آیات محبوب کتاب مقدس از Wĭkheegŭn 14

به اشتراک گذاشتن

Wŏntŭkāooagŭn nŭgŭt’ŭmŭn ŭkhŭkāwŏk. N’wŏntŭkāooagŭn kŭmĭlŭn’ea. Skat ŭktŭlemeloone’a stŭkā’ ooskĭtkŭmĭkw ĕleme’loowĕk’. Moo sak sĕspādŭha’sooĭch k’mŭshoonooŏl’, kŭsŭna moo sak sĕksooĭch!

Sāsoos ootĭhal: Nel net owht, ha neaga wĕlămāwa’gŭnĭ, ha pĕmowsooa’gŭnĭ. Skat wĕn oopŭkŭcheha’oonŭl N’mĭhtakwsŭl skat ooche‐pŭkŭcheha’kw nel ’nhŭkĕk.

Moo sak oonmăjedŭha’sooĭch k’mŭshoonoowŏl! Woolămsŭtŭmootĭkw Nŭkskam oohŭkĕk, ha neaga nel ’nhŭkĕk wŏŏlămsŭtŭmootĭkw!

Kānook Noojewŏŏlĕhlooĕt’ kĕsŭsāĭt ’Mchŭchakw, Wĕje‐oolenewĕskwĭt, tanĭl N’mĭhtakws ootŭlgemâl’ch nooesooŭnŭk Nāgŭmch ’knŭka‐kĕhkĭm‐koonea’lch ’mseu kĕkwsăl, ha kesātagooneach k’mĭkwedŭhadŭmŭnea m’seu kekwsăl tanĭl nel kese‐yŏŏhoolĕkwpŭnĭl.

Tan āĭt’ ntŭlgetŭmooa’gŭnŭl, ha oosaktŭm’ŭnŭl, nāgŭm nŭt ’nkŭsĕlmŭkw; ha nāgŭm tan kĕsĕlmĭt, oochĭksĕlŭmooksooch ’Nmĭhtakwsŭk; ha nelŭchŭna ’nkŭsĕlma nāgŭm; ha ’ntŭle nĕsooĕhlŭsŭch oohŭkĕk.

Ha nelŭch n’kwelootŭmooŏn ’Nmĭhtakws, ha k’mĭlkooneach’ kŭtŭk Noojewŏŏlĕh’looĕt, ha Nāgŭm wejāagoowŏhch’ mājemeu’. Nŭt oolămāwagŭnā’ ’Mchŭcha’kw, tan ooskĭt’kŭmĭkw skat kese wekwĕhlakwĭl; eebŭchŭl skat oonŭmehoweŭl kŭsŭna skat oonŭnooow’eŭl. Kānookŭloo kelooow’ k’nŭnooawŏ; eebŭchŭl wejāagoo’ŏ, ha eooch’ ŭkhŭkāwŏk.

Ha tan kĕkwsā’ wĕje‐wekoo’dŭmĕkw nel noowesoo’ŭnŭk, net ’ntŭlātaga’nch; wĕlamân ’Nmĭhtakws ookeche‐tŭme‐tŭhamkoosĭn Ookwŏŏsŭl oohŭkĕk. Wehkoodŭmĕkw kĕkwsā’ nooesoonŭk, ’ntŭlātaga’nch.

Moosaleā’kw, sâktŭmook ’ntŭlgetŭmooa’gŭnŭl.

Lâmekwâm ’Nmĭhtakws week ŭktanagŏŏtool’ ehyooltĭmkĭl. Skat lāenookŭsŭpŭn ŭktehoolneapŭnp’; eebŭchŭl nel ’ntŭlĭhan năjewŏŏlĕhtoolnea tan ehyoolteemŭk.

Ha lĭhayan ha năjewŏŏlĕhtoolĕk’w ehyoolteemŭk, ăpchŭch ’npŭkŭche ha tŭlewĭhkwĕhlŭlpach’ ’nhŭkĕk, wĕlamân tan āe kelooow’ na k’teoolte’nea.

Tooma ootĭhal: Nsakŭmâm, skat ’nkŭjejetoonā’wĭn’ ālehayĭn, ha tan n’tŭle‐kesĭkchĭje’toonān’ owht?