آیات محبوب کتاب مقدس از Zan 14

به اشتراک گذاشتن

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Nán amún wla bo. An `lafi Nyanmiɛn su, yɛ an `lafi n su wie.

Sanngɛ sran ng'ɔ wa uka amun'n yɛlɛ e Si i Wawɛ'n b'ɔ wa sunmɛn i n dunman nun'n, i yɛ ɔ wa kle sa'n kwlaa-a, yɛ i yɛ ɔ ´kpɛn amún wla ndɛ nga n kan kleli amun'n i kwlaa su-ɔ.

Sran ng'ɔ ti min ndɛ'n nan ɔ fa su'n, sran sɔ'n yɛ ɔ klo min-ɔn. Sran ng'ɔ klo min'n, n Si wa klo i, n kusu m ma klo i, yɛ n ´yi mín wun kle i.»

N ´ko srɛ e Si'n, yɛ ɔ ´blɛ amun sran uflɛ b'ɔ ´uka amun, yɛlɛ Nyanmiɛn Wawɛ'n b'ɔ ti nanwlɛfuɛ'n, ɔ nin amun ´tran titi. Mɛn nunfuɛ'm be kwla nyɛn-mɛn i, yɛlɛ kɛ be wun-mɛn i, yɛ be si-mɛn i, sanngɛ amun liɛ'n, an si i, afin ɔ nin amun yɛ ɔ ´tran-an, yɛ ɔ wa tran amun anwlɛn'n nun.

Like kwlaa nga an fa n dunman srɛ'n, n ´yo nan m bɔ n ti e Si i wa'n m mɛn i kɔmin su . Sɛ an fa n dunman srɛ like wie'n, n ´yo.»

«Sɛ an klo min'n, amun ´fa min ndɛ'n su.

N Si i awlo lɔ tranwlɛ'n sɔnnin, n su ko siesie lika n ´man amun. Sɛ ɔ ti-man sɔ'n, wuun m'an kan kle-man amun.

Sɛ n kɔ nan n wie i siesie'n, m ´ba m ma fa amun nan lika nga n tran lɔ'n, an `tran lɔ wie.

Tomas seli i kɛ: «Nannan, e si-man lika nga a kɔ'n. ?Ɔ yo sɛ yɛ e ´si i atin nin-ɔn?»