آیات محبوب کتاب مقدس از MATEUS 2

به اشتراک گذاشتن

Iro nyolong ahkan luwang lohpou orih, tutang nohto Anak rih umba Maria inai-Oh. Iro suhkun tu'ut tutang nyembah Anak rih, turus nguap unuk ponahtou'ndo, tutang nonga ahkai-Oh bulou, manyan, tutang mur.

Yesus konanak ang lowu Betlehem ang tana Yudea, ang kotihka pomoretah Lahca Horodes. Ang ohkot rih pira-pira ahli ilmu potion tahkan hila Timur lombut nokuh Yerusalem. Iro ngisok ang amo-amoh, “Ang umoh Anak orih, ijo konanak ahkan monjadi Lahcan ulun Yahudi? Ihkai nohto potion-Oh, lombut ang hila Timur, tutang ihkai lombut ahkan nyembah Io.”

Turus tulak iro. Iro nohto hino potion ijo iro nohto lomoi ang hila timur. Eam inon kojorih'ndo nohto potion rih! Potion rih nosolu iro, turus tondo pas ang ngosan unuk Anak orih.

Pohotala ningak iro ang nuhpin'ndo mangat a'ai huli nokuh Horodes. Nyolung iro buli nguha jalan bohkon. Uli lihkut ahli-ahli potion rih tulak, molehkat Tuhan ngorinah aropoh ahkan Yusep ang nuhpiouoh. Molehkat rih nuhtui, “Horodes nohuang ngurah Anak rih, ahkan munu Io. Tului orih monyunlah, ngomin Anak rih tutang inai-Oh pindah nokuh Misir. Mohcon ang anan, nyiring Ahku mander hino ahkan'mu.”