آیات محبوب کتاب مقدس از Mt 27

به اشتراک گذاشتن

Tii tabera Jesús pea tutuaro mena o biro ĩi acaro buiwi: —Eloí, Eloí, ¿lama sabactani? (Yʉ Ʉmʉreco Pacʉ, yʉ Ʉmʉreco Pacʉ, ¿ñee tiigʉ yʉre mʉ waa weocoati?) ―ĩigʉ ĩiwi.

To biro cʉ̃ ca biiri tabera Ʉmʉreco Pacʉ yaa wii jupea macã jawire cʉ̃ja ca yoo camotaarica quejero, decomacã emʉaro pee yega taticã duwi waaupa. Ñucã ati yepa cãa bʉaro nana, ʉ̃tãgaari cãa wati batecoa, maja operi pãacoa, paʉ bojoca ca ñañarije manirã ca bii yaiquĩricarã cati tua, biiupa.

Ñucã, Jesús pea tutuaro mena acaro bui tʉja, bii yaicoawi.

Uwamarã ʉpʉ, to biri cʉ̃ ʉmʉa, Jesús're ca ĩa cote niiricarã, ati yepa ca nanarijere, ñucã niipetiro ca biirijere ĩarã, bʉaro uwirique mena: —¡Díámacʉ̃ra ania, Ʉmʉreco Pacʉ Macʉ̃ peti niijapi! ―ĩiwa.

Jotoa decomacã ca niiro, ati yepa niipetiropʉ ca naitĩa peticoarique, ñucã muipũ bʉaro cʉ̃ ca aji ñaacũmu duwi waari tabe ʉnopʉ boewʉ.

To biro cʉ̃ja ca ĩiro, Pilato pea: —To docare Jesús, Mesías peera, ¿do biro yʉ tiigajati? —cʉ̃jare ĩi jãiñaupi. To biro cʉ̃ ca ĩiro, niipetirãpʉra: —¡Yucʉ tenipʉ cʉ̃re paa pua tuu cõacãña! ―ĩiupa. To biro cʉ̃ja ca ĩiro, Pilato pea ñucã: —¿Ñee ʉno ñañarije cʉ̃ tiijapari? —cʉ̃jare ĩiupi. To biro cʉ̃ ca ĩimijata cãare: —¡Yucʉ tenipʉ cʉ̃re paa pua tuu cõacãña! ―ĩi acaro bui nemoupa ñucã.