آیات محبوب کتاب مقدس از Yohana 16

به اشتراک گذاشتن

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Kɛɛ Nii Sɛnɛyanin vɛ nala, min yi tuɲa lankɛnɛmayala, ale le kɛtɔ tuɲa bɛ jiyala ài la. A do tɛnala kumala a jɛlɛkanu ya seetiiya lɔ, kɛɛ a vɛ ko ko si mɛnna, a kɛtɔ wo le fɔla, ani ka ko natɔlu lase ài ma.

Hali bi, ài ma ko ko si dali ba ǹ tɔɔ lɔ. Ài y'a dali, ài do y'a sɔlɔnne, fɔsa àiya kɔnɔlɔdiya da yi fa.»

Wo bɛ n'a kɛ, ǹ'i tuɲa fɔ ài yɛ, ǹ taako le fisayanin ài ma, kamasɔlɔn ni m̀ ma taa, Dɛmɛliba tɛnala nala ài ma. Kɛɛ m̀'ɛ taala, ǹ kɛtɔ Dɛmɛliba lanala ài ma. A do vɛ nala, a kɛtɔ dunuɲamɔɔlu ya filibandeya jiyala ai la ka bɛn julumbuko ma, ani telenmandeyako, ani kititɛɛko.

Àilu fana yi ten ne: Ài niila vɛ fin butu, kɛɛ ǹ kɛtɔ ài yena kɔtunun. Wo vɛ kɛla, ài kɔnɔlɔ yi diyale, ado mɔɔ foi tɛnala sena kɔnɔlɔdiya wo bɔla ài bolo. «Wo lon vɛ sena, ài tɛnala ǹ dalila ko ko si la butu. Ǹ'i tuɲa fɔ ài yɛ, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Ǹ'i tuɲa fɔ ài yɛ, ài kasitɔ k'ai maɲuma, k'a talan dunuɲa kɔnɔlɔ yi diyala. Ài niilafintɔ, kɛɛ àiya niilafin kɛtɔ jɛlɛmana ka kɛ kɔnɔlɔdiya le.