Western Cree Bible (Syllabics version) About Western Cree In reality, there is no such language as “Western Cree.” However, the western varieties of Cree, currently known as Plains Cree, Alberta Cree, Swampy Cree, and Woods Cree, have at times been lumped together under the term “Western Cree.” About This Translation A Bible was published in “Western Cree” in 1862 by the British and Foreign Bible Society. It had been translated by William Mason (a missionary ministering in Norway House) and particularly by his wife Sophia Thomas Mason (from Red River, whose mother was Cree), with substantial contributions by indigenous co-workers John Sinclair and the Reverend Henry Bird Steinhauer. This was the second Bible printed in a North American indigenous language. It was printed entirely in syllabics. This Bible was later revised by Archdeacon MacKay and Richard Faries. This Bible has remained in use in Cree communities up to the present day. It has been out of print for several years, and there are frequent requests for copies. The text has now been digitized, and corrections are being done to the typos that crept into the text. If you are interested in obtaining a printed copy of this Bible, please contact the Canadian Bible Society at http://www.biblescanada.com. Copyright Information The Holy Bible in Western Cree © 2018 Canadian Bible Society. The text of the Holy Bible in Western Cree that appears in this electronic format or website is for personal use only. Up to five hundred (500) verses of the Bible text in any form (written, visual, electronic or audio) may be quoted without permission. The quoted verses may not be more than 50% of a complete book of the Bible, or more than 25% of the total text of the work in which they are quoted. Prior written permission must be obtained for any other use of the text. Copyright acknowledgement must in all cases appear on the title or copyright page. For more information on copyright conditions or to apply, visit http://www.biblesociety.ca/copyright

Kanāci Kihci Masinahikan

This Bible text is a corrected edition of the 1908 Western Cree Bible; it is in the public domain.

ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐊᓇ ᐁᑳ ᑳ ᐱᐦᑐᑫᐟ ᐁ ᐃᓯ ᐃᐢᑲᐧᑌᒥᐊᐧᕽ ᒫᔭᑎᐦᑯᑲᒥᐠ, ᒫᑲ ᐱᑐᐢ ᐃᑕ ᐅᐦᒋ ᑯᐢᐹᑕᐃᐧᒋ, ᐁᐊᐧᑯ ᑭᒧᑎᐢᐠ ᒥᓇ ᐅᒪᐢᑲᑌᐧᐢᐠ. ᒫᑲ ᐊᓇ ᐃᐢᑲᐧᑌᒥᕽ ᑳ ᐅᐦᒋ ᐱᐦᑐᑫᐟ ᐁᐊᐧᑯ ᐅᑲᓇᐃᐧᒫᔭᑎᐦᑫᐧᐤ. ᔪᑌᓇᒪᐠ ᒫᑲ ᐅᑲᓇᐃᐧᐢᑳᐧᑕᐁᐧᐊᐧ; ᒫᔭᑎᐦᑲᐧ ᒫᑲ ᓇᑐᑕᒥᔨᐊᐧ ᐅᐟ ᐃᑌᐧᐃᐧᐣ: ᐁ ᐃᓯᔨᐦᑳᓱᔨᐟ ᒫᑲ ᐃᓯ ᓇᑐᒣᐤ ᑎᐱᔭᐤ ᐅ ᒫᔭᑎᐦᑯᒪ, ᐁᑯᓯ ᐁ ᐊᐧᔭᐃᐧᑕᐋᐟ. ᐃᐢᐱ ᒫᑲ ᐁᐧᔭᐃᐧᐸᑭᑎᓈᒋ ᑎᐱᔭᐤ ᐅ ᒫᔭᑎᐦᑯᒪ, ᓂᑳᓄᑕᐁᐧᐤ, ᐁᑯᓯ ᒫᔭᑎᐦᑲᐧ ᐊᑎ ᐱᒥᑎᓴᐦᐅᐠ: ᐃᐧᔭ ᐁ ᓂᓯᑐᐦᑖᑯᐟ. ᒪᓂᑌᐊᐧ ᓇᒪᐃᐧᔭ ᑭᑕ ᐱᒥᑎᓴᐁᐧᐊᐧᐠ, ᒫᑲ ᑭᑕ ᑕᐸᓯᐁᐊᐧᐠ; ᐃᐧᔭ ᐁᑳ ᐁ ᓂᓯᑐᑕᐋᐧᒋᐠ ᒫᓂᑌᐊᐧ. ᐁᐊᐧᑯ ᐅᒪ ᐋᐁᐧᒋᑲᐣ ᒋᓴᐢ ᑳ ᐊᐧᐃᐧᑕᒪᐋᐧᐟ; ᒫᑲ ᓇᒪᐃᐧᔭ ᑭ ᓂᓯᑐᐦᑕᐁᐧᐊᐧᐠ ᑫᑲᐧᐩ ᑳ ᐃᓯ ᐊᐧᐃᐧᑕᒪᑯᒋᐠ.
ᒋᓴᐢ ᒫᑲ ᒥᓇ ᐅᒥᓯ ᑭ ᐃᑌᐤ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᓂᔭ ᐅᐟ ᐃᐢᑳᐧᑌᒥᐋᐧᐤ ᒫᔭᑎᐦᑲᐧᐠ. ᑲᐦᑭᔭᐤ ᑳ ᑭ ᐯ ᐃᑐᐦᑌᒋᐠ ᒪᐧᔦᐢ ᐯ ᐃᑐᐦᑌᔮᐣ ᑭᒧᑎᐢᑲᐠ ᒥᓇ ᒪᐢᑲᑌᐧᐢᑲᐠ; ᒫᑲ ᒫᔭᑎᐦᑲᐧ ᓇᒪᐃᐧᔭ ᑭ ᓇᑐᑖᑲᐧᐠ. ᓂᔭ ᐃᐢᑳᐧᑌᒼ; ᑭᐢᐱᐣ ᓂᔭ ᐅᐦᒋ ᐊᐃᐧᔭᐠ ᐊᔨᓯᔨᓂᐤ ᐱᐦᑐᑫᒋ, ᐁᐊᐧᑯ ᑫ ᐱᒫᑎᓯᐟ, ᑭᑕ ᐱᑐᑫᐤ ᒫᑲ ᒥᓇ ᑭᑕ ᐊᐧᔭᐃᐧᐤ, ᑭᑕ ᒥᐢᑲᒼ ᒫᑲ ᑫ ᒥᒋᐟ. ᑭᒧᑎᐢᐠ ᓇᒪᐃᐧᔭ ᐯ ᐃᑐᐦᑌᐤ, ᐱᑯ ᑭᑕ ᑭᒧᑎᐟ ᒥᓇ ᑭᑕ ᓂᐸᑖᑫᐟ, ᒥᓇ ᑭᑕ ᓂᓯᐊᐧᓈᒋᐦᐃᐁᐧᐟ; ᓂᔭ ᒫᑲ ᓂ ᐯ ᐃᑐᐦᑖᐣ ᑭᑕ ᐊᔮᒋᐠ ᐱᒫᑎᓯᐃᐧᐣ ᒥᓇ ᒫᑲ ᑭᑕ ᐁᐧᔪᒋ ᐊᔮᒋᐠ. ᓂᔭ ᐅᒥᔪ ᑲᓇᐃᐧᒫᔭᑎᐦᑫᐧᐤ: ᐅᒥᔪ ᑲᓇᐃᐧᒪᔭᑎᑫᐧᐤ ᒣᑭᐤ ᐅ ᐱᒫᑎᓯᐃᐧᐣ ᒫᔭᑎᐦᑲᐧ ᐅᐦᒋ. ᒫᑲ ᑳ ᒧᐦᒋ ᐊᑐᐢᑫᐢᑖᑫᐟ, ᐁᑳ ᑳ ᐅᑲᓇᐃᐧᒫᔭᑎᐦᑫᐧᐃᐧᐟ, ᐁᑳ ᑳ ᑎᐱᔭᐁᐧᐃᐧᓯᐟ ᒫᔭᑎᐦᑲᐧ, ᐁ ᐋᐧᐸᒫᐟ ᒪᐃᑲᓇ ᐁ ᐹᐸᑖᔨᐟ, ᐁᑯᓯ ᐃᓯ ᓇᑲᑌᐤ ᒫᔭᑎᐦᑲᐧ ᐁ ᑕᐸᓯᐟ: ᐁᑯᓯ ᒫᑲ ᒪᐃᑲᐣ ᐅᑎᐦᑎᓀᐤ, ᒥᓇ ᓯᓭᐧᑎᓴᐁᐧᐤ ᒫᔭᑎᐦᑲᐧ ᑕᐸᓯᐤ, ᒋᑫᒫ ᒧᐦᒋ ᐊᑐᐢᑫᐢᑖᑫᐤ ᐁᑯᓯ ᓇᒪᐃᐧᔭ ᑖᐯᐧ ᒥᑐᓀᔨᒣᐤ ᒫᔭᑎᐦᑲᐧ. ᓂᔭ ᐅᒥᔪ ᑲᓇᐃᐧᒫᔭᑎᐦᑫᐧᐤ, ᓂ ᑭᐢᑫᔨᒫᐊᐧᐠ ᓂ ᒫᔭᑎᐦᑯᒪᐠ, ᒥᓇ ᑭ ᑭᐢᑫᔨᒥᑲᐧᐠ ᑳ ᐊᔮᐊᐧᑭᐠ, ᑖᐱᐢᑯᐨ ᑳ ᐃᓯ ᑭᐢᑫᔨᒥᐟ ᐁᐧᔪᑖᐃᐧᕽ, ᐁᑯᓯ ᓂᐢᑕ ᑳ ᐃᓯ ᑭᐢᑫᔨᒪᐠ ᐁᐧᔪᑖᐃᐧᕽ: ᒥᓇ ᓂ ᐸᑭᑎᓀᐣ ᓂ ᐱᒫᑎᓯᐃᐧᐣ ᒫᔭᑎᐦᑲᐧᐠ ᐅᐦᒋ. ᑯᑕᑲᐠ ᒫᑲ ᒥᓇ ᒫᔭᑎᐦᑲᐧᐠ ᓂᐟ ᐊᔮᐊᐧᐊᐧᐠ, ᐁᑳ ᐁ ᐃᐧᒋᐃᐁᐧᒋᐠ ᐅᒪ ᒫᔭᑎᐦᑯᑲᒥᐠ; ᐁᐊᐧᑯᓂᐠ ᒥᓇ ᓂ ᑲ ᐯᓯᐋᐧᐊᐧᐠ, ᐁᑯᓯ ᒫᑲ ᑭᑕ ᓇᑐᑕᒪᐧᐠ ᓂᐟ ᐃᑌᐧᐃᐧᐣ; ᑭᑕ ᐯᔭᑲᐧᐣ ᒫᑲ ᒫᔭᑎᐦᑯᑲᒥᐠ, ᒥᓇ ᑭᑕ ᐯᔭᑯ ᐅᑲᓇᐃᐧᒫᔭᑎᐦᑫᐧᐤ. ᐁᐊᐧᑯ ᒫᑲ ᐁᐧᒋ ᓵᑭᐦᐃᐟ ᓄᑖᐃᐧ, ᒋᑫᒫ ᐁ ᐸᑭᑎᓇᒫᐣ ᓂ ᐱᒫᑎᓯᐃᐧᐣ, ᒥᓇ ᒫᑲ ᑭᑕ ᐅᑎᓇᒫᐣ. ᓇᒪ ᐊᐃᐧᔭᐠ ᐊᔨᓯᔨᓂᐤ ᓂ ᒪᐢᑲᒥᐠ ᓂᔭ ᑎᐱᔭᐤ ᓂ ᐸᑭᑎᓀᐣ. ᓂᐟ ᐊᔮᐣ ᑲᐢᑭᐦᐁᐃᐧᓯᐃᐧᐣ ᑭᑕ ᐸᑭᑎᓇᒫᐣ, ᒥᓇ ᓂᐟ ᐊᔮᐣ ᑲᐢᑭᐦᐁᐃᐧᓯᐃᐧᐣ ᑳᐃᐧ ᑭᑕ ᐅᑎᓇᒫᐣ. ᐁᐊᐧᑯ ᐅᒪ ᐅᔭᓱᐁᐧᐃᐧᐣ ᑳ ᒥᔨᐟ ᓄᑖᐃᐧ.
ᐁᑯᓯ ᒫᑲ ᒍᐊᐧᐠ ᐸᐱᑐᐢ ᑭ ᐊᔨᑌᔨᒣᐊᐧᐠ ᐅᒥᓯ ᐁ ᑭ ᐊᔨᑌᐧᔨᐟ. ᒥᐦᒉᐟ ᒫᑲ ᑭ ᐃᑌᐧᐊᐧᐠ, ᐊᔮᐁᐧᐤ ᒪᒋ ᐊᐦᒑᐦᑲᐧ ᐁᑯᓯ ᐊᐧᓂᓀᐤ; ᑖᓀᑭ ᑳ ᓇᑐᑕᐋᐧᔦᐠ? ᑯᑕᑲᐠ ᑭ ᐃᑌᐧᐊᐧᐠ, ᓇᒪᐃᐧᔭ ᐁᐊᐧᑯᓂ ᐅᐟ ᐃᑌᐧᐃᐧᓇ ᐊᐃᐧᔭᐠ ᒪᒋ ᐊᐦᒑᐦᑲᐧ ᐁ ᐊᔮᐋᐧᐟ. ᑭᑕ ᑭ ᒋ ᔪᑌᓇᒣᐧᐤ ᒪᒋ ᐊᐦᒑᕽ ᐅᐢᑭᓯᑯᔨᐊᐧ ᐁᑳ ᑳ ᐋᐧᐱᔨᐟ?
ᐁᑯᑕ ᒫᑲ ᒉᕒᐅᓴᓬᐊᒥᕽ ᒣᑳᐧᐨ ᑲᓈᒋᑕᐃᐧ ᐃᐧᐦᑯᐦᑐᐃᐧᐣ ᐁ ᐱᐳᕽ ᒫᑲ. ᐁᑯᓯ ᒋᓴᐢ ᑭ ᐱᒧᐦᑌᐤ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᓴᓬᐅᒪᐣ ᐅ ᐱᑕᐃᐧᐢᑳᐧᑌᒥᕽ. ᒍᐊᐧᐠ ᒫᑲ ᑭ ᐯ ᐋᐧᐢᑳᑳᐸᐃᐧᐢᑕᐁᐧᐊᐧᐠ, ᐅᒥᓯ ᐁ ᑭ ᐃᑖᒋᐠ, ᑕᓂᔨᑯᕽ ᑫ ᐊᐧᐊᐧᓀᔨᑕᒥᐃᔮᕽ? ᑭᐢᐱᐣ ᑭᔭ ᐃᔮᐃᐧᐊᐧᓀ ᙭ ᒥᑐᓂ ᐃᐧᐦᑕᒪᐃᐧᓈᐣ. ᒋᓴᐢ ᑭ ᓇᐢᑫᐧᐊᐧᓯᒣᐤ, ᑭ ᑭ ᐃᐧᐦᑕᒫᑎᓈᐋᐧᐤ, ᒫᑲ ᓇᒪᐃᐧᔭ ᑭ ᑭ ᑖᐯᐧᑌᓈᐋᐧᐤ: ᐊᓂᐦᐃ ᐊᑐᐢᑫᐃᐧᓇ ᑳ ᑐᑕᒫᐣ ᓄᑖᐃᐧ ᐅᐟ ᐃᓯᔨᐦᑳᓱᐃᐧᓂᕽ ᓂᐟ ᐋᒋᒥᑯᐣ. ᒫᑲ ᓇᒪᐃᐧᔭ ᑭ ᑖᐯᐧᑌᓈᐋᐧᐤ, ᒋᑫᒫ ᓇᒪᐃᐧᔭ ᑭᔭᐋᐧᐤ ᓂ ᒫᔭᑎᐦᑯᒪᐠ. ᓂ ᒫᔭᑎᐦᑯᒪᐠ ᓇᑐᑕᒪᐧᐠ ᓂᐟ ᐃᑌᐧᐃᐧᐣ, ᓂ ᑭᐢᑫᔨᒫᐊᐧᐠ ᒫᑲ, ᐁᑯᓯ ᓂ ᐱᒥᑎᓴᐅᑲᐧᐠ: ᓂ ᒥᔮᐊᐧᐠ. ᒫᑲ ᑳᑭᑫ ᐱᒫᑎᓯᐃᐧᐣ; ᐁᑯᓯ ᓇᒪᐃᐧᑳᐨ ᑭᑕ ᓂᓯᐊᐧᓈᑎᓯᐊᐧᐠ, ᓇᒪᐃᐧᑳᐨ ᒥᓇ ᐊᐃᐧᔭᐠ ᓂ ᑳ ᑫᒋᒋᐦᒉᓂᐠ. ᓄᑖᐃᐧ, ᑳ ᒥᔨᐟ, ᒫᒪᐁᐧᔦᐢ ᑭᐦᒑᔨᐃᐧᐤ; ᓇᒪ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᐢᑭᑕᐤ ᑭᑕ ᑫᒋᒋᐦᒉᓈᐟ ᓄᑖᐃᐧᔭ. ᓂᔭ ᒥᓇ ᓄᑖᐃᐧ ᓂ ᐯᔭᑯᓈᐣ. ᒍᐊᐧᐠ ᒫᑲ ᒥᓇ ᑭ ᐅᑎᓀᐊᐧᐠ ᐊᓯᓂᔭ ᐁ ᐃᐧ ᐱᒪᐧᐱᐢᑲᐊᐧᒋᐠ. ᒋᓴᐢ ᑭ ᓇᐢᑫᐧᐊᐧᓯᒣᐤ, ᒥᐦᒉᐟ ᒥᔪ ᐊᑐᐢᑫᐃᐧᓇ ᑭ ᑭ ᐋᐧᐸᐦᑕᐃᑎᓈᐋᐧᐤ ᓄᑖᐃᐧ ᐅᐦᒋ; ᑖᓈᓂᐃ ᐊᑐᐢᑫᐃᐧᓇ ᑳ ᐃᐧ ᐅᐦᒋ ᐱᒪᐧᐱᐢᑲᐅᔦᐠ? ᒍᐊᐧᐠ ᑭ ᓇᐢᑫᐧᐊᐧᓯᒣᐊᐧᐠ ᐁ ᐃᑌᐧᒋᐠ, ᓇᒪᐃᐧᔭ ᒥᔪ ᐊᑐᐢᑫᐃᐧᐣ ᑭ ᐃᐧ ᐅᐦᒋ ᐱᒪᐧᐱᐢᑲᐅᑎᓈᐣ; ᒫᑲ ᐸᐢᑖᒧᐃᐧᐣ ᐅᐦᒋ; ᒋᑫᒫ ᑭᔭ ᐁ ᐊᔨᓯᔨᓂᐃᐧᔭᐣ, ᑭ ᑭᓭᒪᓂᑐᑳᓱᐣ. ᒋᓴᐢ ᑭ ᓇᐢᑫᐧᐊᐧᓯᒣᐤ, ᓇᒪ ᒋ ᐃᑕᓯᓇᐦᐃᑳᑌᐤ ᑯᔭᓱᐁᐧᐃᐧᓂᐋᐧᕽ, ᓂ ᑭ ᐃᑖᐧᐣ, ᑭ ᒪᓂᑐᐃᐧᓈᐋᐧᐤ? ᑭᐢᐱᐣ ᒫᑲ ᒪᓂᑐᐊᐧᐠ ᑭ ᐃᓯᔨᐦᑳᑌᐤ ᐊᓂᐦᐃ ᑭᓭᒪᓂᑐᐊᐧ ᐅᐟ ᐃᑌᐧᐃᐧᓂᔨᐤ ᑳ ᐅᑎᐦᑎᑯᔨᐟ, (ᓇᒪᐃᐧᔭ ᒫᑲ ᑭᑕ ᑭ ᐱᑯᓂᑳᑌᐠ ᑭᐦᒋ ᒪᓯᓇᐦᐃᑫᐃᐧᐣ), ᑭᐟ ᐃᑎᒪᐊᐧᐊᐧ ᒋ ᐁᐧᔪᑕᐃᕽ ᑳ ᑭ ᑲᓇᒋᐋᐟ, ᒥᓇ ᑳ ᑭ ᐯ ᐃᓯᑎᓴᐋᐧᐟ ᐅᑕ ᐊᐢᑭᕽ, ᑭ ᐸᐢᑖᒧᐣ; ᒋᑫᒫ ᐁ ᑭ ᐃᑌᐧᔮᐣ, ᓂ ᑭᓭᒪᓂᑐᐃᐧ ᑯᓯᓵᓂᐃᐧᐣ. ᑭᐢᐱᐣ ᐁᑳ ᐁᑐᑕᒧᐊᐧᓀ ᐅᐟ ᐊᑐᐢᑫᐃᐧᓇ ᓄᑖᐃᐧ, ᐁᑳᐃᐧᔭ ᑖᐯᐧᑕᐃᐧᐠ. ᑭᐢᐱᐣ ᒫᑲ ᑳ ᐃᑐᑕᒧᐊᐧᓀ, ᐋᑕ ᐁᑳ ᑖᐯᐧᑕᐃᐧᔦᑯ, ᑖᐯᐧᑕᒧᐠ ᐊᑐᐢᑫᐃᐧᓇ: ᑭᑕ ᑭᐢᑫᔨᑕᒣᐠ, ᒥᓇ ᑭᑕ ᑖᐯᐧᑕᒣᐠ, ᐁ ᑭᑭᐢᑳᐃᐧᐟ ᓄᑖᐃᐧ, ᒥᓇ ᓂᔭ ᐁ ᑭᑭᐢᑲᐊᐧᐠ ᓄᑖᐃᐧ. ᒥᓇ ᒫᑲ ᑭ ᓇᑐᓇᒪᐧᐠ ᑭᑕ ᐅᑎᓈᒋᐠ: ᒫᑲ ᑭ ᓯᐯᐧᑌᐤ ᐁᑳ ᐁ ᑭ ᐅᑎᓈᒋᐠ.
ᑭ ᐃᑐᐦᑌᐤ ᒫᑲ ᒥᓇ ᐊᑳᒥᕽ ᒑᕒᑕᓂᕽ, ᒐᐣ ᓂᐢᑕᒼ ᐃᑕ ᑳ ᑭ ᐸᑊᑕᐃᓯᐃᐧᐃᐁᐧᐟ; ᐁᑯᑌ ᒫᑲ ᑭ ᐊᔮᐤ. ᒥᐦᒉᐟ ᒫᑲ ᑭ ᐯ ᐊᐧᔪᑎᑎᐠ, ᐅᒥᓯ ᐁ ᑭ ᐃᑌᐧᔨᐟ, ᒐᐣ ᓇᒪᐃᐧᔭ ᑭ ᒪᒪᐦᑖᐃᐧ ᐃᓯᐦᒋᑫᐤ: ᒫᑲ ᑲᐦᑭᔭᐤ ᒐᐣ ᑳ ᑭ ᐊᔨᑖᒋᒫᐟ ᐅᐦᐃ ᐊᔨᓯᔨᓂᐊᐧ ᑭ ᑖᐯᐧᐤ. ᒥᐦᒉᐟ ᒫᑲ ᐁᑯᑕ ᑭ ᑖᐯᐧᔦᔨᒥᐠ.

بشنويد ᓭᐣᐟ ᒑᐣ 10