آیات محبوب کتاب مقدس از Yauhaas 4

به اشتراک گذاشتن

Vaajtswv yog Ntsujplig, cov kws pehawm Vaajtswv yuavtsum pehawm ntawm saab ntsujplig hab qhov tseeb.”

Lub sijhawm ntawd taabtom lug, hab tub lug txug ntawm nuav lawm, cov tuabneeg kws pehawm leej Txiv yuav pehawm ntawm saab ntsujplig hab qhov tseeb, rua qhov leej Txiv xaav kuas suavdlawg muaj nplooj sab dlawb paug pehawm nwg tag.

tabsis txhua tug kws haus cov dlej kws kuv muab rua nwg, nwg yuav tsi nqhes dlua ib zag le lawm. Cov dlej kws kuv muab rua nwg yuav txhawv huv nwg lub sab hab cawm nwg txujsa moog ibtxhis.”

Yexus teb nwg has tas, “Yog koj paub yaam kws Vaajtswv yuav pub rua koj, hab paub tug kws thov dlej ntawm koj haus yog leejtwg, ces koj yeej yuav thov nwg, hab nwg yuav muab cov dlej kws cawm txujsa rua koj haus.”

Yexus has rua cov thwjtim has tas, “Kuv tej mov yog ua lawv le tug kws khaiv kuv lug lub sab nyam, hab ua teg num kws nwg tso rua kuv ua lawm kuas tav.

Tug quaspuj ntawd has tas, “Tug tswv, koj tub tsi muaj dlaabtsi ntaus dlej, hab lub qhov tshij nuav tub heev. Koj yuav muab cov dlej kws cawm txujsa qhov twg lug?

Tug quaspuj ntawd has rua Yexus has tas, “Kuv paub has tas tug Mexiyas yuav lug, hab thaus nwg lug lawm, nwg yuav qha txhua yaam rua peb.” Yexus teb has tas, “Kuv yog nwg, kuv taabtom nrug koj thaam nuav ntaag.”

“Mej ca le moog saib tug txivneej kws nyob tod saib, nwg qha txhua yaam kws kuv tau ua taag lug lawm huv tuabsi rua kuv noog! Nwg puas yog tug Mexiyas?”