 If you would like a copy of this version please contact info@davaraudiobibles.org

Adamawa Fulfulde Bible

Fulfulde Bible Ajamiya © Bible Society of Cameroon, 2016.

ࢩَنْدٜ سِوْتٛرْدٜ وٛطْندٜ، عِيسَى طٛنّٛ سَالٛ ندٜرْ نغٜسَ عَلْکَمَارِ بٜى ݠُکَرَعٜنْ مُوطُمْ؞ ݠُکَرَعٜنْ عِتِّ شَمّٜىٰجٜ عَلْکَمَارِ، ࢡٜݠٛڢْلِ طٜ بٜى جُوطٜ مَࢡّٜ، ࢡٜࢨَکِّ؞ ڢَرِسَعٜنْ وٛطْࢡٜ مبِعِ ࢡٜ‏: «نغَمْ طُمٜ عٛنْ طٛنْ نغَطَ کٛ تَوْرٜىٰتَ دُنغَاکِ ࢩَنْدٜ سِوْتٛرْدٜ؟» عِيسَى جَابِ ࢡٜ‏: «عٛنْ نجَنغَايْ کٛ دَاوُدَ بٜى يِمْࢡٜ مُوطُمْ مبَطْنٛ ࢩَنْدٜ ڢٜىٰرٜ، ندٜ دٛلٛ نَاوِ ࢡٜ نَ؟ عٛنَسْتِ سُودُ اَللَّه، عٛحٛوسِ تَمْسٜىٰجٜ جٛعِّنَاطٜ يٜىٰسٛ اَللَّه، عٛࢩَامِ، عٛحٛکِّ يِمْࢡٜ مَاکٛ بٛو، ࢡٜࢩَامِ، کٛو ندٜ تَوْرٜىٰتَ مٜىٰطٜنْ دُنغَنَاکِ وٛطْࢡٜ ڢٜىٰرٜ ࢩَامُغٛ، سٜيْ لِمَنْعٜنْ تَنْ؞» عِيسَى ࢡٜسْدِ وِعُغٛ‏: « ࢡِي-نٜطّٛ وٛنِ جَوْمُ ࢩَلَادٜ سِوْتٛرْدٜ؞»


ࢩَنْدٜ سِوْتٛرْدٜ وٛطْندٜ بٛو، عِيسَى نَسْتِ سُودُ دٜوَلْ يَحُودُعٜنْ، عٛڢُطِّ عٜکِّتِنْغٛ؞ غٛطّٛ مٛ جُنغٛ مُمْ ࢩَامٛ وَاتِ طٛنْ تٛنْ؞ مٛودِࢡّٜ تَوْرٜىٰتَ عٜ ڢَرِسَعٜنْ طٛنّٛ عَيْنَ نغَمْ حَا ࢡٜنغِعَ تٛ عِيسَى يَمْطِتِنَنْ غٛطّٛ ࢩَنْدٜ سِوْتٛرْدٜ، نغَمْ حَا ࢡٜکٜࢡَ حُجَّ وُلَّاغٛ مٛ؞ عَمَّا عِيسَى عَنْدِ نُمٛوجِ مَࢡّٜ؞ عٛوِعِ وَاتَ-جُنغٛوجٛ غٛ‏: «عُمَّ، دَرَ شَکَ يِمْࢡٜ حَا طٛ؞» غٛطّٛ عٛو عُمِّ، دَرِ؞ ندٜنْ عِيسَى وِعِ ࢡٜ‏: «مِطٛنْ ࢨَمَ عٛنْ‏: طُمٜ تَوْرٜىٰتَ مٜىٰطٜنْ دُنغِ وَطُغٛ ندٜرْ ࢩَلَادٜ سِوْتٛرْدٜ؟ مبٛوطٜىٰنغَ نَا مَلَّ حَلّٜىٰندٜ؟ حِسْنُغٛ يٛنغْکِ نٜطّٛ نَا مَلَّ حَلْکُغٛ کِ؟» عٛلَارِ ࢡٜ ڢُو، ندٜنْ عٛوِعِ غٛطّٛ غٛ‏: «ڢٛرْتُ جُنغٛ مَ‏!» عٛڢٛرْتِ نغٛ، نغٛ يَمْطِتِ؞ مٛودِࢡّٜ تَوْرٜىٰتَ عٜ ڢَرِسَعٜنْ کٜىٰوِ تِکّٜرٜ مَسِنْ، ࢡٜندَوْرِدِ دٛوْ کٛ ࢡٜمبَطَتَ عِيسَى؞


ࢩَنْدٜ مَنْ عِيسَى وَعِّ دٛوْ حٛوسٜىٰرٜ نغَمْ حَا عٛوَطَ دٛعَ، عٛتٛرِ اَللَّه جٜمَّارٜ مَنْ ڢُو؞ ندٜ وٜىٰتِ، عٛعٜوْنِ ݠُکَرَعٜنْ مَاکٛ، عٛسُࢡِ سَݠّٛ عٜ طِطٛ شَکَ مَࢡّٜ، عٛعٜوْنِ ࢡٜ نٜلَاࢡٜ‏: سِمٛنْ مٛ عٛعِنْدِ طُمْ بٛو ݠِيٜرْ عٜ دٜىٰرْطُمْ عَندِرٜ، يَاکُبَ عٜ يُحَنَّ، ڢِلِݠْ عٜ بَرْتٛلٛمٜ، مَتَّ عٜ تٛمَسْ، يَاکُبَ ࢡِي حَلْڢَ، سِمٛنْ مٛ غٛطّٛ يٜࢡْرٜ زٜلٛتْعٜنْ، يَحُودَ ࢡِي يَاکُبَ عٜ يَحُودَ عِسْکَرِيٛتْ، زَمْبٛتٛوطٛ عِيسَى؞


عِيسَى جِݠِّدِ حٛوسٜىٰرٜ غٛ بٜى مَࢡّٜ، عٛدَرِ حَا بَبَلْ ݠٜىٰشِينغَلْ، ݠُکَرَعٜنْ مَاکٛ طُوطْࢡٜ طٛنّٛ تٛنْ، نٛنْ بٛو يِمْࢡٜ ࢡٜ لٜسْدِ يَحُدِيَ ڢُو عٜ يِمْࢡٜ عُرُسَلِيمَ عٜ يِمْࢡٜ ڢٛمٛوندٜ مبٜىٰلَ کٛمْبِ تِرُسْ عٜ سِدٛنْ؞ ࢡٜنغَرِ نغَمْ نَنُغٛ مٛ عٜ نغَمْ عٛيَمْطِتِنَ ࢡٜ دِغَ ࢩَوُجِ مَࢡّٜ؞ تٛرَّاࢡٜ رُوحُوجِ شٛࢡْطِ بٛو نغَرِ، ࢡٜنجَمْطِتِ؞ يِمْࢡٜ ڢُو طٛنّٛ تٜڢَ مٜىٰمُغٛ مٛ، نغَمْ بَاوْطٜ طٛنْ نغُرْتٛ حَا مَاکٛ، نجَمْطِتِنَ ࢡٜ ڢُو؞


ندٜنْ عِيسَى لَارِ ݠُکَرَعٜنْ مُوطُمْ، عٛوِعِ‏:
«بَرْکَ لَاتَنٛ عٛنْ، عٛنٛنْ تَلَکَعٜنْ،
نغَمْ عٛنٛنْ نجٜيِ لَامُ اَللَّه؞
بَرْکَ لَاتَنٛ عٛنْ، عٛنٛنْ دٛلْࢡٜ جٛنْتَ،
نغَمْ عٛنْ تَمِّ حَارُغٛ؞
بَرْکَ لَاتَنٛ عٛنْ، عٛنٛنْ وٛيَنْࢡٜ جٛنْتَ،
نغَمْ عٛنْ تَمِّ جَلُغٛ؞
«بَرْکَ لَاتَنْتٛ عٛنْ، تٛ يِمْࢡٜ نغَࢩِ عٛنْ، نغُرْتِنِ عٛنْ شَکَ مَࢡّٜ، کُطِ عٛنْ، مبٛلْوِ کَلُّکَ دٛوْ مٛوطٛنْ دَلِيلَ ࢡِي-نٜطّٛ ؞ مبٜلْمبٜلْتٜ ࢩَنْدٜ مَاجُمْ، ندِوٜ نغَمْ سٜيٛ، نغَمْ مبَرْجَارِ مَوْندِ طٛنْ رٜىٰنَ عٛنْ حَا عَسَمَ؞ نغَمْ بَنَ نٛنْ کَاکِرَاࢡٜ مَࢡّٜ مبَطْنٛ اَلنَّبِعٜنْ نَانٜ؞
عَمَّا بٛنٜ لَاتَنٛ عٛنْ، عٛنٛنْ رِسْکُࢡٜ،
نغَمْ عٛنْ کٜࢡِ حَيْرُ مٛوطٛنْ تِمِّ؞
بٛنٜ لَاتَنٛ عٛنْ، عٛنٛنْ حَارْࢡٜ جٛنْتَ،
نغَمْ عٛنْ تَمِّ مَاتُغٛ دٛلٛ؞
بٛنٜ لَاتَنٛ عٛنْ، عٛنٛنْ جَلَنْࢡٜ جٛنْتَ،
نغَمْ عٛنْ نغٛنَنْ ندٜرْ سُنٛ عٜ بٛجِّ؞
بٛنٜ لَاتَنٛ عٛنْ، تٛ يِمْࢡٜ ڢُو مبِعَنِ عٛنْ بٛوطُّمْ،
نغَمْ بَنَ نٛنْ کَاکِرَاࢡٜ مَࢡّٜ مبِعَنِ ڢٜوٛوࢡٜ وِعْࢡٜ ࢡٜعَنَّبِعٜنْ؞»


«مِطٛنْ وِعَ عٛنْ، عٛنٛنْ نَنَنْࢡٜ يَمْ‏: نغِطٜ کٛنّٜعٜنْ مٛوطٛنْ، مبٛونَنٜ وَࢩَنْࢡٜ عٛنْ؞ مبَرْکِطِنٜ نَالَنْࢡٜ عٛنْ؞ ندٛعَنٜ تٛرَّنْࢡٜ عٛنْ؞ تٛ غٛطّٛ مَارِ مَ حَا غَلَنغَلْ نغَعَلْ، وَيْلِتَنْ مٛ نغَلَ بٛو؞ تٛ غٛطّٛ حٛوسِ مَ نغَݠَلٜىٰوٛلْ، تَا حَطْ مٛ حٛوسُغٛ تٛغّٛورٜ مَاطَ؞ حٛکُّ تٛرِيطٛ مَ کٛو طُمٜ ڢُو؞ تٛ غٛطّٛ حٛوسِ کٛ مَرْطَ، تَا ࢨَمْتُ طُمْ؞ مبَطَنٜ يِمْࢡٜ کٛ نغِطّٛنْ ࢡٜمبَطَنَ عٛنْ؞
«تٛ عٛنْ نغِطِ يِطْࢡٜ عٛنْ تَنْ، يٜتّٛورٜ ندٜيٜ ندٜىٰنٛتٛنْ؟ کٛو حَکّٜعٜنْ بٛو نغِطِ يِطْࢡٜ طُمْعٜنْ؞ تٛ عٛنْ طٛنْ مبَطَ مبٛوطٜىٰنغَ حَا وَطَنَنْࢡٜ عٛنْ مبٛوطٜىٰنغَ، يٜتّٛورٜ ندٜيٜ ندٜىٰنٛتٛنْ؟ کٛو حَکّٜعٜنْ بٛو طٛنْ مبَطَ بَنَ نٛنْ؞ تٛ عٛنْ طٛنْ ندٛکَّ ࢩَمَاندٜ حَا ࢡٜ عٛنْ تَمّٛتٛ نجٛࢡَنْ عٛنْ تَنْ، يٜتّٛورٜ ندٜيٜ ندٜىٰنٛتٛنْ؟ کٛو حَکّٜعٜنْ طٛنْ ندٛکَّ حَکّٜعٜنْ ࢩَمَاندٜ نغَمْ ࢡٜنجٛࢡَ ࢡٜ بَنَ نٛ طُمْ ڢٛتِ؞ عَمَّا نغِطٜ کٛنّٜعٜنْ مٛوطٛنْ، مبَطَنٜ ࢡٜ مبٛوطٜىٰنغَ عٜ ندٛکّٜ ࢡٜ ࢩَمَاندٜ بِلَا تَمَّاغٛ کٛو طُمٜ؞ مبَرْجَارِ مٛوطٛنْ لَاتٛتٛ مَوْندِ، عٛنْ لَاتٛتٛ بٛو ࢡِࢡّٜ اَللَّه ࢡَنغِيطٛ؞ نغَمْ عٛ بٛوطّٛ حٜىٰدِ يٜتَّرْࢡٜ عٜ حَلُّࢡٜ؞ لَاتٜ عٜنْطٛوࢡٜ بَنَ بَابِرَاوٛ مٛوطٛنْ عٛ عٜنْطُطٛ؞»


«تَا لَاتٜ حِيتٛوࢡٜ وٛطْࢡٜ، اَللَّه بٛو حِيتَتَاکٛ عٛنْ؞ تَا ندٛعّٜ وٛطْࢡٜ کِيتَ، اَللَّه بٛو دٛعَّتَا عٛنْ کِيتَ؞ نجَاڢٜ وٛطْࢡٜ، اَللَّه بٛو يَاڢٛتٛ عٛنْ؞ ندٛکّٜ وٛطْࢡٜ، اَللَّه بٛو حٛکَّنْ عٛنْ، عٛرُڢَنْ ندٜرْ جِيبَ مٛوطٛنْ مَکَّ عٜتَاطُمْ بٛوطُّمْ، تِطِّيطُمْ، کٜىٰوْطُمْ حَا رُڢَ؞ نغَمْ اَللَّه عٜتَنَنْ عٛنْ بٜى عٜتِرْغٜلْ نغٜلْ عٛنْ عٜتِرَنِ وٛطْࢡٜ بٜى مُوطُمْ؞»
عِيسَى وٛلْوَنِ ࢡٜبَلْنْدٛلْ ڢَحِنْ‏: «بُمْطٛ وَاوَنْ طٛوُغٛ بُمْطٛ نَ؟ ࢡٜ طِطٛ ڢُو ࢡٜندٛعَّتَاکٛ ندٜرْ نغَسْکَ نَ؟ جَنغٛووٛ ࢡُرَتَا جَنغِنٛووٛ مُوطُمْ مَنغُ، عَمَّا جَنغِنَاطٛ بٛوطُّمْ ڢُو لَاتٛتٛ بَنَ جَنغِنٛووٛ مُوطُمْ؞
«کٛنِ عَطٛنْ يِعَ کُطٜلْ حَا يِيتٜرٜ دٜىٰرْطَ، عَمَّا عَحَکِّلَنْتَا لٜغَّلْ غٛنْنغَلْ ندٜرْ يِيتٜرٜ مَ؟ نٛيْ مبِعْرَتَ دٜىٰرْطَ‏: عَشُّ مِعِتَّنٜ کُطٜلْ حَا يِيتٜرٜ مَ، عَنْ مَا، لٜغَّلْ طٛنْ ندٜرْ يِيتٜرٜ مَاطَ‏! عَنْ نَاڢِکِيجٛ، عَارْتُ عِتُّغٛ لٜغَّلْ غٛنْنغَلْ ندٜرْ يِيتٜرٜ مَاطَ، ندٜنْ کَمْ عَيِعَنْ لَاࢡْطُمْ، حَا عَعِتَّ کُطٜلْ ندٜرْ يِيتٜرٜ دٜىٰرْطَ؞»


«وَلَا لٜکِّ بٛوطْکِ رِمَتَ ࢡِࢡّٜ کَلُّطٜ، وَلَا لٜکِّ کَلُّکِ بٛو رِمَتَ ࢡِࢡّٜ بٛوطّٜ؞ لٜکِّ ڢُو طٛنْ عَنْدِتِرٜ دِغَ ࢡِࢡّٜ مُوطُمْ؞ ࢡٜتٜࢡَتَا عِبّٜ حَا لٜکِّ غِعٜ؞ ࢡٜتٜࢡَتَا عِنَبٛوجٜ حَا جَاجِيحِ؞ نٜطّٛ بٛوطّٛ طٛنْ وُرْتِنَ مبٛوطٜىٰنغَ دِغَ سِغَ ࢡٜرْندٜ مُمْ مبٛوطْکَ؞ نٜطّٛ کَلُّطٛ بٛو طٛنْ وُرْتِنَ حَلّٜىٰندٜ دِغَ سِغَ ࢡٜرْندٜ مُمْ کَلُّکَ؞ نغَمْ کٛ ࢡٜرْندٜ نٜطّٛ حٜىٰوْرِ کَنْجُمْ حُنْدُکٛ وٛلْوَتَ؞»


«نغَمْ طُمٜ عٜوْنٛتٛوطٛنْ يَمْ جَوْمِرَاوٛ، جَوْمِرَاوٛ، عَمَّا عٛنْ مبَطَتَا کٛ مبِعَنْمِ عٛنْ؟ کٛو مٛيْ غَرَنْطٛ حَا عَمْ، نَنَنْطٛ بٛلّٜ عَمْ، طٛوْتَنْتٛوطٛ طٜ، مِحٛلَّنَنْ عٛنْ بٜى مٛيْ عٛنَنْدِرِ؞ عٛنَنْدِ بٜى نٜطّٛ مَحَنْطٛ سُودُ، مٛ وَسِ نغَسْکَ، لُغِّنِ کَ حَا جٛکِّ تَݠَارٜ، عٛسَࢡِّ شَࢡَّوَلْ دٛوْ مَارٜ؞ عِلَمْ وَرِ، ندِيَمْ مَاجٜ لُکِّ ندُ، عَمَّا ندُ دِمْبَاکِ سَمْ، نغَمْ ندُ مَحَاندُ بٛوطُّمْ؞ عَمَّا نَنَنْطٛ بٛلّٜ عَمْ، طٛوْتَنْتَاکٛ طٜ، عٛنَنْدِ بٜى غٛطّٛ مَحْطٛ سُودُ دٛوْ مبُلْوُلْدِ بِلَا سَࢡُّغٛ شَࢡَّوَلْ؞ ندٜ عِلَمْ لُکِّ ندُ، لَوْ ندُ ڢُو مَارُ ندُ يِبِّ يِبّٜرٜ نَاوْندٜ؞»

بشنويد لُکَ 6