آیات محبوب کتاب مقدس از Kabavelamu 1

به اشتراک گذاشتن

Matautauda Yaubada ivona ivo, “Deqoina tomo'otoqa taivalabubunidi. Taivalabubunidi mesaida kida. Inavetokisavekavina iqana ligwagweye, manuqa kawasaseye, kaisaya tauvanuqa, kaisaya walawalakai we kaisaya puena daledaledi pwayapwaya tabwaneye.” We tomo'otoqa ivalabubunidi, taunina kanakisa mesaida. Ivalabubunidi lamoqina wete vavinena.

Yaubada ivonavenapwayewedi ivonedi ivo, “Kwavenatuna natumiavo inavepue-otoqa pwayapwaya inaveadaqi. Kwavetoloina yoqoyoqo puepuedi pwayapwaya waineye. Kwaivetokisavekavina iqana ligwagweye, manuqa kawasaseye wete kaisaya puena yawayawaidi isasasala pwayapwaya waineye.”

Velamu kunu naqeneye Yaubada pwayapwaya wete abama ivalabubunidi.

Pwayapwaya naqekavana we vaitoma bwaigina malaveta ivuyoi imiamia. We Yaubada Vaitabuna malaveteye idoedoeni.

We kaiata tamoqana waineye Yaubada ivona ivo, “Maqeta kusauyemu.” Beqa maqeta isauyeni imaqetai.

Beqa Yaubada navalabubuna matatabuna vakai ivalabubunidiqa ikisedi we no kaia giamaiotoqina. Beqa no gunabeida lavilavi wete kawakawai kaiata kanavesikisi.

Yaubada maqetanina ikiseni ikawagiagiamaieni. Yaubada maqeta iketovegeia vaitoma waineye'eqa

We Yaubada ivo, “Komi kami avelemiqa mosomoso puepuedi vuadi mewaipeidi pwayapwaya matatabuna tabwaneye wete kaivuavuaqa puepuedi vuadi mewaipeidi. Gumanidiavo kwaikanikani.

we maqeta iqoleni kaiata. We vaitoma iqoleni lovana. We no gunabeida lavilavi wete kawakawai kaiata tamoqana.

Wete kaiata kanaveluqa waineye Yaubada ivona ivo, “Kawasasa kusauyemu bwasi gamwaneye, bwasi we bwasi iketovegeia.”

We kaisaya puena yawayawaidi matatabudi, manuqa kawasaseye wete kaisaya puena yawayawaidi isasasala pwayapwaya waineye, we kadi avelediqa mosomoso kalakalawidi waidie inakanikani.” We kaia kanamwaqitana mesaida isauyeni.

Kaiata kanavepuli waineye Yaubada ivona ivo, “Abamaligelige tabwaneye maqetanimiavo kwasauyemi tutuya kwaketovegeia kaiata wete lovana waidie'eqa; kwavekiakiaya kaiata, diqaba wete tutuya paipaidi

Wete Yaubada ivona ivo, “Pwayepwayeye yoqoyoqo kwavekalatabwatabwa, welavi mevuadi wete tupwaidiavo ge mevuadi, bulava mevuadi wete ge mevuadi mesaida dituaina. Kaia kanamwaqitana mesaida isauyeni.”

Yaubada kawasasa ivalabubuni we bwasi iketovegeia, bwasi ilaga kawayavata tabwaneye, we bwasi iobu kawayavata dibuneye. We kaia kanamwaqitana mesaida isauyeni.

We pwayepwayeye yoqoyoqo ivekalatabwatabwa, welavi mevuadi we ge mevuadi mesaida dituaina, we bulava mevuadi wete ge mevuadi mesaida dituaina. Yaubada ikiseni ikawagiagiamaieni.

Yaubada maqeta kailuqa bwaigidi igiavelausimatalidi. Maqeta bwaigina kaiata iekisabodebodeni, we maqeta siaina lovana iekisabodebodeni. Wete mwatuia igiavelausimatalidi.

Kaiata kanavetonu waineye Yaubada ivona ivo, “Bwasi kawasasa dibuneye kwaluvetaubama tamoqana waineye. We pwayapwaya sayasayana inalausimatala.” Kaia kanamwaqitana mesaida isauyeni. We Yaubada pwayapwaya sayasayana iqoleni pwayapwaya, we bwasi luvetaubamina iqoleni ligwagwa. We Yaubada ikiseni ikawagiagiamaieni.

Yaubada sakunidiavo ivonavenapwayewedi ivona ivo, “Iqana kwavenatuna ligwagwa kwaveadaqi wete mesaida manuqa kwavenatuna natumiavo pwayapwaya waineye inavepue-otoqa.”

Kaiata kanavesikisi waineye Yaubada ivona ivo, “Pwayapwaya kuvuaqa kaisaya yawayawaidi matatabudi medituaina, kaisaya tauvanuqa, kaisaya walawalakai, kaisaya daledaledi medituaina.” We kaia kanamwaqitana mesaida isauyeni.

Kaiata kanavedimana waineye Yaubada ivona ivo, “Kaisaya yawayawaimi matatabumi ligwagwa kwaveadaqi, we manuqa kawasaseye kwayaveyaveqa.”

Beqa Yaubada dede kaisaya yawayawaidi matatabudi medituaina ivalabubunidi kaisaya tauvanuqa, kaisaya walawalakai, kaisaya daledaledi kaisaya siaidi wete kaisaya bwaigidi. We taunidi dituainae'eqa ienatuna yavuyavula we natudiavo kaia taunidi kadikisa mesaida. Beqa Yaubada ikiseniqa ikawagiagiamaieni.