آیات محبوب کتاب مقدس از KEJADIAN 3

به اشتراک گذاشتن

Ari ibagma hiyap inowen e usa ahen ino yet harukmen e ino fano regma anggen oho unduk fanowon wereg ulug yet hibareg e anggen aru naminmu nindi anggar alep fano pibag. Ari pibareg e anggen ino tahanoho nibareg ahun oho og irik libagma nibag.

Allah NINIKNI inowen mun angge man angge lebe ruruk angge wal tibahon arimano sehelimu indi anggat tehon pisanggo eneg welatfag. Pisanggo inowen hiyap ino kapal haruk lit, ”Allahn e anggen obog toho aruma na fug ulug hiyag hisarisi ano?” ulug kapal hibagma

Hat men hiyap men seli roho welamuhup ulug emberuk lahi. Hat humalikisi men hiyap aru umalikisi men seli roho eneg wereg lit it unuyuhen hat hunggul sobir isarukmu haren it unuyug anggulmu fato eneptuk laruhun,” ibag.

Ari ibareg NINIKNI inowen hiyap ino fam ele uruk lit, ”Hat malik fet talugmu hahum anggolo fato haptuk laruhu. Malik indag tik oho lit ouken inel-hanel uruk laruhun. Haren hahun fahet hindi anggolo roho wenggel haruk laruhun angge famen aren mingming haptuk laruhu,” ibag.

Yabuk wituk lit lisag anggolo harukmen eneg war aruhun. Hat hebe kinang fam lal haptikik angge re war aruhunteg suhuloho kinang aruhun,” ibag.

Ari ibareg NINIKNI inowen ap ino fam ele uruk lit, ”Haren huhe ele holehenteg e anggen na fug irikikon nenggenma haren yabuk wituk laruhunon siyag aruhu ulug huluwap turuk lahi. Haren asengseng toho yabuk witlug yatukon arimano narukmen eneg welaruhun.

Ibagma Allahn te, ”Hat habiye welahen ulug san hiyag herehek?” ibareg, ”E anggen na fug irikikon ino nenggen ano?” ulug kapal hibag.

Usa ahen ino aben anggen narukmu onoluk atuk ahen iraham lahup tohon ulug Eden yabukmu yali filen kurukon sokolma Allah NINIKNI inowen otsi kerub suwe aherabul hag angge wilibihon unduhuk fibareg karog ayeg indok ambulpul mililang turukon hahon sap tibibag.

Ari ibagma hiyap ino ap obog toho inisinga aruhu ulug ahunen unuk Hawa suwalfag.