آیات محبوب کتاب مقدس از Matìyò 7

به اشتراک گذاشتن

“Ghə̀ŋ ə bèm tò bèm ə ndi ghə̀ ne ku a ghə̀ŋ, kəŋ tò kəŋ ə ndi ghə̀ŋ ne yen, kùmtə tò kùmtə, a ghə̀ ne boʼ a ghə̀ŋ.

Byìʼì no ndò a ghə̀ bèm, və a ku à wen, no ndò a ghə̀ kəŋ, ghə̀ à yen, à be kùmtə̀ no ndò kùmtə̀ chʉ̀ ngə̀ŋ və à boʼ à wen.

“Kə lə diʼ la no mə ndo yi a ghə̀ zhʉ̀tə̀ ənyʉ̀ venə a mà gàʼ lə ə ne to ando mà gàʼa ghə̀ a diʼ to ndo wù ə tofə yi a ghə̀ nlu sə ə əbwom ngə̀ŋ wen ə wye kəchɨ ki nə̀ nguʼsə

“Kə diʼ la ghə̀ŋ ə ne no ghò yi a viʼi a ghə̀ŋ kòŋ la və ə ne a ghə̀ŋ. Əkenkə ə diʼ kətʉ kənyʉ̀ kì a Əsoʼ ə Mosìs nziʼi. Nshə̀ʼtə̀sə ghoʼkə sə ə tsentə gàʼa.

Alì, əchʉ̀ ə mbàyn yi a ghə̀ dyʉ̀ akəshi kəbwòŋ ə faʼsə no alə̀, ji yi a ghə̀ dyʉ̀ tsu ə tyetə no alə̀, viʼi və ghoʼvə ko yenə.

“Ghə̀ŋ ə kwenə akəshi əfòyn ə Nyìngòŋ jì ə chʉ ngə̀ŋ ə faʼsə ghə̀, byìʼì ando ə chʉ ə ghoʼo ə kwenə tò akəshi kəbyɨkə. Ji yi a ghə̀ dyʉ̀ akəshi kəbyɨkə ə diʼ ə ghoʼ tò alə̀, chò no a nkàyn.

Viʼi və byɨvə alə̀ to nə̀ ghə̀ŋ lə sətsèn ə nə̀ kɨ ə ku fo ə jùŋvə a vunə, no Tìʼ ghə̀ŋ a kaŋ a faŋ ale ke ku fo ə jùŋvə a viʼi vyì a və bèm a wen a?

“Kə ghə̀ŋ ə soʼo viʼi ndi kə və lə soʼ ghə̀ŋ. Ghə̀ŋ sətsèn ə̀ soʼo viʼi no te a jì ko, və lə boŋ soʼ ghə̀ŋ tò ali. Ghə̀ŋ sə ə soʼo ə wìʼ ə shyèʼ wen no nə̀ nshyèʼ ə ko, və lə be le shyèʼ ghə̀ŋ tò nə̀ nshyèʼ a yì.

“Alì, mu a zhʉ̀ no ndo zhʉ ənyʉ̀ ə vwomə a venə a mà gàʼa la ə mù faŋ ke ne to ando mà gàʼa, ghə̀ nə̀ ndiʼ to nə̀ kəndzɨ̀ŋtə̀ kə wìʼ kì a kə nlu lyɨ̀ ngə̀ŋ wen ə dyʉ̀ bwom a kətʉ kə kəsese

Byìʼì gho a wù ki tò fəfolə̀ fifə a fə diʼ əshɨ ə lèmə̀ wu, alì ke nyenə mpfì ə fəkòʼ fì a fə diʼì a wu əshɨ a? Fa ali, wù la zi ə wù gàʼa ale a lèmə̀ wu la, ‘Kəʼə mà shisə fəfolə̀ fifə fa wu əshɨ,’ a diʼ ali kiʼ no mpfì ə fəkòʼ a wu əshɨ a?

“Ghə̀ŋ ə tùʼmə̀ byìʼì nshə̀ʼtə̀sə ndzɨŋsə. Və nè sə ə vi a ghə̀ŋ, ə kə̀ʼ akəʼ to nə̀ byisə njɨ̀ alì a diʼ to no nyamsə kəbo. Və yenə kɨ fəkòʼ byìʼì ashɨ yi a fe kumə. Və ko təmə kwòŋ ashɨ kəbvèm fa fəkòʼ fə ndzoŋsə kò və ntəmə boŋtə lamsə lwi fa toʼ kənwìʼtə.

Kə la diʼ to ndə̀ŋndəŋ to nə̀ fəkòʼ fə jùŋfə ə kumə tò ashɨ ə jùŋ ghə̀, fəbyɨfə kumə tò ashɨ a byɨ ghə̀.

Fəkòʼ fə jùŋfə zi ko fə kumə ashɨ a byɨ ghə̀, ko fəbyɨfə zi fə kumə ashɨ ə jùŋ ghə̀.

A fàŋ no fəkòʼ fə ko ke kumə ashɨ ə jùŋ ghə̀, və a bvàʼ ə moʼ a zhìʼ.