آیات محبوب کتاب مقدس از Sélimɛ 9

به اشتراک گذاشتن

A Kolocɔlɔɔ jo: «Joogaanni fɛ̀ɛ wi nyɛ wee naa, wee mii a yaʔa wi pye mii ní yele níngi ni lè, ní sìi yáriri myɛ nínge ni bàā syée yaà yìrigèle myɛ syɛ̀ɛnnɛ ma be maa lè. Mii a mii kùlobariw yaʔa wi pye nyɛ̀ʔɛni na, woro í pye joogaanni fɛ̀ɛ, joogaanni li nyɛ lè mii ní tári wòolo nínge ni.

Kùlobariw a pye nyɛ̀ʔɛni na, mii si a ra wee bee wéle sáā sɔ̀ngí bàngwɔɔ joogaanni na li nyɛ lè mii Kolocɔlɔɔ ní sìi yáriri myɛ nínge ni di nyɛ lè tári na.»

Wàa ga wi syɛɛnnyɛnnɛ sìsyaan wo, syɔɔnwaa wi a wɔ́ɔ wee bee fɔ́lɔ wóo wo. Níì cán Kolocɔlɔɔ n syɔɔn kpéʔele woro niwirio.

A Kolocɔlɔɔ dùbaw taʔa Nowe ní wi jáabèle na níì be pye: «Ki n yɛlɛ ye see ye nɛʔɛ ye tári nyìn.

Yáriree myɛ di fíigi ni máari lè, ní i nyɛ sìi na, ti a pye yele ma lìile. Mii n toro kaan yele ma àmɛɛ mii tiisanri kaan yele ma lè.

Tári yaweere myɛ, n fàra féjɛɛnri myɛ na, ní yáriree myɛ di fulolo lè, n wɔ́ɔ̀ fàra fábèle myɛ na be nyɛ lè lǒgi ni, yele yɛ́ɛyi fyáara a pye dee bee myɛ na, ti a ra fɛ̀ɛgí yele na gbanʔama. Ti n le yele kɔ́yi ni.

Yele si na, ki n yɛlɛ yaa sii yaa kàa fàra yeyɛɛ na. Ki n yɛlɛ ye pye tári na yaa nɛʔɛgi.»