آیات محبوب کتاب مقدس از ᤗᤠᤶᤍᤡᤰ 13

به اشتراک گذاشتن

ᤜᤧᤰᤁᤩᤠᤱ ᤂᤧᤱᤜᤠ᤹ ᤛᤧᤴᤍᤡᤰ ᤗᤧᤴᤍᤡᤰ ᤗᤠᤱᤄᤣ᤺ᤰᤔᤠ ᤔᤧᤛᤢᤰᤗ ᤑᤠ᤹ᤀᤠᤱ ᤂᤧᤱᤜᤠ᤹ ᤗᤠᤶ ᤀᤥ᤺ᤴᤎᤠᤰᤔᤠᤛᤡᤖᤧ ᤗᤠᤃᤡ ᤕᤜᤘᤣ ᤍᤠᤱᤒᤧᤴ ᤗᤧᤴᤍᤡᤰ ᤂᤠ᤹ᤔᤡᤳ ᤛᤡᤳᤗᤠᤱᤅᤥ ᤏᤢ ᤛᤧᤴᤍᤡᤰ ᤔᤡ ᤛᤡᤳᤗᤠᤱᤅᤥ ᤐᤥ᤺ᤰᤂᤧᤀᤠᤱ ᤂᤢᤴᤇᤡ᤹ ᤋᤃᤡ ᤋᤃᤡ ᤐᤣ॥ ᤀᤠᤓᤧᤸᤗᤧᤛᤠᤱ ᤗᤧᤴᤍᤡᤰ ᤂᤠ᤹ᤔᤡᤳ ᤛᤡᤳᤗᤠᤱ ᤏᤢ ᤛᤧᤴᤍᤡᤰ ᤁᤧᤍᤡ᤺ᤵᤐᤠ ᤔᤡᤎᤢᤱᤍᤡᤱ ᤔᤡᤖᤠ᤺ᤰᤁᤡᤴ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤋᤃᤡ ᤋᤃᤡ ᤌᤠᤛᤡᤱ ᤐᤣᤖ ᤘᤕᤧᤖᤥ॥

ᤑᤠᤖᤥᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤗᤧᤖᤢᤛᤡᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤱᤜᤠ᤹ ᤐᤗᤡᤛ᤻ᤋᤡᤜᤠ᤹ᤖᤧ ᤂᤢᤴᤇᤡ᤹ ᤗᤠᤈᤣ᤹ᤗᤠᤶ ᤔᤧᤍᤣ᤹ᤖᤢᤛᤡᤴ॥ ᤜᤧᤰᤁᤣᤃ ᤂᤧᤴ ᤗᤠᤶᤔᤡᤴ ᤁᤧᤖᤧᤰᤏᤢ᤺ᤸᤗᤧ ᤋᤠᤱᤒᤠ ᤆᤥᤃᤧ ᤜᤶᤓᤛᤠᤱ ᤂᤢᤏᤧ᤹ ᤜᤧᤰᤁᤣ ᤔᤧᤈᤥᤃᤢᤴ॥ ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤐᤠ᤺ᤳᤋᤢ. “ᤁᤴ ᤔᤏᤠᤜᤠ᤹ᤖᤧ ᤗᤠᤶᤔᤥ ᤌᤱ ᤆᤥ᤺ᤰᤔᤠ ᤁᤧᤒᤥᤱᤒᤠᤖᤧᤳᤇ ᤗ᤹ᤖᤡᤰ ᤂᤢᤴᤇᤡ᤹ ᤏᤡᤱᤘᤠ᤹ ᤔᤧᤏᤢ᤺ᤰᤋᤢᤀᤠᤱ ᤔᤡᤛᤪ ᤗᤠᤈᤣ᤹ᤀᤥ ᤏᤢ᤺ᤱᤔᤠ ᤏᤡᤱᤘᤠ᤹ ᤔᤧᤈᤥᤃᤢᤒᤠ ᤀᤠᤱᤃᤠ᤹ ᤀᤥᤔᤧᤵᤔᤠ ᤀᤠᤏᤡᤱᤘᤠ᤹ ᤜᤥᤵ॥”

ᤁᤸᤗᤧᤆᤥᤃᤢᤸᤗᤧ ᤂᤢᤏᤧ᤹ ᤂᤧᤱᤜᤠ᤹ ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥᤵᤐᤠᤍᤧᤴᤏᤥ ᤗᤠᤶᤒᤠ ᤜᤧ᤺ᤳᤋᤠᤱᤒᤠ ᤘᤖ᤺ᤱ ᤗᤧᤵᤔᤠᤱ ᤋᤣ᤹ᤖᤢᤛᤡ॥ ᤀᤡᤛᤪᤠᤀᤡᤗᤡᤜᤠ᤹ ᤔᤡᤛᤪᤗᤠᤶ ᤌᤱ ᤆᤥ᤺ᤰᤔᤠᤖᤧ ᤗᤠᤃᤡ ᤂᤈᤢᤶᤄᤕᤠ ᤑᤧᤈᤢᤶᤓᤧᤕᤠ ᤔᤧᤕᤠᤱᤛᤡᤱᤅᤠᤱ ᤔᤧᤗ᤺ᤴᤍᤧ ᤔᤧᤎᤠᤅᤧ॥