آیات محبوب کتاب مقدس از Matiwos Dooshishiyo 5

به اشتراک گذاشتن

Ashuwots c'eesho c'eeshde'er mootse fa'a ash jamwotssh b́sháánitwok'o girgijiyatsa bogedfoni bako oosh shirots dashan geraknee. Mank'o ashuwots it sheeng fino be'ear it nih darotstso bo mangiytwok'o, it sháánonwere ash jami shinatse shááne.»

Itiye datsansh sháán itne, guri abaats ageets kitu ááshosh falratsane.

Nib s'ayin detstswots Ik'o bobek'etwotse derekno.

Kááw keewo k'ak'irwotsnat shashwirwots, boworitwootse derekne.

Taa it balngarwotsi shunere, iti gishirwotssh Ik'o k'onwere» etirwe.

«Dari mengstu bok b́wottsotse, Ik'ats te'eyirwots derekne.

Ash ashi dagotse manonat jeenon woshitwots, Ik'i nana'uwotsiye eteetwotse derekne.

Ik'o boon b́ k'up'shitwotse, shiyanirwots derekne.

Kááw keewosh gisheyirwots Ik'i mengstu bok bwottsotse Derekne.

Bosh maac'o k'ewetwosh maac' nefitwots derekne.

«T jangosha err ashaashwots itn boc'ashor bogiishor, kooton it shúútso bot'afiwor derek itne. Dari mengstotse it daatsit k'awntso een b́wottsotse gene'ore, ayide gene'ore. Itiyere shin teshts nebiyiwotsi mank'o gishewo boats betsrne.»

Sheeng ashuwots datso bo naatetwotse derekne.

Manats dabt Iyesus hank'owa bíet, «It datsatsi beerok'o itne, ernmó beero b́shaawo b́ t'ut'etka wotiyal b́shaawo aak'alrniya aaniy daatso b́faliti? Úromaants juweyar ashon net'eyoniyere okoon shinomaants egoshor woteratse.

Eshe daritstso it nih s'een b́wottsok'o itwere s'eenwotsi wotoore.

Mansh it noon keew keewon «Ee» it etal «Ee» et wotowa wee «Iya'a» it etal «Iya'a» et wotowa bako maniyere beshtso shed'anikee.

« ‹Ááwi shegro ááwa, gáshi shegro gásha› eteetsok'o shishrte. Taamó hank'o etirwe itsha, gond itats finiru ashuwotsats weero wersh k'ayere. Ernmó nk'ani malalo jabitwosh ngiri malalo ananshde ime.

N k'ani ááwo morro nfinitwok'o neen b́woshitka wotiyal, kishde juk'rowe! niats jamó gahanemits b́ juwewoniyere níatsatse ikoko nt'ut'o neesh k'anefe. N k'ani kisho morro n finitwok'o b́ k'aliyal, k'ut'de juk'rowe, niats jamo gahanemits b́ juwewoniyere niatsotse ikoku n t'ut'o k'anefe neesha.