آیات محبوب کتاب مقدس از Maatiusiup Aglangit 5

به اشتراک گذاشتن

Naniruarmik ikitsijuqaqpakpaa qattarmut pusijjutiniaqtaminik; qaummaqqulli ikitausuunguvuq ininganuaqtaulluni, iglumiittulimaat qaummaktitauqullugit. Taimaaktauq qaummaqutisi inungnut qaumatisiuk, piniatsiarnitsinnik takuqullugit, Ataatasi qilangmiittuq niqtuqtauqullugu.”

“Silarjuap qaumanirivaasi; iglugasait qaqqaup qaanganiittut sunatuinnamut taliumatitaujunnanngilat.

Saimanaqtumiipput uummatimigut pasijaujjutiksaqanngittut; Guutimik takujumaarmata.

Saimanaqtumiipput kaaktut imiruktullu nalaaguurnirmik; Guutiup naammaksitinniarmagit pijumajanginnik.

Maannali uqautivassi: akiraqtuqtisi nagligisigik, ilissinnik uqausiqarluktut saimmatitauqusigik, akiraqturnirmut uqumaiksaqtitsijut tuksiutisigik

“Saimanaqtumiipput anirnikkut ajuqsaqtut; Guutiup Ataniuvinganik piqalirmata.

Saimanaqtumiipput inuuqatigiitsianngittunik ilagiitsialiqtitsijut; Guutiup qiturngaminik taijumaarmagit.

Saimanaqtumiipput qiksaanirmut quvviuqtut; Guutiup saimmaqtittumaarmagit.

Saimanaqtumiipput akiraqtuqtaujut nalaaguurniq pillugu; Guutiup Ataniuvinganik piqalirmata.

Saimanaqtumiipput inuuqatimingnik nikagusuktut, Guutimut nikagijaujumarmata.

“Saimanaqtumiippusi inuit qanutuinnaq uqarnirlugvigikpasi, akiraqtuqtaugussilu, sulinngittumiglu qanutuinnaq uqarnirluutigijaugussi uvannut maliktiunisi pijjutigillugu. Quviasugissi sirilusilu, angijumik akiliqtaujumaarassi qilangmi, nalauttaijuttauq taimailiuqtaulaurmata sivunissinni.”

Saimanaqtumiipput immingnik angijuruqtinngittut; Guutiup angirutigisimajanginnik nunarjuarmi kingurngujjijumaarmata.

“Nunarjuap tariurivaasi; tariuq tariungujunniiqpat qanuq tariunngukkanniqtitaujunnaqpa? Sunamut atuutiksaqarunniiqpuq, maniqqamut naavitauluni inungnut tulliragaksauliqpuq.

Taimaimmat naammatsiaqtumik iliqqusiqaqtuksauvusi, suurlu Ataatasi qilangmiittuq naammatsiaqtumik iliqqusiqarmat.”

Imaagli uqaqattalirissi, angirussi angirlusi, anginngikkussi anginngillusi! Taakkua asianik uqakkannirasukkussi tamanna piunngittualungmit pivuq.”

“Tusaumavusi uqausiuvaktumik, ‘Iji ijimik, kigut kigutimik akiqariaqaqpuq.’ Maannali uqautivassi: akiniarasuktuksaunngilasi pitsiaqtiginngitassinnut. Uluakkut patiktauguvit, uluavit igluattauq maniliruk.

Taimaimmat ijivit taliqpiup ajuqtulitippatit, piiruk igillugulu! Ilingnut piuniqsauvuq timiit ilakuukpat, timilimaavit igitaugajarninganit ikumarjuarmut. Aggakpillu taliqpiup ajuqtulitippatit, nakakkit igillugit! Ilingnut piuniqsauvuq avativit ilanganik ilakuuliruvit, timilimaavit igitaugajarninganit ikumarjuarmut.”