آیات محبوب کتاب مقدس از Eseia 35

Bydd y bobl ollyngodd yr ARGLWYDD yn rhydd yn dod yn ôl i Seion yn bloeddio canu! Bydd y llawenydd sy’n para am byth yn goron ar eu pennau! Byddan nhw’n cael eu gwefreiddio gan hwyl a gorfoledd, am fod galar a griddfan wedi dianc i ffwrdd.

Cryfhewch y dwylo llesg; a gwnewch y gliniau gwan yn gadarn. Dwedwch wrth y rhai ofnus, “Byddwch yn ddewr, peidiwch bod ag ofn. Edrychwch ar eich Duw – mae e’n dod i ddial ar eich gelynion! Y tâl dwyfol! Ydy, mae e’i hun yn dod i’ch achub chi!”

Bydd priffordd, ie, ffordd yno sy’n cael ei galw, ‘Y Ffordd Sanctaidd’. Fydd neb sy’n aflan yn cael teithio arni – mae ar gyfer y rhai sy’n cerdded y Ffordd. Fydd ffyliaid ddim yn crwydro ar ei hyd.

Bydd llygaid pobl ddall yn cael eu hagor, a chlustiau pobl fyddar hefyd.

Bydd y cloff yn neidio fel hydd, a’r mud yn gweiddi’n llawen! Achos bydd dŵr yn tasgu yn yr anialwch, ac afonydd yn llifo yn y diffeithwch.