آیات محبوب کتاب مقدس از ᒉᓂᓯᐢ 3

به اشتراک گذاشتن

ᐃᐢᐱ ᒫᑲ ᐃᐢᑫᐧᐤ ᐃᐧᔮᐸᒫᐟ ᐊᓂᐦᐃ ᒥᐢᑎᑲᐧ ᐁ ᒥᔪ ᒥᒋᐃᐧᓂᐃᐧᔨᐟ, ᒥᓇ ᐁ ᒥᔪᓈᑯᓯᔨᐟ, ᒥᓇ ᒥᐢᑎᐠ ᑫ ᓇᑕᐁᐧᔨᒥᐦᐟ ᑭᑕ ᐅᐦᒋ ᐊᐃᐧᔭ ᐃᔨᓂᓯᐟ, ᑭ ᐅᑎᓇᒼ ᐁᓯ ᒥᓂᓯᐃᐧᔨᐟ, ᐁ ᑭ ᒥᒋᐟ ᒫᑲ; ᐁᑯᓯ ᒥᓇ ᑭ ᐊᑎ ᒥᔦᐤ ᐅᓈᐯᒪ ᐊᓯᒋ; ᐃᐧᐢᑕ ᑭ ᒥᒋᐤ.

ᑭᓀᐱᐠ ᒫᑲ ᐊᔨᐋᐧᐠ ᑭ ᑲᑲᔦᔨᓯᐤ ᐃᐢᐱᐨ ᐊᐃᐧᔭ ᐱᓯᐢᑭᐊᐧ ᑳ ᑭ ᐅᓯᐦᐋᐟ ᑳ ᑎᐯᔨᐦᒋᑫᐟ ᑭᓭᒪᓂᑐ. ᐁᑯᓯ ᐁᐊᐧᑯ ᑭ ᐃᑌᐤ ᐃᐢᑫᐧᐊᐧ, ᑖᐯᐧ ᒋ ᑭᓭᒪᓂᑐ ᑭ ᐃᑌᐧᐤ, ᓇᒪᐃᐧᔭ ᑭ ᑲ ᒥᒋᓈᐋᐧᐤ ᐁ ᒥᓂᓯᐃᐧᐟ ᑳ ᐃᑕᐦᑖᐧᐢᑯᓯᐟ ᒥᐢᑎᐠ ᓂᐦᑖᐃᐧᑭᒋᑳᓂᕽ ᑳ ᐊᔮᐟ?

ᒥᓇ ᓂ ᑲ ᐃᑕᐢᑖᐣ ᑭᑕ ᐸᑳᐧᑎᑐᔦᐠ ᑭᔭ ᒥᓇ ᐃᐢᑫᐧᐤ, ᒥᓇ ᑭᔭ ᑭ ᓂᐦᑖᐃᐧᑭᐦᐋᑲᓇᐠ ᒥᓇ ᐃᐧᔭ ᐅ ᓂᐦᑖᐃᐧᑭᐦᐋᑲᓇ, ᑭ ᑲ ᓯᑯᐢᑎᑳᐧᓀᐢᑳᐠ ᒥᓇ ᑭᔭ ᐊᐧᐦᑲᐧᐣ ᑭ ᑲ ᓯᑲᐧᐦᐊᒫᐧᐣ.

ᐁᑯᓯ ᐊᓂᐦᐃ ᐃᐢᑫᐧᐊᐧ ᐅᒥᓯ ᑭ ᐃᑌᐤ, ᓈᐢᐱᐨ ᓂ ᑲ ᒥᐦᒉᑐᑖᐣ ᑭ ᑯᑕᑫᔨᑕᒧᐃᐧᐣ ᒥᓇ ᑭ ᓂᐦᑖᐃᐧᑭᓈᐊᐧᓱᐃᐧᐣ; ᑯᑕᑫᔨᑕᒧᐃᐧᓂᕽ ᑭ ᑲ ᓂᐦᑖᐃᐧᑭᓈᐊᐧᓱᐣ; ᒥᓇ ᑭ ᑲ ᒧᐢᑕᐁᐧᔨᒫᐤ ᑭ ᓈᐯᒼ, ᐃᐧᔭ ᒫᑲ ᑭ ᑲ ᑎᐯᔨᒥᐠ.

ᐊᐯᐧᓯᑫᐧᐃᐧᐣ ᑭ ᑲ ᐅᐦᒋ ᒧᐋᐧᐤ ᐸᐦᑫᐧᓯᑲᐣ ᐃᐢᑯ ᑭᑕ ᑭᐁᐧᑐᑕᒪᐣ ᐊᐢᑭ, ᒋᑫᒫ ᐁᑯᑕ ᑳ ᐅᐦᑎᓂᑲᐃᐧᔭᐣ; ᒋᑫᒫ ᑭᐟ ᐊᓯᐢᑭᐃᐧᐣ, ᒥᓇ ᐊᓯᐢᑭᕽ ᑭ ᑲ ᐃᓯ ᑭᐋᐧᐣ.

ᐋᑕᒼ ᒫᑲ ᐅᒥᓯ ᑭ ᐃᑌᐤ, ᐁ ᑭ ᓇᑐᐦᑕᐊᐧᐟ ᐁ ᐃᑌᐧᐟ ᑭᐊᐧ, ᒥᓇ ᐁ ᑭ ᒧᒥᓈᑕᐟ ᒥᐢᑎᐠ ᑳ ᑭ ᐃᐧᐦᑕᒫᑖᐣ ᐁ ᐃᑌᐧᔮᐣ, ᓇᒪᐃᐧᔮ ᑭ ᑲ ᒧᒥᓇᑖᐤ, ᒪᒐᑭᑌᐤ ᐊᓯᐢᑭ ᑭᔭ ᐅᐦᒋ, ᑯᑕᑫᔨᑕᒧᐃᐧᓂᕽ ᑭ ᑲ ᐅᐦᒋ ᒥᒋᓱᐣ ᑫ ᐃᐢᑯ ᐱᒫᑎᓯᔭᐣ.

ᐅᒥᓯ ᒫᑲ ᑭ ᐃᑌᐤ, ᐊᐁᐧᓇ ᑳ ᐃᐧᐦᑕᒫᐢᐠ ᐁ ᒧᓭᐢᑲᑌᔭᐣ? ᑭ ᑭ ᒧᒥᓈᑖᐤ ᒋ ᒥᐢᑎᐠ ᑳ ᑭ ᐃᐧᐦᑕᒫᑖᐣ ᐁᑳ ᑭᑕ ᒧᒥᓈᑕᐟ?

ᐁᑯᓯ ᑭ ᐊᐧᔭᐃᐧᑎᓴᐁᐧᐤ ᓈᐯᐊᐧ; ᐁ ᑭ ᐸᑭᑎᓈᐟ ᒫᑲ ᒉᕒᐊᐱᒼ ᐋᐧᐸᓄᑖᕽ ᐃᑌᐦᑫ ᐃᑎᐣ ᓂᐦᑖᐃᐧᑭᒋᑲᓂᕽ, ᒥᓇ ᑳᐧᑯᑌᐃᐧ ᐃᓴᐁᐧᐢᐠ ᒥᓯᐁᐧ ᑳ ᐋᐃᓯ ᑫᐧᐢᑫᐧᐢᑭᐸᔨᐠ, ᑭᑕ ᒥᑖᑫᐧᑎᓴᐦᐅᐁᐧᐠ ᐱᒫᑎᓯᐃᐧᓂ ᒥᐢᑎᑯᕽ ᐅᐦᒋ.

ᐁᑯᓯ ᐋᑕᒼ, ᐃᑊ ᑭ ᐃᓯᔨᐦᑳᑌᐤ ᐃᐧᐊᐧ, ᒋᑫᒫ ᐁᐊᐧᑯ ᐅᑳᐃᐧᐋᐧᐊᐧ ᑲᐦᑭᔭᐤ ᑳ ᐱᒫᑎᓯᐟ.