آیات محبوب کتاب مقدس از Matyo 5

به اشتراک گذاشتن

Pɨ pə́ kě kə́ ńchúʼə lám ńtə́gə á ntɛ́n əkwu pô, mbɔŋə́ ə́lɨ́d pə́ tə́gə pə́ á ndumə akɔʼə á fɛ̂ nkyaʼə á mbô ŋwu ntsəmə á mə́m ndɛ̂. Ghɛd nkyaʼ əzo ə́ ŋwaʼə̂ á mbi ŋwu məsɔŋə́, ńjî ńgə́ pó zɨ́ məfaʼ mô mimə əshîʼnə ńtíʼ ŋ́ŋáŋkə Tǎ gho á nəpóolə.”

“Pɨ lə́ nkyaʼ mbîə, aláʼ pə́ kwúd nə́ á ndu nkwəənə təmbɔʼ pə́ kě zɨ́d lyáŋ pô.

Mbɔŋə́ yə pɨ məntɨ́ mɔ́b mə́ ŋwaʼ nə́, pó yǒ zɨ́ Əsê.

Mbɔŋə́ yə pɨ páʼ nji mə́ ghɛd nə́ anu yə əshîʼnə ə̈ záŋ nə́ ághóobə́, pó yǒ zɛ́lə.

Lə́ maŋ pə́ fiʼtə̂ áwɨ́ əghâ nə́ ńgə́ kɔŋ nə́ ngaŋkə́pa əzɨ́ ńkə́ ńchaʼtə́sê atû pɨ pə̈ tsaŋkə̂ nə́ wə́ənə́.

“Mbɔŋə́ yə pɨ pó fə́m nə́ á mə́mə Ajwiə, anuə nəfoonə nəpó lə́ azóobə́.

Mbɔŋə́ yə pɨ pö ghɛd nə́ ńgə́ pɨ pə́ chî nə́ mbwɔ́dnə, Əsê a yǒ fóŋə ághɔ́b nə́ pɔ́ píə.

Mbɔŋə́ yə pɨ pö kyéŋ nə́, pə́ yǒ legtə̂ ághóobə́.

Mbɔŋə́ yə pɨ pə̈ tsaŋkə̂ nə́ ághɔ́b ńté ńgə́ pö faʼə̂ anuə á tɨ́ nə́ ndə̌ŋdəŋə́, anuə nəfoonə nəpó lə́ azóobə́.

Mbɔŋə́ yə pɨ pö kó nə́ mələ́ŋ mə́ ŋwu məsɔŋə́, pə́ yǒ kə́ kó mələ́ŋ móobə́.

Mbɔŋə́ lə́ azɨ́ páʼ təmbɔʼ pə́ zoomə̂ áwə́ənə́, ńtsaŋkə̂ áwə́ənə́ ḿbəənə̂ ńtsɨ́d ntê ntsɨd ntsəmə atû pɨ ńté ńgə́ pɨ lə́ ngaŋə́zoŋə́ndzəmə mə. Mbɨ əzɨ ə́ pɔŋə̂, nə́ kə́ ńkɔŋtə̂ ńté ńgə́ tə́kɔʼ ntsɔ́ʼəfaʼə á chîə á mbô pəənə́ á nəpóolə, lə́ tsɔʼə ndzaŋ pə́ nə ńkə́ nə́ ńtsaŋkə̂ məntúmə́sê mə́ mə́ nə ńkwá nə́ mbi əzɨ lə́.”

Mbɔŋə́ yə pɨ pó tsóokə nə́ mbɨ əzoobə́, pó yǒ jî mbîə.

“Pɨ lə́ ngwáŋ mə́ mbîə. Lə́ təmbɔʼ ngwáŋ mə́ chî pɛ́lə ləəmə̂ pô, pə́ ghɛd ə́lɛ́ ə́wɨ́ mə́ pɔŋə̂ pɨ́ ləəmə̂. Mə́ kě atûə anu yətsə́ pɛ́d pô tə ńdéʼtə ńgə́ pə́ kwɛd pɨ pə́ nəŋtə̂ nə́ məkoolə.”

Á pə́ ńgə́ nə́ yǐ koʼnə̂ ghɛn fyag ndzaŋ Tǎ əwəənə́ á nəpóolə a kə́ nə́ ńkoʼnə̂ ńgɛn fyag lə́.”

Tíʼ ô əgho á pə́ ô, Ngá á pə́ Ngá, anu yətsɨ́ tə ńdaŋə̂ jɨ́d jɨ á fɛ́d lə́ á mbô Satanə.”

“Pɨ zóʼ ńgə́ pə́ nə ə́sóŋ ńgə́ mbɔʼ ŋwunə a tɔŋ nələ́g zô gho tɔŋ nəjíə ńkə́ ńtsɔ́ʼ nəsɔŋ zô gho tsɔ́ʼ nəjíə.” Lə nə́ əghâ nə́, mäŋ fiʼtə̂ áwɨ́ ńgə́, “Kɔ gho kwégə təpɔŋ nə́ təpɔŋə.” Mbɔʼ ŋwunə a ləb nəghág zô yi nə́ apô yə tɨ, gho sɛdkə̂ əlá yi kwab ńgə́ a pəŋə̂.

Təmbɔʼ nələ́g zô yi nə́ apô yə tɨ nə́ ghɛd gho wǔəə á mə́m təpɔŋ, gho fwɔŋə̂ zɨ́d ḿmyaʼ ńté ńgə́ á pɔŋə̂ a mə́ péŋkə nə́ á táʼə alamə́ mbɨ əgho yitsə́ ńtsɛ ńgə́ pə́ lɔg mbɨ əzo ntsəm ḿmaʼə̂ á mə́m móg Satanə. Təmbɔʼ apô zô yə́ tɨ á kə́ ńgɛd gho wǔəə á mə́m təpɔŋ, gho lə́gə á zɨ́d ḿmyaʼə̂. Ńté ńgə́ a pɔŋə̂ á mə́ péŋkə nə́ á táʼə alamə́ mbɨ gho yitsə̌ ńtsɛ ńgə́ pə́ lɔg mbɨ əzo ntsəm ḿmaʼə̂ á mə́m móg Satanə.”