آیات محبوب کتاب مقدس از Genesis 9

به اشتراک گذاشتن

Kayti, ituy keseg it sanggup ku ngaytut imyu, pati muꞌsang maginawa nga kaꞌiba-iba mi magtungtung-magꞌinapuꞌ,” maat it Ampuꞌang Diyus. “May ibtang ku na nga buluntung kat lawang. Itu nay katandaꞌ it isiyanggup ku pasar it banwa.

Eeꞌ baꞌ, kada timindeg kat lawang i buluntung, letganan ku bawnga demdemen ku i egay kaskedang sanggup ku it imyu, ka aku nga Ampuꞌang Diyus i nagsanggup kat muꞌsang maginawa kat sinirungat langit.

Eeꞌ baꞌ, in siyu-siyuy mimatay it masigkataw ya, kaꞌilangan nga imatayen naga kanya, sabap taw ngaytu, pamwat it kanya, agen-agen it kaladawan it Ampuꞌang Diyus.

Bawnga piyatdekan it Ampuꞌang Diyus it ampang ya nga may guna si Noe baw mga anak gasiꞌ ni Noe. Maat i inampang ya, “Magꞌanak-anak kamu isaꞌun dumakel naga i taw kat sinirungat langit, isaꞌun magtaawan nagay muꞌsang banwa.

Muꞌsang magkuliꞌget nga maginawa, magkakaꞌen mi na, nga yay dungag it pagkaꞌnen mi nang lagi nga mga luwak.

Miꞌlam nat imyu i mga ramu-ramu, ganggang, baw manu-manuk, pati mga sedaꞌ, miꞌlam na gasit imyu, sabap ipagpabetang-betang ku nga muꞌsa ngaytu, kat pamegbeg mi na nga muꞌsa.

Kamu ngaytu, subung nat inaat ku, garing kayti magꞌanak-anak kamu isaꞌun dumakel nagay taw. Talagang dumakel kamu nagang banar.”