آیات محبوب کتاب مقدس از GÉNESIS 9

به اشتراک گذاشتن

Chaimantami Diosca: «Ñucahuan, cancunahuanpish, cancunahuan cac causaita charic animalcunahuanpish huiñaicamanmi ari nishca señalta ruhuani. Ñucaca cuichitami puyupi churani. Caimi ñucahuan, cai pachahuan ari nishca señal canga.

Ñuca puyupi cuichita ricushpaca, tucui cai pachapi causac gentecunahuanpish, animalcunahuanpish huiñaipac ari nishcatami yuyarisha» nirca.

Diosca pai shinatacmi runataca ruhuarca. Chaimanta maijan shuc runata huañuchictaca huañuchishcami canga.

Diosca Noetapish, paipac churicunatapish bendiciashpaca: «Achca huahuacunayuc tucushpa, mirarishpa, tucui cai pachapi jundarichic.

Tucui causaita charic animalcunatapish, verdinlla quihuatapish, llullu micunatapish cancuna micuchunmi saquini.

Cai pachapi tiyac tucui animalcunami manchashpa chucchunga. Volac animalcunapish, allpapi causacuc animalcunapish, mama cuchapi causac challuacunapish cancunapac maquipimi canga.

Ashtahuanpish cancunaca achca mirashpa, achca tucushpa, cai pachapi jundaichiclla» nirca.