آیات محبوب کتاب مقدس از Sant Lucas 18

به اشتراک گذاشتن

Jesus a lavaraz ive ar barabolen‐man, evit diskouez ez eo red pedi bepred, hag hep skuiza

Ha Doue, daoust hag hen na venjo ket ar re hen deuz choazet, pere a gri var zu enhan noz deiz, petra‐benag ma tale da zond d’ho venji? Hen lavaret a ran deoc’h, hep‐dale e venjo anezhe. Mes pa deui Mab an den, daoust hag hen a gavo feiz var an douar?

Ha Jesus a lavaraz dezhe: Ar pez a zo impossubl d’an dud a zo possubl da Zoue.

E‐pad pell‐amzer na fellaz dezhan ober netra evithi. Goude‐ze evel‐kent e lavaraz enhan he‐unan: Petra‐benag ma na zoujan ket Doue, ha ma n’em euz respet e‐bed evit den, koulskoude, o veza ne ehan ket an intanvez‐ze d’am inoui, e rin justis dezhi, gant aoun ne gendalc’hfe atao da zond da derri va fen d’in.

E gwirionez hen lavaran deoc’h, piou‐benag na recevo ket rouantelez Doue evel eur bugel bihan, na antreo ket enhi.

Mes Jesus, o c’hervel anezhe d’he gavoud, a lavaraz: List ar vugaligou da zond d’am c’havoud ha na virit ket outhe; rag rouantelez Doue a zo evit ar re a zo henvel outhe.

Ha Jesus a lavaraz dezhan: Receo ar gwelet; da feiz hen deuz da iac’heet.

Jesus a lavaraz dezhan: Perag e c’halvez‐te ac’hanoun mad? N’euz hini mad e‐bed, nemed Doue hep‐ken.