آیات محبوب کتاب مقدس از Joni 3

به اشتراک گذاشتن

Omaiya numuto namato wewena milumate eliboya napa-napa neyoko, ipala makoko maya ne lamoko lemodaya limiboya emodamu elewole iki data kitabo wewena maya wiki tolowa amiki minowa minowa depa mutiwa liki minatae loko sa-iye.

Ito ipalakahoya maya mikau wewenasida miluma nesa le bituwe loko lemamiye. Lahelamibo nesauti maya lilimitiye loko Omailimo oli hekaiyoko lemene.

Loko liyoko, Jisesimamo wehe loko lo emekoloyo, elo: Wewena mako ohatama wewena lolo ametiboya, Omaimidana oholamidana elewoleyala mudamekolaiye.

Sa-onenako, wewena makolita Omaimidana ipaladamuya elewole iki data kitaboya, lihima nesa libamekolaiye. Eli elewole amabo wewenasiya Omai ipalada uliwaya eli lamabo nenako, sa-itaboya Omailimo lihima bekolaiye.

Lihima bekakamidana monawa maya sakoya ne: Okulumauti lamedalaki wemamo muki wewenasida domudalo soto pekaiyoko, mudakudawo maya neyo lamiki lahelibo lahelamibo nesa lolo ikaka niabo maya nenako, lamedamidana hulitikiki lubumidana oluhola lolo iki minae.

Sa-noinako, aya we Jisesida ulila yoweko nedeko, nemoya lemeko iwaukaya minakoloe, loko Jonikaho liye.

Lahelamibo nesa lolo iki minabo wewenasiya Omaimidana lamedala maya demesa mikiki edimonipo iki moliki abo nesa maya soto pekatiye liki Omai lamedalalo maya nisamae.

Wewena makosi Omaimidana ipaladamuya elewole iki elitaboya minowa minowa depa mutiwaya alo likae. Ito Omai ipalada gala maya eli hulikiki monitabo wewena maya elewole depa mutiwaya lamikilae. Sa-ideko, Omailimo mesaha jebetatibo nesalimoya edawa mupilanipolo yoweko minakolaiye, loko liye.

Sa-ominonako, Mosesekaho hapa yeikala ametoka oletehakidana nesa mako lolo oko le sinaiboya, Isilaelo wewena maya lahelamayoko, yalo mudaikiki aku wiki dowa litae loko sa-ibo maya ne. Mosesekaho aweyaha ibokidana nemo okulumauti we utimidanaya nalawa iki yoho yaha yalo maya tinitakilae.

Aholakahoya ipalada umu helekaiyoko, muki nesa maya ipalada adelaugo moloko suwone.