آیات محبوب کتاب مقدس از JENESIS 26

به اشتراک گذاشتن

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

Bad ngan pynbun ïa u symbai jong me kum ki khlur bneng, bad ngan ai ha u symbai jong me ïa kine ki ri baroh; bad ïa ki jaid bynriew baroh ka pyrthei yn kyrkhu ha u symbai jong me; namar ba u Abraham u la shahshkor ïa ka ktien jong nga, bad ba u la sumar ïa kaba nga la hukum ïa u ban sumar ïa ki hukum jong nga, ïa ki rukom jong nga, bad ïa ki tynrai ka jingsneng jong nga.”

Ynda kumta, te u la kynriah noh nangta, bad u la tih ïa kawei pat ka pukri; hynrei, kim shym la ïakajia shaphang kata: te u la khot kyrteng “ka Rehoboth” ïa ka; bad u la ong, “Naba mynta ba U TRAI u la pynkylluid ïa ngi, ngin ïa nang roi ruh ha kane ka khyndew.”

Bad U TRAI u la paw ha u, bad u la ong, “Wat leit hiar sha ka ri Ijipt; to shong sah ha kata ka ri ïa kaba ngan ong ha me.

Bad u la tei ïa ka duwan hangta, bad u la khot kyrpad ïa ka kyrteng U TRAI, bad u la pynïeng ïa la ka ïingtrep ruh hangta: bad hangta ki shakri jong u Isaak ki la ïatih ïa ka pukri.