آیات محبوب کتاب مقدس از YOWANNE 10

به اشتراک گذاشتن

Omubbi ajjirira kubba, na kutta, na kuzikiriza. Nze najja, abantu balyoke babe n'obulamu, era babe nabwo nga bujjuvu.

“Nze musumba omulungi. Omusumba omulungi awaayo obulamu bwe olw'endiga.

Endiga zange ziwuliriza eddoboozi lyange. Nze nzitegeera, era zingoberera.

Nziwa obulamu obutaggwaawo, era tezirizikirira emirembe n'emirembe. Tewali n'omu ayinza kuzinnyagako.

Nze mulyango. Buli ayingirira mu Nze aliba bulungi. Aliyingira, n'afuluma, n'aliisibwa mu ddundiro.

“Nze musumba omulungi. Ntegeera endiga zange, era n'endiga zange zintegeera.

Kitange eyazimpa, ye asinga bonna obuyinza, era tewali ayinza kuzimunyagako. Nze ne Kitange tuli omu.”

Nga Kitange bw'antegeera, era nange bwe ntyo bwe ntegeera Kitange, era mpaayo obulamu bwange okukuuma endiga zange.

Tewali abunzigyako, nze mbuwaayo nzennyini. Nnina obuyinza okubuwaayo, era nnina obuyinza okubweddiza. Ekyo Kitange kye yandagira okukola.”

Awo Yesu n'abagamba nti: “Mazima ddala mbagamba nti nze mulyango gw'endiga.

Oyo alundira empeera, atali musumba era atali nnannyini ndiga, bw'alaba omusege nga gujja, endiga azireka n'adduka, omusege ne guzirumba, ne guzisaasaanya.

Yesu n'agamba nti: “Mazima ddala mbagamba nti atayita mu mulyango ng'ayingira mu kisibo ky'endiga, naye n'alinnyira awalala, oyo aba mubbi era munyazi.