آیات محبوب کتاب مقدس از Mar thehr liq 5

به اشتراک گذاشتن

U ve haq sur daq che a mir khehd tox lar lehq khuhr luhd cuhr muhq lar che liz chaw te ghad-eg maq te jaw. Kheh ma khuhd yehg yad ka yad awg gha lia awg ghiz haq gha mawg vid tug muh kig lo teh che yaog. U ve heh te lehq su mehz khuhd suhr lo nig hehd liz awg ghiz pawd vid-oq. U kheh te ver, nig hehd daq che kanx te lar che haq su gha mawg che te yand muhd nuh maq lo chehd che nig hehd ve Awr pa haq su chid ir chid muh vid tug yaog.

Nig hehd teq pa awr lehr, mig gig ve awg ghiz phehq che yaog. Keh thag lo cawg che med haq khuhd ceh lar maq gha hawg.

Ni ma khuhn phu che kehg che cawg che chaw teq pa awr lehr, awg bon ir che yaog. Awg lawn ghod ver, i hehd Ghig sa haq gha mawg tug yaog.

Thed che cawd che haq meq khod kaz khod chehd che chaw teq pa awr lehr, awg bon ir che yaog. Awg lawn ghod ver, i hehd gha cad buhz dawg buhz tug yaog.

Kheh ma khuhd, ngag nig hehd haq koz ax laq, nig hehd ve cand par teq pa haq haq lehq, nig hehd haq du deh che chaw teq pa haq bon lawg vid-oq.

“Ni ma khuhn co ha phawd awr har ghuhd che chaw teq pa awr lehr, awg bon ir che yaog. Awg lawn ghod ver, muhd nuh maq muhd mig awr lehr, i hehd ve muhd mig phehq vehr che yaog.

Cawd daq hawr daq tug te che chaw teq pa awr lehr, awg bon ir che yaog. Awg lawn ghod ver, i hehd haq Ghig sa yawd ved yad yaog lehd koz tug yaog.

Duhd har gad har che chaw teq pa awr lehr, awg bon ir che yaog. Awg lawn ghod ver, i hehd ni ma sa tug Ghig sa te vid tug yaog.

Ghig sa ve a lor haq ca lehq thed-e ghad cawd-aw ghad te cheaq te lehq su du deh che haq gha khanr che chaw teq pa awr lehr, awg bon ir che yaog. Awg lawn ghod ver, muhd nuh maq muhd mig awr lehr, i hehd ve muhd mig phehq vehr che yaog.

Har kax vix che chaw teq pa awr lehr, awg bon ir che yaog. Awg lawn ghod ver, Ghig sa i hehd teq pa haq kawq har kax vid tug yaog.

Ngag haq te lehq, su nig hehd haq kha muhd kha na te lehq, du deh ax lehq, her ka lehq nig hehd awg lawn haeg che awg ceng teq pa haq koz ver, nig hehd awr lehr awg bon ir che yaog. Ha lehg tug awg ceng kha peh vad-ag cawg vid-oq. Awg lawn ghod ver, muhd nuh maq lo nig hehd ve laq sawnr ir jad che Ghig sa teh ax lar peg che yaog. Nig hehd haq keh awg kawd lag peg che Ghig sa ve cuh kar var teq pa haq liz su u kheh te du deh vid jaw che yaog.

Ni ma nud-u ghad nehr ghad te che chaw teq pa awr lehr, awg bon ir che yaog. Awg lawn ghod ver, mig gig awr lehr, i hehd gha tug awg sinx phehq che yaog.

Nig hehd awr lehr, mig ghig ve a lehq phehq che yaog. A lehq u ve mehg che pehz vehr ver, khawd-ehg kheh te kawq mehg gha hawg le. A lehq u ve teq chaweh awg bon mad cawg vehr cheaq te lehq su yug chid bag lehq chaw yad naz tod chea lehax yaog.

Kheh te cheaq te lehq, muhd nuh maq lo chehd che nig hehd ve Awr pa peh lawq che heh, nig hehd teq pa liz peh lawq vid-oq.

Nawg koz cawd che tawd awr lehr, ‘yag ver yaog,’ ‘ma hez ver ma hez hawg,’ lehd lehax koz. U ve nuz awr koz kae chehd ser ver, ned haeg lo lag che phehq vehr che yaog.

‘Su nawg ved mehz sir haq te lug ax ver, yawd ved mehz sir haq liz nawg kawq te lug vid lehq, su nawg ved cig haq te khehq ax ver, yawd ved cig haq liz nawg kawq te khehq vid-oq’ lehd koz lar che awg lid tawd khuhd haq nig hehd gha kad jaw che yaog. Kheh ma khuhd, ngag nig hehd haq koz ax laq, nawg haq te yaq che chaw haq tad kawq te khuhq vid. Nawg ved par loz laq yaq awr phawd awr su tha phehd ax ver, laq vehr awr phawd awr liz kawq mawr vid ser.

Kheh te lehq, nawg ved mehz sir laq yaq awr ve teq pax te yaq vid tug te ver, mehz sir u ve te pax kehx khao. Awg ton teq ton maq ve muhd naz hoq khuhn gha khanr cheaq keh, awg khen nehax ted mag lehax lug vehr che vawr, daq jad che yaog. U ve heh te lehq, nawg ved laq kuhr laq yaq awr pax awr ve liz te yaq vid tug te ver, laq kuhr u ve teq pax haq tawz khaog. Awg ton teq ton maq ve muhd naz hoq khuhn gha khanr cheaq keh, awg khen nehax te mag lehax lug vehr che vawr, daq jad che yaog.