آیات محبوب کتاب مقدس از Yoh 2

به اشتراک گذاشتن

Eki nikyo ekyamahano eky'okubanza Yesu eki yakozire. Akakikorra omu Kana orwa Galiraaya, yayoleka ekitiinisa kye; n'abeegesebwa be baamwikiriza.

Yesu nukwo kumugarukamu ati: “Mukazi, okwetaaga kwawe tinukwo kwange akasumi kange tikakahikire.”

Yesu nukwo kugambira abaheereza ati: “Entugiro ezi muziijuze amaizi.” Baaziijuliza kimu okuhika ha migoma. Yabagambira ati: “Hati mutaheho, mutwarre mukuru w'obugenyi.” Baamutwarra.

Yesu yabagarukamu ati: “Museese Enju ya Ruhanga enu, nyowe ndagaruka ngyemereze omu biro bisatu.”

Uwe yayongosa omuguha, boona yababinga omunju ya Ruhanga, hamu n'ente n'entaama zaabo. Sente z'abarukuhingisa yaziseesa hansi, yajuumika emeeza zaabo. Yagambira abo abakaba nibatunda amaiba ati: “Ebi byona mubiihe hanu. Enju ya Taata muleke kugifoora nju y'obusuubuzi.”