آیات محبوب کتاب مقدس از Zan 16

به اشتراک گذاشتن

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Kɛ Nyanmiɛn Wawɛ'n b'ɔ ti Nanwlɛfuɛ'n ko ba'n, ɔ ´kle amun sa ng'ɔ ti nanwlɛ'n i kwlaa, afin ndɛ ng'ɔ ´kan'n, ɔ su kpɛ-mɛn i ti nun yɛ ɔ ´kan-an, sanngɛ ndɛ'n ng'ɔ tili'n i kwlaa yɛ ɔ ´kan-an, yɛ ɔ ´bo sa nga be wa ba'n be su kle amun.

Lele ndɛ'n, an nian srɛ-man like fi min dunman nun. An `srɛ, amun ´nyɛn i yɛ amun klun'n ´jɔ lelele.»

Sanngɛ i nanwlɛ yɛ n di kleli amun-ɔn, sɛ n kɔ'n, ɔ ti kpa, afin sɛ m'an ɔ-man-an, Sran ng'ɔ ´uka amun'n ɔ su ba-man, sanngɛ sɛ n kɔ'n, n yo man ɔ ´ba. Sɛ ɔ ba'n, ɔ ´fa sa tɛ'n, nin sa kpa'n, ɔ nin jɔlɛ dilɛ'n kle mɛn nunfuɛ mun weiin.

Amun kusu, awlaboɛ'n wo amun su kɛ e ´se yɛ'n, sanngɛ kɛ n wa wun amún wun ekun'n, amun klun ´jɔ, yɛ sran fi su kwla bo-man amún wla. Cɛn sɔ'n nun'n, an su usa-man n sa sa wie su kun. Nanwlɛ, like kwlaa nga an srɛ n Si min dunman nun'n, ɔ ´fa man amun .

Nanwlɛ, amun ´bo awuyomo, yɛ amun ´sun, sanngɛ mɛn nunfuɛ'm be klun ´jɔ, amún wla'n ´bo, sanngɛ awlaboɛ sɔ'n ɔ ´kaci aklunjuɛ.