̶ najty jim Jerusalén tzu̶naaygyu̶xpu̶ñ y ku̶xyu̶ je̱'e̱ mu̶dyiibu̶ jim Judea naaxjooty tzu̶naaygyu̶xpu̶ñ y mu̶wingón je̱'e̱ Jordán naaxjooty, nú̶kxku̶xp najty je̱' ma je̱'e̱ Juangu̶ñ; nu̶kxy je̱'e̱ y'ayuuk amdo'ijtu̶ ajku̶xy. 6Ko je̱'e̱ pyoky kyu̶dyeey nigapxy ajku̶xy, chi je̱'e̱ Juan yajnu̶u̶be̱jtu̶ ajku̶xy ma je̱'e̱ Jordán mu̶jnu̶u̶ju̶ñ.
7Peru̶ ko je̱'e̱ Juan ijxy je̱'e̱ fariseo ja'ay y je̱'e̱ saduceo ja'ay ajku̶xy nimay ñimiñyii ajku̶xy y ñu̶u̶be̱daangu̶xy, chi nu̶maay ajku̶xy: “¡Miich ajku̶xy, tza'añdy m'ajuugy m'amu̶gu'ug'ajtypy ajku̶xy! ¿Pu̶n tu̶ xyñu̶maaygyu̶xy ko mni'idzookku̶xu̶ch#3.7 Nije̱' wiingpu̶ versión myu̶na'añ: janch jootkujku̶ch nayjyu̶wu̶'u̶yii mu̶u̶d miich. ma je̱'e̱ mu̶j'ayo'on je̱'e̱ mu̶dyiibu̶ je̱'e̱ Dios kye̱xe̱e̱mbyu̶ñ? 8Tuungu̶x je̱'e̱ oybyu̶, y du'un ñi'igu̶xu̶'u̶gu̶ch ko tu̶ mjootwimbijtku̶xy ma je̱'e̱ Windzú̶n Diosu̶ñ, 9y ka'p ku̶'u̶m mnaygyu'umaayu̶gu̶xy: ‘Abraham u̶u̶ch nmu̶j'ap'ajtypy nmu̶jteedy'ajtypy ajku̶xy’, janch tu̶y'ajtu̶ñ du'un nnu̶maaygyu̶xy ko je̱'e̱ Dios mu̶baad je̱'e̱ Abraham yaj'ok'ung'áty yaj'ok'ana'k'áty adaa tzaa. 10Dios ni'ixu̶'u̶ je̱'e̱ y'ity neby je̱'e̱ ja'ay mu̶baad yajku'udu̶góy mu̶dyiibu̶ je̱'e̱ ju̶bu̶kwinma'añ mu̶dajtku̶xpu̶ñ, du'un neby je̱'e̱ ja'ay tu'ug ni'ixu̶'u̶ y'ity mu̶u̶d je̱'e̱ jyaachu̶ ko je̱'e̱ kepy tu'ug pujxu̶'u̶ga'añ ooxyjyooty. Ku̶xyu̶ kepy mu̶dyiibu̶ ka'p tyu̶m'aty, yajpujxu̶'kp je̱' y chi yajno'ogy. 11U̶u̶ch janch tu̶y'ajt, nyajnu̶u̶bejtypy miich ajku̶xy mu̶u̶d je̱'e̱ nu̶u̶ neby du'un kyu̶xu̶'u̶gu̶chu̶ñ ko tu̶ mjootwimbijtku̶xy ma je̱'e̱ Diosu̶ñ; peru̶ je̱'e̱ mu̶dyiibu̶ jak'u̶x'aam miimbu̶ñ je̱' xyajnu̶u̶bé̱du̶p ajku̶xy mu̶u̶d je̱'e̱ Espíritu Santo y mu̶u̶d je̱'e̱ ju̶u̶n. Je̱' jakmu̶k'ajtmu̶u̶d je̱'e̱ ni'igyu̶ ka'p u̶u̶chu̶ñu̶ba, u̶u̶ch ka'p u̶u̶ch xypyaady nú̶kxyu̶ch je̱'e̱ kyu̶'u̶g nwijtzwu̶dijtu̶. 12Je̱'e̱ Cristo ni'ixu̶'u̶ je̱'e̱ y'ity ko je̱'e̱ ja'ay oybyu̶ mo'owa'añ je̱'e̱ mu̶dyiibu̶ je̱'e̱ oywyinma'añ mu̶u̶du̶ñ ajku̶xy, y mo'owa'añ je̱'e̱ ja'ay tzaachpyu̶ je̱'e̱ mu̶dyiibu̶ je̱'e̱ ju̶bu̶kwinma'añ mu̶u̶du̶ñ ajku̶xy, je̱'e̱ tzaachpyu̶ mu̶dyiibu̶ ka'p nimu̶naaxu̶u̶ kyú̶xu̶ch tyu̶góyu̶chu̶ñ. Du'un neby je̱'e̱ ja'ay tu'ug ni'ixu̶'u̶ y'ity mu̶u̶d je̱'e̱ tyuumbe̱jtk ko tyrigo wimboja'añ, y u̶x'óxu̶ch je̱'e̱ trigo'ak, y pu̶gu̶'u̶gu̶ch je̱'e̱ oybyu̶ tyrigo ma je̱'e̱ che̱'e̱xu̶ñ, y no'ogu̶ch je̱'e̱ trigo'ak mu̶u̶d je̱'e̱ ju̶u̶n mu̶dyiibu̶ ka'p nimu̶naaxu̶u̶ pyi'idzu̶chu̶ñ.”
Jesús ñu̶u̶bejty
(Mc 1.9-11; Lc 3.21-22)
13Mu̶'it je̱'e̱ Jesús Galilea choñ ñu̶kxy ma je̱'e̱ Jordán mu̶jnu̶u̶ju̶ñ ma je̱'e̱ Juan najtyu̶ñ, wan je̱'e̱ Juan yajnu̶u̶be̱du̶u̶ju̶ch. 14Juan ka'p je̱'e̱ du'un ja'aku'ubu̶gaañ, y chi je̱'e̱ Jesús nu̶maay:
—Ni'igu̶ miich u̶u̶ch u̶xyu̶py xyajnu̶u̶be̱jtp, ¿y u̶u̶ch miich xyñimiimbu̶py ko nyajnu̶u̶bé̱du̶ch?
15Chi je̱'e̱ Jesús y'adzooy:
—U̶u̶ch yajnu̶u̶be̱jtk, wan du'un ku̶xyu̶ nguydyuunu̶mu̶ch neby je̱'e̱ Dios tu̶ xy'ane̱'e̱mu̶mu̶ñ.
Mu̶'it je̱'e̱ Juan du'un ku'ubu̶jky ko yajnu̶u̶bé̱du̶ch. 16Ko je̱'e̱ Jesús ñu̶u̶be̱jttaay, chi ñu̶u̶bu̶dzu̶u̶my. Mu̶'it je̱'e̱ tzajp mu̶k'eemby y'awaach, y chi je̱'e̱ Jesús ijxy ko je̱'e̱ Dios y'Espíritu kyu̶da'agy ma je̱'e̱ju̶ñ du'un neby tu'ug muuxyu̶ñ. 17Mu̶'it je̱'e̱ ayuuk tu'ug yajmu̶dooy choñ tzajpjooty myu̶naañ: “Adaa u̶u̶ch ada n'ung, mu̶dyiibu̶ u̶u̶ch oy ndzojkypy nju̶wu̶u̶ybyu̶ñ, mu̶dyiibu̶ u̶u̶ch tu̶ nwin'ixyu̶ñ.”
Actualmente seleccionado:
:
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005