Amos 4
4
1Horcht emol no waut ekj saj:
Jie Frues von opp däm Samaria Boajch,
jie sent jefeet un straum aus de Kjieej en Baschan;
jie nutzen de oame ut, un bestälen de schwake,
un sajen to june Mana: Brinjt ons waut to drinkjen.
2Soo secha aus Gott de Har heilich es,
haft hee vesproaken:
Horcht emol, doa woat eene Tiet komen,
wua jie met schoape Hoakes woaren veschlapt woaren,
un dee waut doa äwabliewen, met Fesch Hoakes.
3Un jie woaren aula bloos verwoats
derch irjent een Loch enne Stautswaunt
rut no Harmon jeschlapt woaren.
Dit lot junt vom Harn jesajcht sennen.
Israel nemt nich Lia aun
4Komt no Betel un vesindicht junt,
no Gilgal, un moakt daut noch oaja.
Brinjt jun Opfatia aule morjen,
un jun tieendel jieda dredda Dach. #5Mo 14,28; Hos 12,12
5Brinjt een Opfa von jesuadet Broot,
un moakt june friee Gowen bekaunt.
Soont jeit je junt soo scheen, jie Israeliten.
Dit lot junt von Gott däm Harn jesajcht sennen. #3Mo 2,11
6Ekj leet daut too en june Städa,
daut june Tänen rein bleewen,
daut doa noanich Broot to äten wia,
un doch kjeem jie nich trigj no mie.
Dit lot junt vom Harn jesajcht sennen.
7Dree Moonat verem arnten
hilt ekj dän Räajen opp.
Opp eene Staut leet ekj daut räajnen,
un oppe aundre hilt ekj dän trigj;
opp eene Stap leet ekj daut räajnen,
un oppe aundre leet ekj aules vedrieejen. #1Kjen 17,1
8De Lied von twee un dree Städa
jinjen no eene Staut, daut see drinkjen kunnen,
un hauden nich jenuach fa äaren darscht;
un doch kjeem jie nich trigj no mie.
Dit lot junt vom Harn jesajcht sennen.
9Ekj jeef junt drieeje Joaren,
un leet Braunt oppe Flekja komen.
De Rupen freeten aules waut enne Goades un aun de Wienranken,
aun de Fiejenbeem un Oliewenbeem woss,
un doch kjeem jie nich trigj no mie. #Joel 1,4; Hag 1,11
10Ekj schekjt eene Ploag opp junt,
soo aus ekj opp Ägipten deed.
Ekj leet june junge Mana
em Kjrich to dood komen,
un neem junt june Pieed wajch.
Ekj leet daut Jestank von jun Soldotenloaga
unja june Näsen trakjen,
un doch kjeem jie nich trigj no mie.
Dit lot junt vom Harn jesajcht sennen. #2Mo 9,3
11Ekj brocht een Schoden mank junt,
soonen aus Gott en Sodom un Gomorra deed,
un jie wieren aus een Stekj Brenholt,
daut eena ut däm Fia ritt,
un doch kjeem jie nich trigj no mie.
Dit lot junt vom Harn jesajcht sennen. #1Mo 19,24-25; Sach 3,2
12Un wiels jie Israeliten nich trigj komen,
woa ekj junt noch mea von dit jäwen.
Un wiels ekj noch mea von dit doonen woa,
moakt junt reed junen Gott to bejäajnen, jie Israeliten.
13Horcht emol, Gott haft de Boaj jemoakt,
un am jehieet de Wint.
Hee lat de Menschen weeten waut hee väahaft.
Hee vejajcht zemorjes de Nacht,
un traumpelt oppe Boaj.
Sien Nomen es “Har, de Gott dee aules rejieet”. #Micha 1,3
Actualmente seleccionado:
Amos 4: PB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.