آیات محبوب کتاب مقدس از Jọnu 10

به اشتراک گذاشتن

Iwhe onye iwhuru l'abyajẹ-zhiawho ememe kpụ bụ tẹ ya zhita oshi mẹe tẹ ya gbua mẹe tẹ ya mee t'iwhe lile laa l'iyi. Ọle iwhe mbẹdua l'onwomu kwoberu bya bụ nggẹ atụru ono enweru ndzụ, tẹ whẹ nweru ndzụ nweru etsutsu iya.

“Ọo mbẹdua bụ onye obu-ọma ọbu, l'eche atụru. Onye obu-ọma, l'eche atụru l'ekwobeje iswi atụru iya tụa ishi ndzụ iya.

Atụru nkemu l'anụkaa olu mu, mu marụ whẹ, whẹ l'anọje awụ etso mu.

Iwhe mu l'anụje whẹ bụ ndzụ tututu-mịmimi. Whẹ ta afụkwa laa l'iyi, tọ dụ onye bya l'anafụ whẹ l'ẹka mu.

Ọo mbẹdua bụ ọnuzo ono. Onye shiru mu nụ bahụ bẹ l'aa-dzọfutakwa onye ono. Onye ono l'a-nọ abata abata, alụfu alụfu, onye ono awhụjee ẹka l'ọo-tabata nri.

Ọo mụbe Jisọsu bụ onye obu-ọma ọbu, l'eche atụru. Mu marụ ndu ọwhu bụ nkemu, ndu ọwhu bụ nkemu marụ mu.

Ọo Nna mu ono, bụ iya yeru whẹ l'ẹka mu, bẹ bụ onye kakọta shii, tọ dụ onye l'a-dụ ike anafụ whẹ l'ẹka Nna mu ono. Mbẹdua mu lẹ Nna mu bụ onye lanụ.”

O nokwawho gẹ Nna mu marụ mu. Mu l'ekwobeje iswi atụru mu tụa ishi mu.

O to nwekwa onye bụ iya natarụ mu ndzụ mu ono. Ọ kwa mbẹdua tụru obu mu ama tụa ishi ndzụ mu ọbu. Ọo mbẹdua b'ọ dụ l'ẹka. Mu -sụ lẹ mu l'a-tụ ndzụ mu, mu atụa ya, mu -sụ lẹ mu l'a-natawhu iya azụ, mu anatawhu iya azụ. O noo iwhe Nna mu zhiru mu.”

Ọo ya bụ, Jisọsu bya asụ-whu whẹ azụ ọdo: “Iwhe mu l'eme t'o doo unu ẹnya bụ l'ọo mbẹdua bụ ọnuzo mkpu atụru.

Onye ọwhu e buru ebu l'a-parụ atụru ono haa, gbalaa nteke ọ whụru agụ-nwoghu gẹ l'ọobya ọta-gbushi atụru ono, iwhe meru l'oomeje iya nno bụ nke l'ọ tọ bụdu iya l'eche iya, tọ bụ iya nwe iya. Ọo ya bụ agụ-nwoghu ono abyakfuta atụru ono bya achịkashia whẹ.

Jisọsu sụ whẹ: “Iwhe mu l'akarụ unu bụ lẹ: onye l'ete eshia l'ọnuzo bahụ lẹ mkpu atụru, onye ono shia ẹka ọdo nyiba iya, onye ono bụkwa iwhuru, bụru onye l'ana nfụ.