آیات محبوب کتاب مقدس از Luk 14

به اشتراک گذاشتن

“Oni naŋɔnɛ ŋɔ oduga kɔnyɛgɛ mi, ɔkɔkotumɛ nya: Ɔkɔ kɔfɔn rɔraganɛ na ami rocia ndu ɔfɔnɔ na mintɛ, minka, ɔwa, na bɔ, bama barumanɛ na bama babanɛ. Ɔkɔ kɔfɔn rɔraganɛ na ami ocia ɛkpaju ɛmɔ. Ara okisi kanya ɔyɛŋɛ kotumɛ ɔnyɛgɛ-mi.

Mɨnɛ oni naŋɔnɛ ŋɔ ɔbɔ okisɔgɛ kɛkpati-rasinkanɛ kɛmɔ ɔnyɛgɛ mi ɔyɛŋɛ kotumɛ ɔnyɛgɛ-mi.

Bani mbɛ batamanɛ bɔkpaju kubatuɛ bɛ ketu, mɨnɛ mbɛ batuɛnɛ ketu kubabirɛ bɛ ketu.”

Jisɔs ɔkanɛ bɛ ya, “Na kɛmanci ɛra, oni tum ŋɔnɛ ɔyɛŋɛ kotumɛ ɔnyɛgɛ mi ara okisɛ ibɔ na gbanambunɛ mbu ɔfɔnɔ.

Ara oni ŋɔnɛ na kɔrɔ konua otimanɛ kori ɛtɔ nji ɛgbɛ ɛbari, ɔbɛŋɛ kparɔsɔ ɔgbɨra mbu ɛkɔba mɔ, nabɔ esikafa ɔfɛ ara ɔfɔnɔfɔnɔ bagbuga kori ji ɛyɛ? Ara abɨnɛ ji kori nsu akikɔyɛ akurɛ, oni naŋɔnɛ ŋɔ ɔfɛ ji kuɔmamɛ wu rasa, ya oni ŋɔ ɔbɨnɛ kori nsu okiyɛ naku.’

Ara akɔyɔgɛ kɛtɔmɔ, jia baram, baba-ibɔ na ikari, mambɨni na bajaga jɛnɛ; mɨnɛ kuafɔnɔ reŋunɛ, ndi bayɛŋɛ kɔfɛlɛ mbu asi ajɛ bɛ. Ɛbrɔkpabi kuɛfɛlɛ wu reyi brika bani bafiɛ na rɔbɔ.”

“Minuga minyibayiba, nsu ara ɔrɔm minuga oninaŋ, akosi nyan asi mu miŋbɨnɛnɛ minfɔnɔ ɔrɔm minuga? Mimboyibi tum na rɔcɛ tum ara abɛ mu ya asi rɔcɛ royiba birɛ. Akɔnyan mu. Oni naŋɔnɛ ŋɔ ɔfɔnɔ ratu kofugɛ, yɔgɛ mɔ ofugɛ.”