آیات محبوب کتاب مقدس از Matie 5

به اشتراک گذاشتن

Nahuon 'bɔ 'bɩa 'napɩ, ‑ye ɔ 'nɩ ꞊jre ꞊le kaka 'lu gbo, kɛɛ, 'ke ɔ nye 'o dɛ 'lu gbo ꞊tu, ‑ɛ die nu, nahuin ꞊nʋ, ‑ʋ nɩ 'le kayu gbo, ʋ 'mʋ lɛ yrii. ‑Tɛ 'napɩɩ nu, 'ɛɛ wlɩn, 'ke 'o nahuin ꞊nʋ ‑wɔn, ‑ʋ nɩ 'le gbɩgbɩyrɩ ‑hɛyri, kɛ 'a nɩ nunuklɔ bɔ nu wʋnwlɛn, 'ke 'o nahuin ye, ‑ɛ die nu, ꞊hapʋdɛ ꞊nʋ, aa nu, ʋ 'mue 'ye, 'plɩɩ ʋ 'mʋ 'a nɩ Bu Nyɩsʋa, ‑ɔ nɩ 'le yakɔ 'mʋ baa.»

'A mʋ'ʋ nɩ, ‑ʋ mɔ 'klɔ ‑gbo a ‑nyrɛ. 'Dɩɔ ꞊nʋ, ‑ɔ nɩ 'o dʋgba 'lu, ɛ 'de ‑huhlidɩɔ.

Nahuin ꞊nʋ, ‑ʋ kɔ ꞊wlɩ 'sii 'o ye, bʋ kɔ plɔ a bleelɛ, ‑ɛ nue, ʋ di Nyɩsʋa 'nɩ 'ye.

Nahuin ꞊nʋ, ‑ʋ nye lɛ ꞊mɔ 'dɔ, 'ke 'le waa ꞊wlɩ 'bii ke, 'waa 'yrinaabʋɩ bɩ 'sii 'o ye, 'ke 'o Nyɩsʋa ye, nahuin a ‑gbɛ, bʋ kɔ plɔ a bleelɛ, ‑ɛ nue, dɛ ꞊nʋ, ʋʋ lɛ ꞊mɔ, Nyɩsʋa die ꞊nʋ 'nɩ ‑nyi 'bii.

Kɛɛ, 'mɛ ‑ye, kɛ 'nɩɩ po: Ba nʋɛ 'a nɩ yraanyʋ 'mʋ, kɔ, ba da Nyɩsʋa, 'ke 'o nahuin ꞊nʋ a ‑ta 'mʋ, ‑ʋʋ 'a mʋ ꞊sʋɛ ꞊tue

Ɔ nɔ: «Nahuin ꞊nʋ, ‑ʋ yie, ‑ɛ mɔ, 'ke 'le 'waa ꞊wlɩ ke, ꞊hapʋdɛ 'de 'le nɩ, 'bɩa Nyɩsʋa a ‑Hihiu 'bʋ 'de 'o ꞊nʋ ke 'mʋ nɩ, nahuin a ‑gbɛ, bʋ kɔ plɔ a bleelɛ, ‑ɛ nue, nʋ‑ʋ nɩ, ‑ʋ di 'le Nyɩsʋa a 'klɔ yrayrʋ 'kwli 'mʋ pa.

Nahuin ꞊nʋ, ‑ʋ nye lɛ ꞊mɔ, 'ke nahuin bʋ wɛɛn ke gbo, bʋ kɔ plɔ a bleelɛ, ‑ɛ nue, Nyɩsʋa diu daa 'a 'yuo.

Nahuin ꞊nʋ, ‑ʋ kɔ ꞊wlɩ bi ꞊hlɔn, bʋ kɔ plɔ a bleelɛ, ‑ɛ nue, Nyɩsʋa a ‑gbɛ, nɔ‑ diu 'le ꞊wlʋ 'kwli 'mʋ gbo ꞊tu.

Nahuin ꞊nʋ, ʋʋ ꞊sʋɛ ꞊tue, ‑ɛ nue, dɛ Nyɩsʋaa ‑hʋa, nɛ‑ ʋʋ nu, nahuin a ‑gbɛ bʋ kɔ plɔ a bleelɛ, ‑ɛ nue, nʋ‑ʋ nɩ, ‑ʋ di 'le Nyɩsʋa a 'klɔ yrayrʋ 'kwli 'mʋ pa.

Nahuin ꞊nʋ, ‑ʋ kɔ 'waa 'bienʋ ‑tʋnahuin a wɔlɩ, bʋ kɔ plɔ a bleelɛ, ‑ɛ nue, Nyɩsʋa di ‑wɛ kɔ 'waa wɔlɩ.

'A mʋ ꞊nʋ, 'bʋʋ 'a mʋ tanɩ ꞊tu, 'bʋʋ 'a mʋ ꞊sʋɛ ꞊tue, 'bʋʋ 'a mʋ ‑tɩ yɛɛ, 'ke 'le hɩ 'kwli 'mʋ, ‑ɛ nue, 'a mʋ mɔ 'na ‑naagbopʋʋ nɩ, ba kɔ plɔ a bleelɛ. Ba nu 'manʋ, ‑ɛ nue, Nyɩsʋa di 'a mʋ ‑nyi 'wio gblaka, 'ke 'le yakɔ 'mʋ. Nyɩsʋa a winwlɔn‑hɛnyʋ ꞊nʋ, ‑ʋ nɩ la 'klɔ, ti ‑hi la a ti 'yri, kɛ'ɛ nɩ, nahuiin la nu, 'ʋʋ la ‑wɛ ꞊nʋ ꞊sʋɛ ꞊tue.»

Nahuin ꞊nʋ, ‑ʋ kɔ ꞊wlɩ 'yɔpɔ, bʋ kɔ plɔ a bleelɛ, ‑ɛ nue, nʋ‑ Nyɩsʋa di 'blʋgba ꞊nʋ ‑nyi, ɔ plɛ, ɔ di 'a nahuin ‑nyi.

Kɛ ‑Yusuu lele 'a ‑naagbopʋ ye po: «‑Tɛ 'ta nɩ 'mʋ, 'ke 'o dididɛ ‑wɔn, kɛ'ɛ nɩ, a nɩ ‑wɛ 'mʋ, 'ke 'o ‑tʋtʋ ke a nahuin ‑wɔn. Kɛɛ, 'ta a ‑gbɛ, 'bɔ 'waan 'a wlɔnnɩnɔ, ‑ye ʋ 'die 'le ‑wɛ bʋ ‑nyi lele ꞊nɔ 'a wlɔnnɩnɔ a ‑gbɛ. Ɔ 'de 'klɛɛ lele ‑kʋan ꞊de kɔ, 'bɛ 'de bʋ puo 'kwla 'mʋ, nahuin bʋ nɔɔ ke.

Ba 'sii 'o ye, ‑ɛ 'we ꞊nɔ ye, ‑tɛ 'a nɩ Bu Nyɩsʋa ꞊nʋ, ‑ɔ nɩ 'le yakɔ 'mʋ, ɔ nu, 'ɔ 'sii 'o ye.»

'Bɛ 'ya iin 'mʋ, kɛ ba po: Iin, kɔ, 'bɛ 'ya 'ʋʋn 'mʋ, kɛ ba po ‑wɛ: 'Ʋʋn, ‑ɛ nue, 'sʋʋlɛ ꞊nʋ, ‑nɩɩ 'o ꞊nɔ 'lu po, ɛ mɔ 'yilɛnyredɛ'ɛ nɩ. 'Ke ɛɛ 'le 'kuo ‑hʋɩn a nyɩgblaka 'mʋ ‑hɔn.»

«A yie nɩ, ‑ɛ mɔ, tete ‑ye, Nyɩsʋa ‑nyi la ‑a nɩ bunʋ, ɛ nɔ 'nɩ: Nahuon 'bɔ wa 'a 'be a 'yie, 'a ‑gbɛ, ʋ kɔ bʋ wa ‑wɛ 'a 'yie. Nahuon 'bɔ ‑ha 'le 'a 'be a 'nyɛɛ, 'a ‑gbɛ, ʋ kɔ bʋ ‑ha ‑wɛ 'le 'a 'nyɛɛ. Kɛɛ, 'mɛ ‑ye, kɛ 'nɩɩ po: Nahuon 'bɔ nu 'a mʋ 'yilɛnyredɛ 'mʋ, a nɩ 'we 'le 'a nɩ dɩɔnʋ klɛ. Nahuon 'bɔ po 'le ‑na diidɛnʋa 'ŋma 'mʋ, ‑hɩɔ mɛ lɛ, bɔ po 'le ‑na kamranʋa 'ŋma 'mʋ.

'Bɛ 'ya ‑na 'yii a ‑tɩ, ꞊nɩɩ dɛ 'kuku nu, ‑ye ‑bo ‑hɩ 'le, ꞊mui 'kwla 'mʋ po. Ɛ nu ‑tɛɛ, 'ke ‑bo po ‑na 'hʋɩn a 'pɩa ‑ye 'kwla 'mʋ, 'ɛ ‑hi 'o bʋ po 'le ‑na ꞊gble na ꞊nʋ 'mʋ, ‑ɔ 'nɩnɩ jre gbe. 'Bɛ 'ya ‑na diidɛdabʋ a ‑tɩ, ꞊nɩɩ dɛ 'kuku nu, ‑ye ‑bo 'bɩʋ 'o, ꞊mu 'kwla 'mʋ po. Ɛ nu ‑tɛɛ, 'ke ‑bo po ‑na 'hʋɩn a 'pɩa ‑ye 'kwla 'mʋ, 'ɛ ‑hi 'o ‑na ꞊gble ‑bo mu 'le na ꞊nʋ 'mʋ, ‑ɔ 'nɩnɩ jre gbe.»