آیات محبوب کتاب مقدس از MATIUS 13

به اشتراک گذاشتن

Mor ḇesapi ro saprop ḇepyum irya snonkaku ḇemnaf wos ani ma ḇefawi, rarirya nebon, ono ḇeutin, ono ḇesamfur riwonem, ono wer ḇesamfur rikior.”

Mor ḇesapi ro fandu manuk borek irya snonkaku ḇemnaf wos ani, raimnai araryof ananjar awar kirai ine ma sne ḇero nana nepen epen wos anna isof namarem ba.

Faro snonkaku oser-oser ḇemnaf wos ḇekur Ḇaḇesasoser Boiyaswa, ḇape sifawi na ḇa, snar ḇeḇarḇor ya ryama ma dun mor ḇekekef anna ro sisnesna; irya mor ḇekekef ro nyan andir.

Mor ḇekekef ro saprop ḇeḇekaruina irya snonkaku ḇemnaf wos ya ma fasaw ḇeyun na kuker raryaḇ. Ḇape nerares ḇa inja nasur fasaw knik monda. Rofyor kanderama ḇaḇewayam ono ndama nkuri snar wos ani, snon ani isapi fasaw kaku.

“Ḇaḇesasoser Boiyaswa imnis papus beyokef ro yaf ya, ma snonkaku oso isma na, raimnai iyokef na wer. Snar raryaḇ ḇyedi rya ḇyoḇ pres papus ḇyena fa ḇyukkoḇes yaf ani.

Ma ono nasapi ro saprop ḇepyum raimnai nasur ma namarem: ono ḇeutin, ono ḇesamfur ri wonem, ono wer ḇesamfur rikior.

Inja sisur kam mura isof fafisu afuf ya. Ro fafisu ani nari yakofen faro ḇeyuf ansi: Mkoryur ḇepon ampyampumber ansi ma mkororbos si fa sebosbos ma seḇekun; ḇarpur ya mkoryur gandum sya ma mkosun si ro sayar ayedi.”