آیات محبوب کتاب مقدس از Mata 7

به اشتراک گذاشتن

Manəkaw, ac ta vakwar, mayahaw, akwar ta ŋgata avəda, makaɗ ma ta way, ac ta wunakwaɗay

afa kwa waawa manəka jene sə, aca vana, nda masa a yahiya sə, a ŋgatiya, kad nda masa makəɗa ma ta way sə, ac ta wunanay.

«Ara nesey, kwa nda wula wula masa a cəna ma hay masa ye gweɗek nesey, e ŋgə mezlər ava aŋga sə, aŋga ara nda eve leŋgesl masa ka lama way tata da yaŋ pəra.

Ara nesey, jene hay fakwan masa akwa wal ndana hay ac da ŋgakwaɗay sə, akwar ava yaŋ takwar ana meŋgec jeŋ ana hay kad ec may, nesey masa ma majawa ta Muyiz va ɗelewer hay ta ndah mehwedek ma hay ta sasərakiya.

Amaa ma ta way masa a hwad nda kad pe mesfeney sə, aŋga lezke, cəv te medə kad pe mesfeney ana sə, njezləke.

Mesehw jaka pa ma ta way melez ana, afa ma ta way mabaŋ ana va cəv mefetete ana aca hwad nda kad pa mazay. Ndana hay gaa masa ece sehw jaka pa.

Daha akwar ndah suwe hay, akwa sən mav jene mambəla ana kad wudeh takwar, naa Papaŋ takwar da baymaləvaŋ e te vec jə mambəla ana kad ndah manəkafa jene hay sə, dəɓa ecuwey?

«Akwar ta paɗ yaŋ takwar ka ndah matəɗa ma a yaŋ ndana hay bay, afa Zlav a ta təɗakwar ma yaŋ. Eve cəv masa akwa təɗec ma a yaŋ ndana hay nesey sə, ac ta təɗakwar ma a yaŋ ara aŋga ana may. Agwada masa akwa ŋgə mezlər ava aŋga sə, a ta njah ka agwada ta maləvakwar.

Asaya, kwa nda wula wula masa a cəna ma hay masa ye gweɗek nesey, e ŋgə mezlər ava aŋga aabay sə, aŋga ara nda masa leŋgesl pahata, malama way dapa wurɓaɓay.

Ke pə ndey fe kəzeŋ dapa ndey ta malamakw, anjəkar gada mazlakava ana dapa ndey takaa ɓa, amaa ka ɗaliya aabay sə, mafay te mey? Naa ka gwaɗa malamakw, “Ɗagay, ya kəsakaɗ kəzeŋ dapa ndey takaa avəda”, anjəkar gada mazlakava ana dapa ndey takaa ɓa sə, a ŋgana gwagumaw?

«Mep leŋgesl fa ndah mapana yaŋ tec ka ndah mehwedek ma masa ece dek kad varakwar ara təmak hay, anjəkar dapa eceŋ sə, ac gəda hay te ley mapəɗa jene. Akwar te sənec sə, dapa mezlər tec hay. Ndana a zlafa maŋgal wut te rezeŋ fe ndərem ɓa geyey? Daha aabay, ndana a zlafa maŋgal maftay fe tetev ɓa geyey?

Ara nesey, wudez mambəla ana fakwanay sə, e heyek wudiya ana hay mambəla ana may. Amaa wudez masa mambəla ana aabay sə, e heyek wudiya ana hay mambəla ana aabay may.

Wudez mambəla ana sə, a zlafa meheyek wudiya ana hay mambəla ana aabay sə, aabay, kwa daha aabay wudez masa mambəla ana aabay sə, e heyek wudiya ana hay mambəla ana sə, aabay.

Wudez fakwan masa e heyə wudiya ana mambəla ana aabay sə, aca ŋgəla avəda, aca kazlaɗ pa kwakwaw.