If you would like a copy of this version please contact info@davaraudiobibles.org

Nyakyusa-Ngonde (Malawi) Bible

<div class="version vid4049 iso6393nyy" data-vid="4049" data-iso6393="nyy">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s">Amupindukege ukuti mungisakupyutigwa</div><div class="p"> 1Lelo popapo pakabalilo kako balinkwisa bamo abandu, balinkumpangila Yesu isya baGalilai, aba Pilati abagogile bo bikwikemesya amakemo gabo. 2Yesu alinkubamula alinkuti, &#8220;Kali mukwinogona ukuti abaGalilai bala babakindile ubutulanongwa abaGalilai bosa abangi, apa bakubilwaga bo bunobuno? 3Une nikubabula nikuti, mma, loli linga mutikupinduka, mwesa mwisakupyutigwaga bo bunobuno. 4Pamo abandu bala kalongo na fihano na fitatu (18), aba yababulutukilaga ingasya nkaya ka Siloa nukubagoga, kali mukwinogona ukuti bali ninongwa ukubakinda abinabo aba bayengile nkaya ka Yerusalemu? 5Une nikubabula nikuti, mma, loli linga mutikupinduka, mwesa mwisakupyutigwaga bo bunobuno.&#8221;</div><div class="s">Ikifwanikisyo kya nkuyu ugu gukapaga iseke</div><div class="p"> 6Popapo Yesu alinkubabula ikifwanikisyo iki alinkuti, &#8220;Umundu yumo ali nunkuyu ugu abyele mungunda gwake gwa mafilu; alinkwisa kukulonda iseke mumo, loli alinkwaga sikayamo. 7Popapo alinkuyoba nundindilangunda alinkuti, &#8216;Keta, kufyinja fitatu ifi, nisile nkulonda iseke munkuyu ugu, loli ndikusyagamo; tumulaga lelo, nongwa yafiki gwendelelege ukonanga ikisu?&#8217; 8Umwene alinkwamula alinkumbula alinkuti, &#8216;Malafyale, guleke kyope nikyinja iki, ngukumbililege tasi ngutagililege nindope; 9linga gukupa iseke, po kanunu; loli linga gutikupa, po gwise ugutumulege.&#8217; &#8221;</div><div class="s">Yesu ikumbumbulusya unkikulu umonywa</div><div class="p"> 10Isiku limo pisiku lya Sabati Yesu alinkumanyisya nnyumba yakwiputilamo. 11Keta, alimo mumo unkikulu, uyu ali nimbepo ya bonywa ifyinja kalongo na fihano na fitatu (18); yo agogobele itolo, alinkutoligwa nukwigolola. 12Umwene Yesu bo ambwene, alinkumbilikila, alinkumbula alinkuti, &#8220;Gwe nkikulu, gwabwike kubonywa bwako.&#8221; 13Popapo alinkumbikapo amaboko, nakalinga itolo unkikulu yula alinkugoloka; alinkwenda nukuntufya Kyala.</div><div class="p"> 14 # 
 Kuso 20.9-10; Kukumbu 5.13-14 Popapo unkulumba gwa nnyumba yakwiputilamo alinkukalala, bo agile Yesu ikubumbulusya pisiku lya Sabati; alinkukibula ikilundilo kya bandu alinkuti, &#8220;Amasiku gali mahano nalimo aga umundu abagile ukubomba imbombo, muli gago mo mwisege kukubumbulusigwa, loli pomma pisiku lya Sabati.&#8221; 15Umwene Untwa alinkumwamula alinkuti, &#8220;Mwe basyobi umwe, bule ngimba umundu atikuyabula ing'ombe yake pamo imbunda yake nkibaga pisiku lya Sabati, nukusoka nayo kukuyinwesya amisi? 16Loli unkikulu uyu, ugwa nduyungu lwa Abrahamu, uyu Setano alimpinyile ifyinja ukwabuligwa mbupinyigwa bwake pisiku lya Sabati?&#8221; 17Umwene Yesu bo ayobile sisisi, bosa aba bafifaniaga nagwe silinkubaga isoni; ikilundilo kyosa kilinkusekela pangulumba syosa isi asibombile.</div><div class="s">Ikifwanikisyo ikya kaseke ka mutaka</div><div class="r">(Mat 13.31-32; Mar 4.30-32)</div><div class="p"> 18Popapo Yesu alinkuyoba alinkuti, &#8220;Ubutwa bwa Kyala buli bo ifiki? Kali mbufwanikisyege nifiki? 19Bufwene nakaseke ka mutaka, aka umundu alinkwega alinkusopa mungunda gwake; kalinkumela, gulinkuya mpiki itolo, syope ninjuni sya kumwanya silinkutenga ififumbwa musamba syake.&#8221;</div><div class="s">Ikifwanikisyo kya nkese</div><div class="r">(Mat 13.33)</div><div class="p"> 20Yesu alinkuyoba kangi alinkuti, &#8220;Mbufwanikisyege nifiki ubutwa bwa Kyala? 21Bufwene nunkese, ugu unkikulu alyegile, alyongenie nubufu imbepe itatu, popapo ubufu bosa bulinkusasa.&#8221;</div><div class="s">Ikipata ikifinye</div><div class="r">(Mat 7.13-14,21-23)</div><div class="p"> 22Bo Yesu ikulabila nkaya ka Yerusalemu alinkukisania ntwaya utukulumba nutunandi alinkubamanyisya abandu. 23Popapo yumo umundu alinkundalusya alinkuti, &#8220;Gwe Ntwa, kali banandi aba bisakupokigwaga?&#8221; Umwene alinkubabula alinkuti, 24&#8220;Amwiyulege pakwingila pakifigo ikifinye; buno nikubabula une nikuti, bingi aba bisakulondaga ukwingila, loli bisakutoligwaga. 25Linga umwenenyumba isile kusumuka nukwigalako kukifigo, po lelo mwisakwimaga panja nukukungusya kulwigi mwisakutigi, &#8216;Gwe Ntwa, ulitwigulilako,&#8217; po umwene isakubamulaga isakutigi, &#8216;Ngabamanya kuno mufumile.&#8217; 26Po mwisakwandaga ukuyoba mwisakutigi, &#8216;Twalyaga nukunwa nkyeni mmyako, nanugwe gwatumanyisyaga mmipulo gyitu.&#8217; 27#Salimo 6.8Umwene isakutigi, &#8216;Nikubabula une nikuti, ngabamanya kuno mufumile, amusokepo pamyangu mwesa mwe babombambibi.&#8217; 28#Mat 8.11-12#Mat 22.13; 25.30Lelo po sisakuyaga nguto ndupu papo, nulusyegetulo lwa mino, bo mukumbona Abrahamu, na Isaka na Yakobu, na basololi bosa mbutwa bwa Kyala, bo umwe mutagigwe panja. 29Abandu bisakufumaga kubusokelo isuba na kubuyongelo isuba, kululu na kwitongo; bo bisakutugalaga pakulya mbutwa bwa Kyala. 30#Mat 19.30; 20.16; Mar 10.31Keta, balipo abamunyuma aba bisakuyaga batasi, nabatasi aba bisakuyaga bamunyuma.&#8221;</div><div class="s">Ulugano lwa Yesu pa kaya ka Yerusalemu</div><div class="r">(Mat 23.37-39)</div><div class="p"> 31Nkabalilo kalakala, balinkwisa abaFarisai bamo, balinkumbula Yesu balinkuti, &#8220;Usokepo apa ubukege, buno Herodi ikulonda ukukugoga.&#8221; 32Umwene alinkubamula alinkuti, &#8220;Amubukege mukambule kambwe yula mukatigi, &#8216;Keta, nikusisosya imbepo inyali nukubabumbulusya ababine umusyugu na kilabo; pisiku lya butatu bo malile imbombo yangu. 33Napa siye bulebule, une fikuti umusyugu, kilabo, nukulinda kilabo, nendege itolo injila yangu. Namanga kukabagila unsololi ukufwila kubungi, loli mwene mu nkaya ka Yerusalemu.&#8217;</div><div class="p"> 34&#8220;Gwe Yerusalemu, Yerusalemu, gwe kubagoga abasololi nukubatika namabwe aba batumigwe kumyako, pingi apa nalondaga ukubabungama abanako bo apa inguku yikutubatila mmapiko utwanake, loli umwe mulinkukana! 35#Salimo 118.26; Yere 22.5Keta lelo mukulekeligwaga inyumba yinu ukuya kisame. Nikubabula une nikuti, mutisakumbonamo siku une, ukwisakufika apa mwisakutigi, &#8216;Nsayigwa uyu ikwisila mungamu ya Ntwa.&#8217; &#8221;</div>
 </div>
 </div>
</div>

BAIBULO INONGWA INUNU © Bible Society of Malawi, 2017.

Lelo popapo pakabalilo kako balinkwisa bamo abandu, balinkumpangila Yesu isya baGalilai, aba Pilati abagogile bo bikwikemesya amakemo gabo. Yesu alinkubamula alinkuti, “Kali mukwinogona ukuti abaGalilai bala babakindile ubutulanongwa abaGalilai bosa abangi, apa bakubilwaga bo bunobuno? Une nikubabula nikuti, mma, loli linga mutikupinduka, mwesa mwisakupyutigwaga bo bunobuno. Pamo abandu bala kalongo na fihano na fitatu (18), aba yababulutukilaga ingasya nkaya ka Siloa nukubagoga, kali mukwinogona ukuti bali ninongwa ukubakinda abinabo aba bayengile nkaya ka Yerusalemu? Une nikubabula nikuti, mma, loli linga mutikupinduka, mwesa mwisakupyutigwaga bo bunobuno.”

Popapo Yesu alinkubabula ikifwanikisyo iki alinkuti, “Umundu yumo ali nunkuyu ugu abyele mungunda gwake gwa mafilu; alinkwisa kukulonda iseke mumo, loli alinkwaga sikayamo. Popapo alinkuyoba nundindilangunda alinkuti, ‘Keta, kufyinja fitatu ifi, nisile nkulonda iseke munkuyu ugu, loli ndikusyagamo; tumulaga lelo, nongwa yafiki gwendelelege ukonanga ikisu?’ Umwene alinkwamula alinkumbula alinkuti, ‘Malafyale, guleke kyope nikyinja iki, ngukumbililege tasi ngutagililege nindope; linga gukupa iseke, po kanunu; loli linga gutikupa, po gwise ugutumulege.’ ”

Isiku limo pisiku lya Sabati Yesu alinkumanyisya nnyumba yakwiputilamo. Keta, alimo mumo unkikulu, uyu ali nimbepo ya bonywa ifyinja kalongo na fihano na fitatu (18); yo agogobele itolo, alinkutoligwa nukwigolola. Umwene Yesu bo ambwene, alinkumbilikila, alinkumbula alinkuti, “Gwe nkikulu, gwabwike kubonywa bwako.” Popapo alinkumbikapo amaboko, nakalinga itolo unkikulu yula alinkugoloka; alinkwenda nukuntufya Kyala.
Popapo unkulumba gwa nnyumba yakwiputilamo alinkukalala, bo agile Yesu ikubumbulusya pisiku lya Sabati; alinkukibula ikilundilo kya bandu alinkuti, “Amasiku gali mahano nalimo aga umundu abagile ukubomba imbombo, muli gago mo mwisege kukubumbulusigwa, loli pomma pisiku lya Sabati.” Umwene Untwa alinkumwamula alinkuti, “Mwe basyobi umwe, bule ngimba umundu atikuyabula ing'ombe yake pamo imbunda yake nkibaga pisiku lya Sabati, nukusoka nayo kukuyinwesya amisi? Loli unkikulu uyu, ugwa nduyungu lwa Abrahamu, uyu Setano alimpinyile ifyinja ukwabuligwa mbupinyigwa bwake pisiku lya Sabati?” Umwene Yesu bo ayobile sisisi, bosa aba bafifaniaga nagwe silinkubaga isoni; ikilundilo kyosa kilinkusekela pangulumba syosa isi asibombile.


Popapo Yesu alinkuyoba alinkuti, “Ubutwa bwa Kyala buli bo ifiki? Kali mbufwanikisyege nifiki? Bufwene nakaseke ka mutaka, aka umundu alinkwega alinkusopa mungunda gwake; kalinkumela, gulinkuya mpiki itolo, syope ninjuni sya kumwanya silinkutenga ififumbwa musamba syake.”


Yesu alinkuyoba kangi alinkuti, “Mbufwanikisyege nifiki ubutwa bwa Kyala? Bufwene nunkese, ugu unkikulu alyegile, alyongenie nubufu imbepe itatu, popapo ubufu bosa bulinkusasa.”


Bo Yesu ikulabila nkaya ka Yerusalemu alinkukisania ntwaya utukulumba nutunandi alinkubamanyisya abandu. Popapo yumo umundu alinkundalusya alinkuti, “Gwe Ntwa, kali banandi aba bisakupokigwaga?” Umwene alinkubabula alinkuti, “Amwiyulege pakwingila pakifigo ikifinye; buno nikubabula une nikuti, bingi aba bisakulondaga ukwingila, loli bisakutoligwaga. Linga umwenenyumba isile kusumuka nukwigalako kukifigo, po lelo mwisakwimaga panja nukukungusya kulwigi mwisakutigi, ‘Gwe Ntwa, ulitwigulilako,’ po umwene isakubamulaga isakutigi, ‘Ngabamanya kuno mufumile.’ Po mwisakwandaga ukuyoba mwisakutigi, ‘Twalyaga nukunwa nkyeni mmyako, nanugwe gwatumanyisyaga mmipulo gyitu.’ Umwene isakutigi, ‘Nikubabula une nikuti, ngabamanya kuno mufumile, amusokepo pamyangu mwesa mwe babombambibi.’ Lelo po sisakuyaga nguto ndupu papo, nulusyegetulo lwa mino, bo mukumbona Abrahamu, na Isaka na Yakobu, na basololi bosa mbutwa bwa Kyala, bo umwe mutagigwe panja. Abandu bisakufumaga kubusokelo isuba na kubuyongelo isuba, kululu na kwitongo; bo bisakutugalaga pakulya mbutwa bwa Kyala. Keta, balipo abamunyuma aba bisakuyaga batasi, nabatasi aba bisakuyaga bamunyuma.”


Nkabalilo kalakala, balinkwisa abaFarisai bamo, balinkumbula Yesu balinkuti, “Usokepo apa ubukege, buno Herodi ikulonda ukukugoga.” Umwene alinkubamula alinkuti, “Amubukege mukambule kambwe yula mukatigi, ‘Keta, nikusisosya imbepo inyali nukubabumbulusya ababine umusyugu na kilabo; pisiku lya butatu bo malile imbombo yangu. Napa siye bulebule, une fikuti umusyugu, kilabo, nukulinda kilabo, nendege itolo injila yangu. Namanga kukabagila unsololi ukufwila kubungi, loli mwene mu nkaya ka Yerusalemu.’
“Gwe Yerusalemu, Yerusalemu, gwe kubagoga abasololi nukubatika namabwe aba batumigwe kumyako, pingi apa nalondaga ukubabungama abanako bo apa inguku yikutubatila mmapiko utwanake, loli umwe mulinkukana! Keta lelo mukulekeligwaga inyumba yinu ukuya kisame. Nikubabula une nikuti, mutisakumbonamo siku une, ukwisakufika apa mwisakutigi, ‘Nsayigwa uyu ikwisila mungamu ya Ntwa.’ ”

بشنويد LUKA 13