آیات محبوب کتاب مقدس از matta 3

به اشتراک گذاشتن

skarat afulki baš a‑iban is‑tflm ma‑yʷh̬šnn.

isawl‑d yan‑wawal zġ‑ignwan yini: «ġwad iga iwi iɛzzan. frḥġ srs bahra.»

issddm‑t ġ‑wasif. ġir inkr‑d yasuɛ zġ‑waman s‑rẓmn ignwan, iẓr rruḥ n‑rbbi igguz‑d zund yan‑utbir ittrs‑d fllas.

nkki ar‑kʷn‑ssddamġ ġ‑waman baš a‑tmlm is‑tflm lh̬ʷšant‑nnun, walaynni yugʷr‑iyi ġwalli ra‑d‑yašk tigira‑nu, ur‑sthllaġ ad‑asiġ turẓiyin‑ns. ra‑kʷn‑issddm ntta s‑rruḥ lqudus d‑lɛafit.

hay‑aglzim ittrs f‑uggja n‑usġar. kud tasġart nna‑ur‑yakkan lġllt imimn, ra‑stt‑ibbi iluḥ‑tt‑in ġ‑lɛafit.

ġwad a‑f‑inna nnabi išaɛya ġayd izrin yini: «ha‑yan‑wawal ar‑itbrraḥ ġ‑lh̬la ar‑ittini ‹jjujadat aġaras n‑siditnnġ, tssnmm tiġarasin‑ns.›»