آیات محبوب کتاب مقدس از Jan 12

به اشتراک گذاشتن

Nenpòt moun ki lé vini sèrvi mo, i divèt swiv mo, é koté mo ké fika-a, a la li ké fika osi. Mo Papa ka onoré sala ka sèrvi mo-a.”

Sala ki tro kontan so lavi ké pédi l, mé sala ki rayi so lavi ansou sa latè-a ké ganyen l pou tout tan.

Sa mo ka di zòt-a a lavérité, roun grenn ka rété roun sèl grenn tan li pa tonbé annan latè pou li mò. Mé si i mò, i ké rivé lévé pou i poté bokou pitit.

Mo menm, mo vini ansou latè pou sa limyèr-a ka kléré tout moun, pou nenpòt moun ka krè an mo pa rété annan soukou.

Nenpòt moun ka tandé palò mo ka di é pa ka obéy l, a pa mo ka jijé l. Mo pa vini jijé moun, mé mo vini pou sové moun latè.

Alò Mari pran roun démilit losyon ki té chè toubònman. A roun losyon ki té fèt ké nar pir. Li vidé l san pran van ansou pyé Jézi, épi i éswiyé l ké so chivé. Lòdò losyon-an ranpli tout kaz-a.

Yé koupé branch ramo, yé alé jwenn li é yé té ka rélé; “Bondjé gran! A pa dé bon Bondjé bon pou wonm li voyé-a! Bondjé béni Rwa pèp Izrayèl-a!”

Jézi di yé: “Lèr-a rivé pou Pitit Wonm-an montré kouman Bondjé gran an li.