آیات محبوب کتاب مقدس از ᤋᤥᤗᤡᤱᤛᤥᤔᤢ 14

به اشتراک گذاشتن

ᤜᤧᤰᤁᤩᤠᤱ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤱᤅᤡᤴ ᤔᤡᤔᤡᤍᤡᤱ ᤐᤥᤱᤗᤖᤥ. ᤂᤢᤏᤧ᤹ᤀᤣ ᤁᤧᤏᤡᤱᤔᤡᤜᤠ᤹ ᤂᤧᤏᤧ᤹ ᤁᤧᤜᤢᤰᤁᤥ ᤜᤢᤰᤁᤧᤛᤢ᤺ᤵᤋᤧ ᤁᤧᤒᤡᤖᤧᤖᤥ॥” ᤜᤧᤰᤁᤩᤠᤱ ᤁᤧᤖᤧᤰ ᤐᤠ᤺ᤴᤜᤠ᤹ᤖᤧᤴ ᤌᤡᤒᤥᤱᤗᤰ ᤔᤸᤁᤡᤛᤧᤍᤧᤰᤁᤧᤴ ᤐᤡᤖᤢ॥

ᤜᤧᤰᤁᤩᤠᤱ ᤛᤠᤗᤣᤶᤒᤠ ᤜᤠᤱ ᤔᤸᤁᤡᤛᤧᤍᤧᤰᤁᤧᤴ ᤂᤖᤧ᤺ᤱ ᤏᤢ ᤆᤧᤸᤗᤧᤰᤛᤣ᤹ ᤌᤡ ᤕᤠᤱᤛᤡᤱᤅᤠᤱ ᤀᤒᤪᤠᤶᤔᤡᤸᤗᤧ ᤁᤢᤍᤢᤶᤛᤧ ᤑᤧᤖᤧ॥ ᤔᤸᤁᤡᤛᤧᤍᤧᤰᤁᤧᤴ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤛᤧᤘᤠ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤘᤕᤧ॥ ᤂᤢᤏᤧ᤹ ᤀᤒᤪᤠᤜᤠᤶᤔᤡᤴ ᤀᤰᤂᤣ ᤔᤧᤳᤋᤢᤖ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤌᤠᤛᤢᤐᤡᤖᤢ. “ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤏᤧᤒᤠ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤶᤔᤡᤴ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤐᤡᤖᤢᤖᤖᤥ॥

ᤁᤖ ᤀᤒᤪᤠᤶᤔᤡᤸᤗᤧ ᤛᤍᤥᤔᤒᤠ ᤜᤠᤱᤅᤡᤴ ᤔᤧᤳᤋᤢ. “ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤕᤜᤘᤣ ᤍᤠᤱᤒᤠ. ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤀᤰᤂᤣᤗ᤹ᤖᤡᤰ ᤔᤠᤱᤜᤢᤵ ᤆᤥᤃᤢᤱᤅᤠᤱ ᤘᤠ᤹ᤀᤠ. ᤗᤳᤇᤠ ᤂᤡᤎᤡᤰᤁᤠᤱ ᤀᤡᤃᤪ ᤗᤠᤱᤛᤢ᤺ᤵᤐᤡᤸᤗᤧ ᤁᤢᤏᤠᤶᤎᤡᤰᤁᤠᤱ ᤂᤧᤏᤧ᤹ ᤁᤧᤈᤡᤃᤰᤘᤠ ᤌᤣᤎᤡᤰᤁᤠᤱ ᤔᤧᤍᤣ᤹ᤀᤠᤴ. ᤔᤣ᤺ᤴᤏᤧᤓᤃᤪ ‘ᤀᤒᤪᤠᤶᤔᤡᤴ ᤀᤠᤱᤃᤠ᤹ ᤕᤠᤱᤛᤠᤁᤢᤴᤎᤣᤛᤠᤒᤠ ᤆᤥᤃᤢᤱ’ ᤗ᤹ᤖᤡᤰ ᤂᤧᤏᤧ᤹ ᤁᤧᤒᤠ᤺ᤳᤋᤢ᤹॥