آیات محبوب کتاب مقدس از Nzuá 16

به اشتراک گذاشتن

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

O kʼ iza-phe ió, o Nzumbi ia kidi, mùene u mi endesa mu kidi kioso. Kuma muène ka kà di zuelela o iê muène, maji ioso i evua, iene ia kà mi ambela, hé ua kà mi tangela ima ia kèza-ku.

Katé ni kiki, ki mu kexi mu kubhinga luua kima mu dijina diami. Bhingenu kiá nda mu tambule, o kutana kuenu ni kuvule kutenena.

Né-mbé-phe kiene, nga mi ambela kidi: Enu mu beta kubhanduluka se eme ngaii. Mukonda, eme se nga kambe kuia, o Mukuatekexi ió kʼ eza luua ku muala. Maji eme-phe se ngaii, ngi mu tumikisa ko kuenu. O Mukuatekexi muène kia-ndu kuiza, u ijidisa mundu ki kala o ituxi, ki kala o kuiuka, ni ki kala o kufundisa kua Nzambi.

Kiene kimoxi ni enu, kindala muala hanji ni malamba. Maji hinu-phe ngi mi mona dingi. Kienhókio miẋima ienu ia kà kala mu kutana, o kutana kuenu kana muthu utena ku mi katula-ku. Kizuua kiôkio enu ki mua-ndu ngʼ ibhudisa dingi kima. Kidi kiene, ngi mi ambela: Kioso ki mu bhinga Tata mu dijina diami, muène u mi bhana-kiu.

Ni kidi kiene, eme ngi mi ambela: Enu mua-ndu dila, mua-ndu kema, o mundu-phe ua-ndu sanguluka. Kidi mua-ndu kala ni malamba, maji o malamba menu-phe, ma-ndu biluka kusanguluka.