If you have would like a copy of this version please contact info@davarpartners.org

Text: Otuho New Testament 2003, Bible Society in South Sudan Audio: Otuho New Testament Audio Bible 2023, Davar Partners International

Otuho New Testament

<div class="version vid2154 iso6393lot" data-vid="2154" data-iso6393="lot">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s1">Iyarai Yesu Ihosiere Pilato</div><div class="r">(Mat 27:1-2, 11-14; Mar 15:1-5; Yoa 18:28-38)</div><div class="p"> 1Attati elulu&#331; ania 'da&#331; idioto, ottoi iyaru Yesu ihosiere Pilato. 2Ette isi itisiahina inyi jiojio, &#8220;Enyurak hohoi atulo olo itipalio aati hohoi buo fe itihotio isi idumari amusuru jio Hobu elle ittokon, buo fe ojio jio inyi oobu, Olonyimoto.&#8221;</div><div class="p"> 3Buo Pilato ette ifiyo Yesu jiojio, &#8220;Iyye hobu Yudei?&#8221;</div><div class="p">Itarra&#331; Yesu inyi ojio, &#8220;Iyye ijio ihuo nyia.&#8221;</div><div class="p"> 4Attati Pilato jiaran jio ehumak elettaha iko elulu&#331; waati; &#8220;Abe&#331; ni anyurak obo epali jio atulo olo.&#8221;</div><div class="p"> 5Ati ifudani isi ekiana bebe, ette jiaran, &#8220;Isusuyo inyi aati Yudei 'da&#331; te ettiyenio honyi; itterio to Galilea many dini.&#8221;</div><div class="s1">Ifahini Yesu Jio Erode</div><div class="p"> 6Ninyia itani&#331;u Pilato erre hunia, ette inyi ifiyo jio, &#8220;Ara soho atulo olo a Galileatanani?&#8221; 7Ninyia lamijak inyi jio ottu Yesu jio a&#331;ati anna arari Erode elettok, ette inyi ifahina Yesu jihonyi, buo Erode nyia owon Yerusalem to o&#331;itek hua. 8Ninyia igonyu Erode Yesu, ette inyi imuno bebe, nyio, many berien awak nyia inyi igonyuna inyi. Itani&#331;u nyia Erode eram Yesu, ania, iyihiniere inyi igonyuniere obo etamijani enne ihan inyi. 9Tania, ifiyo nyia Erode Yesu enyiahita arriai, ati obe&#331; nyia Yesu itarra&#331;. 10Attati ehumak elettaha iko ettiyanak ifahita ihutonia ahosiere, ette ihum itisiahina Yesu onno ogol bebe. 11Buo Erode iko ose&#331;er honyi ette isuhotiere Yesu buo fe itafitta&#331;ie inyi, ette itiyyafana jihonyi abo&#331;ojin hunne ilamani bebe, ette inyiak ifahina inyi jio Pilato. 12Berien, Oliwatie nyia Pilato iko Erode, ati imuaranie nyia isi to olo&#331; ania.</div><div class="s1">O&#331;otoni Aye jio Yesu</div><div class="r">(Mat 27:15-26; Mar 15:6-15; Yoa 18:39&#8212;19:6)</div><div class="p"> 13Attati Pilato ilo&#331;una ehumak elettaha iko elettaha waati buo elulu&#331; waati arabotie, 14ette jiaran jihosi, &#8220;Iya&#331;uniete duo itai atulo olo jiho&#331;, ittata jiaran jio itipalio inyi aati. Ihuania ehum ni ittittif inyi to hosiere hatai 'da&#331;, ati abe&#331; ni anyurak obo epali jihonyi ihuo irrasana itai inyi. 15Obe&#331; buo fe Erode onyurak obo epali jihonyi, inyi enne inyiahuniere inyi Yesu jihohoi. Ahode, obe&#331; atulo olo ihan obo ari&#331; onno osiru jihonyi iyeri. 16Tania, esio adi ni inyi ofodohi, buo ette ihohina h&#233;telo. [ 17Ohohitta nyia Pilato lu&#331;a jihosi atulo babus abotie to olo&#331; ono eyom ono Alla&#331;an.&#8221;]#23:17 Obe&#331; ekori ana jio omuk egierita.</div><div class="p"> 18Ati iwuwo&#331;itai nyia isi 'da&#331; arabotie jiojio, &#8220;Ottohoi inyi! Ohohi jihohoi Barabas.&#8221; 19(Ifitani nyia Barabas te eram ninyia ita&#331;alafierek aati gala jio abore gala, buo fe ta attohoro obo atulo.)</div><div class="p"> 20Awak nyia Pilato ihohina Yesu, ette inyi inyiak ittana jihosi. 21Ati iwuwo&#331;itai nyia isi jiojio, &#8220;Isihonia inyi ikruce! Isihonia inyi ikruce!&#8221;</div><div class="p"> 22Ikiana nyia Pilato jihosi enyiahi etahunihi jiojio, &#8220;Anyio ipali enne ihan inyi? Abe&#331; ni anyurak obo eyyau enne ihan inyi onno osiru jihonyi iyeri. Tania, esio adi ni inyi ofodohi buo ette ihohina h&#233;telo.&#8221;</div><div class="p"> 23Ati ifudani nyia isi ewuwo&#331;ita jiojio ijiara isihoni inyi likruce, many iruhorik ewuwo&#331;ita hosi. 24Ania, o&#331;otoniere Pilato eram jiojio ijiara ihani ihuo awahi isi. 25Ohohi nyia inyi atulo linyia awahi isi, linyia ifitani ibabus te eram &#331;alafa waati iko gala buo ta attohoro obo atulo; buo ette isiarana Yesu jihosi ihaniere ihuo awahi isi.</div><div class="s1">Isihoni Yesu Likruce</div><div class="r">(Mat 27:32-44; Mar 15:21-32; Yoa 19:17-27)</div><div class="p"> 26Ninyia horihoroi isi Yesu, inefuni nyia isi Simone olo Sirine linyia hottu 'to to mana, ette ikafana jihonyi akruce o&#331;ida olororo te ehalu Yesu.</div><div class="p"> 27Ijifarai nyia elulu&#331; waati arriai Yesu. Ihiji hosi, owoni nyia omuk a&#331;oruo hunyia iluluoi buo fe oyyooi inyi. 28Attati Yesu iyito jihosi, ette jiaran, &#8220;&#330;arriok Yerusalem, h&#232;yyooti ani, ati oyyooti ahuattek hatai iko aduri hatai. 29Nyio, ofuonni adi o&#331;itek hunno ojiarik aati jio, &#8216;Hotomunohi a&#331;oruo aholofijok iko nohie hunno obe&#331;i 'to oyeduri buo fe nahi hunno obe&#331;i 'to itadasie!&#8217; 30Itterie adi isi ekiana jio ado&#331;iok jio, &#8216;Okuahiniete jihohoi!&#8217; Buo fe jio aduleti, &#8216;Emuhonia hohoi!&#8217; 31Nyio, elle ihanie isi erre huna hofu ayyani, iduo&#331; 'tadi anyio alla ayoho inyi?&#8221;</div><div class="p"> 32Orihoroi nyia buo fe lomuk aati arrohojak arrihai jio o&#331;ida ofuoi ittohoro iko Yesu. 33Ninyia afanyi isi jio obo amaji enne ilo&#331;oi &#8220;Ahotio hou,&#8221; diya ette isi isihonia Yesu likruce, buo fe isihoni arrohojak hia ikrucehien, abotie tette&#331;et honyi, buo obotie tettehorro&#331;. 34Ati ojio nyia Yesu, &#8220;Monye! Ohohi eyyata hosi nyio, otimoi isi ari&#331; enne ihanie isi.&#8221;#23:34 Obe&#331;i ekenita Yesu huna owoni jio omuk egierita.</div><div class="p">Attati isi ibak ehutu&#331;ai ihoriere abo&#331;ojin Yesu. 35Owotiai nyia aati e&#331;i&#331;ialak diya, buo elettaha hulo Yudei osuhotierek inyi, ette isi jiaran, &#8220;Italahu nyia inyi omuk, ike ijiara inyi italahu ahuan honyi, alla ara inyi Olonyimoto ollo onyimu Hollum!&#8221;</div><div class="p"> 36Osuhotierek nyia buo fe ose&#331;er inyi, ette isi ihutonia jihonyi, ette isiarana inyi afino enne irruatti&#331;o 'to, 37ette jiaran, &#8220;Elle ira iyye ahobu Yudei, italahu ahuan hoi.&#8221;</div><div class="p"> 38Igioroni nyia ekenita huna tottohide honyi: &#8220;Hobu Yudei olo.&#8221; 39Attati obo olo arrohojak hunyia oyihai 'to isehina jihonyi emoriti jiojio, &#8220;Ibe&#331; soho iyye ira Olonyimoto? Italuahu ahuan hoi ikohoi!&#8221;</div><div class="p"> 40Ati iri&#331; nyia ebotie inyi jiojio, &#8220;Ibe&#331; iyye iba&#331; Hollum? Orriama eram onno o&#331;otoni jihohoi iko ononyi, 41ati osiru jihohoi, nyio, efuotu edumiti hirre hunyia ehan. Ati obe&#331; atulo olo ihan obo epali.&#8221; 42Ette inyi jiaran jio Yesu, &#8220;Yesu, ogottiere ani elle ittu iyye ahobu!&#8221;</div><div class="p"> 43Itarra&#331; nyia Yesu inyi jiojio, &#8220;Ahode ajio ni jihoi, ahana iwon adi iyye iko&#331; Paradisio.&#8221;</div><div class="s1">Naye ono Yesu</div><div class="r">(Mat 27:45-56; Mar 15:33-41; Yoa 19:28-30)</div><div class="p"> 44-45Ninyia ara ihuo akil fanni, ette olo&#331; iye, ette edumele iriok 'tir 'tir afau 'da&#331; many asaa etahunihi otto otoriai. Attati abo&#331;o etihi otto tua Haji emojit enne ittokon iguasa arrihai. 46Attati Yesu iyyoo wo&#331; wo&#331; jio, &#8220;Monye! Esio ni oloholio ho&#331; ihas hoi!&#8221; Iken inyi ihuo nyia, ette ikodda&#331; iye.</div><div class="p"> 47Ninyia igonyu ajafit olo ose&#331;er erre hoduo iduo&#331;i 'to, ette inyi itahabuyo Hollum ojio, &#8220;Ahode, ara nyia inyi atulo oloyijio.&#8221;</div><div class="p"> 48Ottubanie nyia elulu&#331;i waati diya i&#331;i&#331;ialari. Ninyia igonyuni isi erre hunyia iduo&#331;i 'to, ette isi 'da&#331; icaharu ha&#331;itek, buo inninna&#331;arai asuhiara hosi. 49#Luk 8:2-3Owotiai nyia orriahat Yesu alamarai iko a&#331;oruo hunyia ijifunie 'to inyi to Galilea, ette isi igonyuna erre hunia.</div><div class="s1">Anuhana ono Yesu</div><div class="r">(Mat 27:57-61; Mar 15:42-47; Yoa 19:38-42)</div><div class="p"> 50-51Owon nyia obo atulo afure honyi Yosefu olo abore gala Arimeteya otto Yudei. Ara nyia inyi atulo oloyijio buo fe ahabisani. Itila nyia inyi attuna ono Olobie Hollum. Inyi nyia obo olo aati Lokikoi Yudea; ati obe&#331; nyia inyi iruk egigilita iko ehanita waati Lokikoi hullomuk. 52Olo nyia inyi jio Pilato imojuniere ahuan Yesu. 53Attati inyi itaduhuna ahuan Yesu to kruce ifau, ette ibubunana inyi ta abo&#331;o enuhit, ette itaferihina inyi itua ilume onno otulani itua moruo. Hobe&#331;i nyia itaferihini obo layaani diya. 54Ara nyia inyi olo&#331; ono ehuhuma nyio, itterio nyia Sabatto.</div><div class="p"> 55Ijifarai nyia a&#331;oruo hunyia ofuonni 'to iko Yesu to Galilea Yosefu, ette igonyuna elume buo fe a&#331;ai itaferihini ahuan Yesu diya. 56Attati isi icaharu ha&#331;, ette ihuhumio ariaa iko eyali onno ofuoi ifufusonia ihuan honyi.</div><div class="p">Attati isi iyiri to olo&#331; Sabatto ihuo ojiori Efahita.</div>
 </div>
 </div>
</div>

Attati eluluŋ ania 'daŋ idioto, ottoi iyaru Yesu ihosiere Pilato. Ette isi itisiahina inyi jiojio, “Enyurak hohoi atulo olo itipalio aati hohoi buo fe itihotio isi idumari amusuru jio Hobu elle ittokon, buo fe ojio jio inyi oobu, Olonyimoto.”
Buo Pilato ette ifiyo Yesu jiojio, “Iyye hobu Yudei?”
Itarraŋ Yesu inyi ojio, “Iyye ijio ihuo nyia.”
Attati Pilato jiaran jio ehumak elettaha iko eluluŋ waati; “Abeŋ ni anyurak obo epali jio atulo olo.”
Ati ifudani isi ekiana bebe, ette jiaran, “Isusuyo inyi aati Yudei 'daŋ te ettiyenio honyi; itterio to Galilea many dini.”

Ninyia itaniŋu Pilato erre hunia, ette inyi ifiyo jio, “Ara soho atulo olo a Galileatanani?” Ninyia lamijak inyi jio ottu Yesu jio aŋati anna arari Erode elettok, ette inyi ifahina Yesu jihonyi, buo Erode nyia owon Yerusalem to oŋitek hua. Ninyia igonyu Erode Yesu, ette inyi imuno bebe, nyio, many berien awak nyia inyi igonyuna inyi. Itaniŋu nyia Erode eram Yesu, ania, iyihiniere inyi igonyuniere obo etamijani enne ihan inyi. Tania, ifiyo nyia Erode Yesu enyiahita arriai, ati obeŋ nyia Yesu itarraŋ. Attati ehumak elettaha iko ettiyanak ifahita ihutonia ahosiere, ette ihum itisiahina Yesu onno ogol bebe. Buo Erode iko oseŋer honyi ette isuhotiere Yesu buo fe itafittaŋie inyi, ette itiyyafana jihonyi aboŋojin hunne ilamani bebe, ette inyiak ifahina inyi jio Pilato. Berien, Oliwatie nyia Pilato iko Erode, ati imuaranie nyia isi to oloŋ ania.


Attati Pilato iloŋuna ehumak elettaha iko elettaha waati buo eluluŋ waati arabotie, ette jiaran jihosi, “Iyaŋuniete duo itai atulo olo jihoŋ, ittata jiaran jio itipalio inyi aati. Ihuania ehum ni ittittif inyi to hosiere hatai 'daŋ, ati abeŋ ni anyurak obo epali jihonyi ihuo irrasana itai inyi. Obeŋ buo fe Erode onyurak obo epali jihonyi, inyi enne inyiahuniere inyi Yesu jihohoi. Ahode, obeŋ atulo olo ihan obo ariŋ onno osiru jihonyi iyeri. Tania, esio adi ni inyi ofodohi, buo ette ihohina hételo. [ Ohohitta nyia Pilato luŋa jihosi atulo babus abotie to oloŋ ono eyom ono Allaŋan.”]
Ati iwuwoŋitai nyia isi 'daŋ arabotie jiojio, “Ottohoi inyi! Ohohi jihohoi Barabas.” (Ifitani nyia Barabas te eram ninyia itaŋalafierek aati gala jio abore gala, buo fe ta attohoro obo atulo.)
Awak nyia Pilato ihohina Yesu, ette inyi inyiak ittana jihosi. Ati iwuwoŋitai nyia isi jiojio, “Isihonia inyi ikruce! Isihonia inyi ikruce!”
Ikiana nyia Pilato jihosi enyiahi etahunihi jiojio, “Anyio ipali enne ihan inyi? Abeŋ ni anyurak obo eyyau enne ihan inyi onno osiru jihonyi iyeri. Tania, esio adi ni inyi ofodohi buo ette ihohina hételo.”
Ati ifudani nyia isi ewuwoŋita jiojio ijiara isihoni inyi likruce, many iruhorik ewuwoŋita hosi. Ania, oŋotoniere Pilato eram jiojio ijiara ihani ihuo awahi isi. Ohohi nyia inyi atulo linyia awahi isi, linyia ifitani ibabus te eram ŋalafa waati iko gala buo ta attohoro obo atulo; buo ette isiarana Yesu jihosi ihaniere ihuo awahi isi.


Ninyia horihoroi isi Yesu, inefuni nyia isi Simone olo Sirine linyia hottu 'to to mana, ette ikafana jihonyi akruce oŋida olororo te ehalu Yesu.
Ijifarai nyia eluluŋ waati arriai Yesu. Ihiji hosi, owoni nyia omuk aŋoruo hunyia iluluoi buo fe oyyooi inyi. Attati Yesu iyito jihosi, ette jiaran, “Ŋarriok Yerusalem, hèyyooti ani, ati oyyooti ahuattek hatai iko aduri hatai. Nyio, ofuonni adi oŋitek hunno ojiarik aati jio, ‘Hotomunohi aŋoruo aholofijok iko nohie hunno obeŋi 'to oyeduri buo fe nahi hunno obeŋi 'to itadasie!’ Itterie adi isi ekiana jio adoŋiok jio, ‘Okuahiniete jihohoi!’ Buo fe jio aduleti, ‘Emuhonia hohoi!’ Nyio, elle ihanie isi erre huna hofu ayyani, iduoŋ 'tadi anyio alla ayoho inyi?”
Orihoroi nyia buo fe lomuk aati arrohojak arrihai jio oŋida ofuoi ittohoro iko Yesu. Ninyia afanyi isi jio obo amaji enne iloŋoi “Ahotio hou,” diya ette isi isihonia Yesu likruce, buo fe isihoni arrohojak hia ikrucehien, abotie tetteŋet honyi, buo obotie tettehorroŋ. Ati ojio nyia Yesu, “Monye! Ohohi eyyata hosi nyio, otimoi isi ariŋ enne ihanie isi.”
Attati isi ibak ehutuŋai ihoriere aboŋojin Yesu. Owotiai nyia aati eŋiŋialak diya, buo elettaha hulo Yudei osuhotierek inyi, ette isi jiaran, “Italahu nyia inyi omuk, ike ijiara inyi italahu ahuan honyi, alla ara inyi Olonyimoto ollo onyimu Hollum!”
Osuhotierek nyia buo fe oseŋer inyi, ette isi ihutonia jihonyi, ette isiarana inyi afino enne irruattiŋo 'to, ette jiaran, “Elle ira iyye ahobu Yudei, italahu ahuan hoi.”
Igioroni nyia ekenita huna tottohide honyi: “Hobu Yudei olo.” Attati obo olo arrohojak hunyia oyihai 'to isehina jihonyi emoriti jiojio, “Ibeŋ soho iyye ira Olonyimoto? Italuahu ahuan hoi ikohoi!”
Ati iriŋ nyia ebotie inyi jiojio, “Ibeŋ iyye ibaŋ Hollum? Orriama eram onno oŋotoni jihohoi iko ononyi, ati osiru jihohoi, nyio, efuotu edumiti hirre hunyia ehan. Ati obeŋ atulo olo ihan obo epali.” Ette inyi jiaran jio Yesu, “Yesu, ogottiere ani elle ittu iyye ahobu!”
Itarraŋ nyia Yesu inyi jiojio, “Ahode ajio ni jihoi, ahana iwon adi iyye ikoŋ Paradisio.”


Ninyia ara ihuo akil fanni, ette oloŋ iye, ette edumele iriok 'tir 'tir afau 'daŋ many asaa etahunihi otto otoriai. Attati aboŋo etihi otto tua Haji emojit enne ittokon iguasa arrihai. Attati Yesu iyyoo woŋ woŋ jio, “Monye! Esio ni oloholio hoŋ ihas hoi!” Iken inyi ihuo nyia, ette ikoddaŋ iye.
Ninyia igonyu ajafit olo oseŋer erre hoduo iduoŋi 'to, ette inyi itahabuyo Hollum ojio, “Ahode, ara nyia inyi atulo oloyijio.”
Ottubanie nyia eluluŋi waati diya iŋiŋialari. Ninyia igonyuni isi erre hunyia iduoŋi 'to, ette isi 'daŋ icaharu haŋitek, buo inninnaŋarai asuhiara hosi. Owotiai nyia orriahat Yesu alamarai iko aŋoruo hunyia ijifunie 'to inyi to Galilea, ette isi igonyuna erre hunia.


Owon nyia obo atulo afure honyi Yosefu olo abore gala Arimeteya otto Yudei. Ara nyia inyi atulo oloyijio buo fe ahabisani. Itila nyia inyi attuna ono Olobie Hollum. Inyi nyia obo olo aati Lokikoi Yudea; ati obeŋ nyia inyi iruk egigilita iko ehanita waati Lokikoi hullomuk. Olo nyia inyi jio Pilato imojuniere ahuan Yesu. Attati inyi itaduhuna ahuan Yesu to kruce ifau, ette ibubunana inyi ta aboŋo enuhit, ette itaferihina inyi itua ilume onno otulani itua moruo. Hobeŋi nyia itaferihini obo layaani diya. Ara nyia inyi oloŋ ono ehuhuma nyio, itterio nyia Sabatto.
Ijifarai nyia aŋoruo hunyia ofuonni 'to iko Yesu to Galilea Yosefu, ette igonyuna elume buo fe aŋai itaferihini ahuan Yesu diya. Attati isi icaharu haŋ, ette ihuhumio ariaa iko eyali onno ofuoi ifufusonia ihuan honyi.
Attati isi iyiri to oloŋ Sabatto ihuo ojiori Efahita.

بشنويد Luka 23