آیات محبوب کتاب مقدس از ᤗᤠᤶᤍᤡᤰ 9

به اشتراک گذاشتن

ᤁᤖ ᤀᤠᤱᤃᤠ᤹ ᤀᤠᤔᤢᤰᤛᤠᤶᤔᤡᤴ ᤀᤥᤛᤣ᤺ᤴᤎᤠᤱ ᤆᤥ᤺ᤰᤔᤠᤖᤧ ᤗᤠᤃᤡ ᤁᤧᤖᤧᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤁᤥ ᤀᤠᤔᤡᤱ ᤋᤡ᤺ᤳᤗ ᤑᤠ᤹ᤀᤠᤱ ᤀᤠᤱᤃᤠ᤹ ᤁᤢᤜᤡᤱᤘᤧᤳ ᤗᤧᤳᤏᤧᤀᤠᤱ ᤁᤧᤘᤠ᤹॥

ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. “ᤑᤠᤖᤥᤀᤥ ᤐᤣᤃᤧ᤹ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤀᤰᤂᤣ ᤐᤠ᤺ᤳᤋᤢᤖ ᤐᤳ ᤔᤧᤳᤋᤧ᤹. ‘ᤀᤠᤱᤃᤠ᤹ ᤀᤠᤔᤏᤠᤜᤠ᤹ ᤐᤣ᤺ᤰᤔᤠ ᤑᤠ᤺ᤰᤋᤧᤛᤧ᤹ ᤜᤧᤰᤁᤩᤠᤱ ᤔᤧᤒᤣ᤺ᤰᤁᤠᤱ ᤂᤧᤱᤜᤠ᤹ᤖᤧ ᤀᤠᤱᤃᤠ᤹ ᤔᤠᤱᤛᤧᤘᤠ ᤔᤧᤔᤧᤳᤋᤠᤖ॥

ᤀᤠᤱᤃᤠ᤹ ᤀᤠᤜᤢᤰᤁᤡᤴ ᤑᤥ᤺ᤰᤂᤢᤱᤅᤠᤱ ᤂᤧᤏᤧ᤹ ᤏᤢ ᤂᤧᤏᤧ᤹ ᤁᤧᤔᤏᤠᤜᤠ᤹ᤀᤥ ᤔᤠᤱᤍᤢᤰᤔᤠ ᤐᤠᤱᤄᤢᤱᤒᤠ ᤜᤧᤰᤁᤣ᤺ᤸᤗᤧ ᤂᤧᤏᤡ᤹ ᤁᤧᤖᤧᤰ ᤘᤖᤧᤱᤗᤧᤱ ᤁᤧᤔᤧᤃᤡᤒᤠ ᤘᤕᤧ॥

ᤋᤠᤶᤍᤠᤶᤒᤠ ᤗᤠᤈᤣ᤹ᤀᤥ ᤁᤧᤘᤠ᤹ᤒᤠ ᤂᤧᤏᤧ᤹ ᤁᤧᤎᤰᤛᤠᤜᤠ᤹. ᤀᤡᤃᤪ ᤀᤴᤜᤠ᤹. ᤀᤍᤱᤜᤠ᤹. ᤐᤡᤳᤜᤠ᤹ ᤏᤢ ᤔᤧᤸᤗᤢᤰ ᤔᤧ᤺ᤴᤍᤠᤜᤠ᤹ᤀᤥ ᤀᤠᤱᤃᤠ᤹ ᤀᤠᤜᤢᤰᤁᤡᤴ ᤌᤠᤛᤢᤱ᤹. ᤜᤧᤰᤁᤩᤠᤱ ᤂᤧᤵᤔᤥ ᤁᤡᤵᤔᤠ ᤁᤧᤄᤢᤒᤠ ᤔᤡᤱᤍᤣ᤹ ᤐᤥᤰ॥ ᤁᤖ ᤕᤜᤘᤣ ᤍᤠᤱᤒᤧᤸᤗᤧ ᤀᤡᤛᤪᤠᤀᤡᤗᤒᤠ ᤐᤡᤳᤌᤰᤛᤠᤜᤠ᤹ ᤏᤢ ᤔᤡᤛᤪᤒᤠ ᤐᤡᤳᤌᤰᤛᤠᤜᤠ᤹ ᤛᤧᤴᤍᤢᤛᤡ᤹ ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤏᤡ᤹ ᤗᤳᤇᤠᤀᤠᤱ ᤌᤰᤛᤠᤜᤠ᤹ ᤔᤧᤴᤇᤡᤏᤧᤴ॥’”

ᤁᤸᤗᤧᤆᤥᤃᤢᤸᤗᤧ ᤋᤠ᤺ᤴᤍᤡᤰ ᤀᤠᤶᤓᤠ ᤁᤴ ᤕᤧᤶᤔᤥ ᤔᤡᤛᤪ ᤗᤠᤈᤣᤴ ᤐᤥ᤺ᤰᤂᤧᤀᤠᤱ ᤁᤳᤌᤥ ᤀᤠᤓᤧᤸᤗᤧᤀᤠᤱ ᤔᤧᤴᤎᤠᤀᤣ ᤁᤧᤘᤠ᤹ᤒᤠ ᤛᤠ᤹ᤖᤡᤰ ᤕᤶᤒᤠ ᤑ᤺ᤴ ᤌᤠᤖ ᤕᤠ᤺ᤴᤍᤢᤱ᤹॥ ᤀᤠᤸᤗ ᤔᤏᤠᤜᤠ᤹ ᤐᤠᤱᤄᤧᤛᤧ᤹ᤀᤠᤱ ᤋᤠᤶᤍᤠᤶᤒᤠᤍᤧᤴᤏᤥ ᤁᤧᤘᤠ᤹ᤒᤠ ᤐᤡᤳᤌᤰᤛᤠᤜᤠ᤹ ᤏᤢ ᤁᤧᤘᤠ᤹ᤘᤠ᤹ᤒᤠ ᤁᤧᤖᤧᤰ ᤛᤡᤃᤠᤱ ᤔᤧᤍᤠᤖᤢᤛᤡᤖ ᤕᤠ᤺ᤴᤍᤧᤛᤧ᤹. ᤌᤣᤀᤠᤱᤓᤧᤸᤗᤧ ᤋᤠᤶᤍᤠᤶᤒᤠᤍᤧᤴᤏᤥ ᤁᤧᤗᤧᤵᤐᤠᤀᤠᤱ ᤁᤧᤘᤠ᤹ᤒᤠ ᤏᤢ ᤜᤡᤶᤔᤥ ᤔᤧᤴᤍᤠᤖᤢᤛᤡᤴᤒᤠ ᤁᤧᤖᤧᤰ ᤔᤏᤠᤜᤠ᤹ ᤏᤢ ᤌᤰᤛᤠᤜᤠ᤹ ᤑ᤺ᤴᤏᤡᤸᤗᤧ ᤗ᤺ᤵᤛᤢᤛᤡ. ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤛ᤻ᤛᤡ᤹᤺॥’”

ᤂᤠᤵᤐᤢ᤺ᤴ ᤂᤠᤶᤜᤡ᤺ᤰ ᤁᤢᤀᤡᤛᤡᤰ ᤐᤥᤱᤅᤠᤱ ᤔᤡᤛᤪ ᤗᤠᤈᤣ᤹ ᤁᤧᤖᤧᤰ ᤜᤳᤇᤧ ᤛᤧ᤹᤺ ᤜᤧᤰᤁᤩᤠᤱ ᤁᤧᤖᤧᤰ ᤔᤏᤠᤜᤠ᤹ ᤏᤢ ᤌᤰᤛᤠᤜᤠ᤹ᤖᤧ ᤂᤢᤴᤇᤡ᤹ ᤌᤰᤁᤥ ᤜᤥ᤹ ᤗ᤺ᤴ॥ ᤂᤧᤴ ᤜᤥ᤹ᤜᤠ᤹ ᤋᤢᤀᤠᤱ ᤑᤰᤘᤠᤗᤧ᤺ᤱᤘᤠ ᤕᤠᤱᤄᤣ᤺ᤰ ᤐᤥᤱ᤹॥” ᤁᤶᤓᤗ᤹ᤖᤡᤰ ᤂᤧᤴ ᤏᤧᤵᤔᤠᤱᤗᤧ ᤔᤡᤎᤢᤱᤍᤡᤱ ᤔᤡᤖᤠ᤺ᤰᤁᤥᤒᤠ ᤂᤠᤵᤐᤢ᤺ᤴ ᤕᤠᤱᤏᤧᤳᤇᤡᤀᤠᤱ ᤑᤠᤖᤥᤸᤗᤧ ᤁᤢᤍᤃᤡ ᤕᤧᤶᤏᤧᤳᤇᤡ. ᤜᤧᤰᤁᤩᤠᤱ ᤔᤥᤛᤠ᤺ᤸᤗᤧ ᤛᤢᤖᤡᤳ ᤁᤣᤈᤱᤅᤥ ᤂᤧᤴ ᤑᤢᤳᤗᤢᤶ ᤛᤧᤛᤢᤍᤣᤛᤢ॥ ᤜᤧᤰᤁᤩᤠᤱ ᤔᤏᤠᤜᤠ᤹ ᤏᤢ ᤐᤡᤳ ᤌᤰᤛᤠᤜᤠ᤹ᤖᤧ ᤂᤢᤴᤇᤡ᤹ ᤌᤰᤁᤥ ᤜᤥ᤹ ᤗ᤺ᤴᤍᤧᤖ ᤕᤠ᤺ᤴᤍᤢ॥ ᤜᤥ᤹ᤀᤡᤴ ᤋᤢᤖᤧᤀᤠᤱ ᤑᤰᤘᤠᤗᤧ᤺ᤱᤘᤠ ᤕᤠᤱᤄᤣ᤺ᤰ ᤐᤥ᤺ᤰᤂᤧ॥