آیات محبوب کتاب مقدس از ᤗᤠᤶᤍᤡᤰ 6

به اشتراک گذاشتن

“ᤁᤸᤗᤧᤆᤥᤃᤢᤸᤗᤧ ᤀᤡᤛᤪᤠᤀᤡᤗᤡᤜᤠ᤹ ᤔᤧᤳᤋᤧᤛᤧ᤹. ‘ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤠᤀᤠ. ᤀᤠᤱᤃᤠ᤹ ᤂᤡᤏᤡ᤹ ᤋᤠᤱᤛᤧ᤺ᤵᤏᤡᤱ᤹ ᤜᤧᤰᤁᤩᤠᤱ ᤔᤡᤛᤪᤡᤜᤠ᤹ᤖᤧ ᤕᤥᤰ ᤁᤧᤶᤈᤥᤃᤡᤒᤠᤗᤠᤶ ᤛᤧᤴᤏᤧᤏᤡᤱ᤹॥ ᤀᤠᤱᤃᤠ᤹ ᤔᤢᤰᤛᤠᤶᤛᤠᤒᤠ ᤀᤠᤜᤢᤰᤁᤡᤸᤗᤧ ᤛᤠ᤺ᤵᤛᤢᤱᤛᤡᤱᤅᤠᤱ ᤔᤡᤛᤪᤡᤜᤠ᤹ ᤁᤡᤵᤔᤠ ᤁᤧᤄᤢᤒᤠ ᤂᤢᤶᤍᤡᤱ ᤐᤡᤖᤢᤱᤛᤡᤱ ᤜᤧᤰᤁᤩᤠᤱ ᤂᤡᤏᤡ᤹ ᤋᤠᤱᤛᤧ᤺ᤵᤏᤡᤱ᤹॥

ᤀᤠᤱᤃᤠ᤹ ᤂᤡᤏᤡ᤹ ᤀᤠᤒᤠᤅᤣ ᤀᤠᤔᤏᤠ ᤐᤥᤱᤔᤠᤖᤧ ᤗᤠᤃᤡ ᤋᤠ᤺ᤰᤏᤡᤱ. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱ ᤐᤥᤱᤅᤠ॥ ᤂᤧᤒᤩᤠᤱ ᤀᤠᤱᤃᤠ᤹ ᤂᤡᤏᤡ᤹ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤀᤠ. ᤔᤡᤛᤪᤡᤜᤠ᤹ᤖᤧ ᤕᤥᤰ ᤁᤧᤶᤈᤥᤃᤡᤒᤠᤗᤠᤶ ᤂᤢᤏᤧ᤹ ᤂᤡᤏᤡ᤹ ᤁᤧᤗ᤺ᤳᤋᤡ ᤁᤧᤓᤧᤳᤋᤡ ᤁᤧᤗ᤹ᤒᤠ ᤐᤠ᤺ᤴᤏᤡᤴ ᤂᤡᤏᤡ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶ᤹॥

ᤀᤠᤳᤋᤡᤴ ᤗᤠᤈᤣᤴ ᤀᤠᤱᤃᤠ᤹ ᤀᤒᤪᤠᤜᤠᤔ. ᤀᤡᤛᤜᤠᤁ ᤏᤢ ᤕᤠᤁᤢᤒᤧᤴ ᤐᤡᤏᤡᤱ ᤔᤧᤳᤋᤢᤱᤛᤡᤱᤅᤠᤱ ᤔᤠᤱᤜᤢᤵ ᤆᤥᤃᤢᤱᤅᤠᤱ ᤘᤕᤧ. ᤂᤧᤴ ᤗᤠᤈᤣ᤹ᤀᤥ ᤀᤠᤱᤃᤠ᤹ ᤂᤡᤏᤡ᤹ ᤁᤧᤳᤏᤡᤱ᤹ ᤜᤧᤰᤁᤩᤠᤱ ᤂᤧᤴ ᤗᤠᤈᤣᤴ ᤀᤠᤱᤃᤠ᤹ ᤂᤡᤏᤡ᤹ ᤕᤢᤰᤁᤥ ᤐᤡᤏᤡᤱ᤹॥ ᤀᤠᤱᤃᤠ᤹ᤀᤣ ᤕᤜᤘᤣ ᤍᤠᤱᤒᤠᤀᤠᤖᤥ॥’” ᤔᤥᤛᤠ᤺ᤸᤗᤧ ᤂᤧᤴ ᤐᤠ᤺ᤴᤜᤠ᤹ ᤀᤡᤛᤪᤠᤀᤡᤗᤡᤜᤠ᤹ ᤔᤧᤳᤋᤢᤛᤡ. ᤁᤖ ᤂᤧᤴ ᤐᤠ᤺ᤴᤏᤡᤴ ᤂᤧᤶᤔᤠ ᤂᤧᤱᤜᤠ᤹ ᤔᤧᤴᤍᤧᤴᤍᤧᤴ ᤌᤣᤀᤠᤱᤓᤧᤸᤗᤧ ᤛᤠ᤹ᤖᤡᤰ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤛᤡᤀᤠᤱ ᤕᤥᤰ ᤔᤧᤈᤥᤃᤢᤛᤡᤒᤠᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤛᤠᤱ ᤐᤢᤃᤧᤀᤠᤱ ᤔᤧᤘᤕᤧ॥

ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. “ᤀᤠᤱᤃᤠ᤹ ᤑᤠᤖᤥᤴ ᤌᤣ ᤔᤧᤳᤋᤢᤱ᤹. ᤀᤠᤸᤗ ᤂᤧᤏᤧ᤹ ᤁᤧᤏᤡᤛᤢ᤹॥ ᤀᤠᤱᤃᤠ᤹ ᤀᤠᤔᤏᤠᤜᤠ᤹ ᤗᤧᤵᤔᤠᤛᤡᤖᤧ ᤗᤠᤃᤡ ᤀᤠᤱᤃᤠ᤹ ᤂᤧᤴ ᤁᤧᤛᤠᤰᤐᤠ ᤆᤠ᤺ᤳᤋᤢᤱ᤹॥ ᤂᤢᤏᤧ᤹ ᤁᤢᤗᤠᤈᤣ᤹ᤀᤥᤗᤠᤶ ᤂᤧᤱᤜᤠ᤹ ᤏᤠ᤺ᤵᤔᤠᤍᤣᤔᤠᤛᤡᤖᤧ ᤗᤠᤃᤡ ᤀᤠᤱᤃᤠ᤹ ᤂᤧᤸᤗᤧ ᤁᤧᤛᤠᤰᤐᤠ ᤋᤢᤔᤢᤖ ᤕᤠ᤺ᤴᤍᤢᤱ᤹॥”