آیات محبوب کتاب مقدس از ᤋᤥᤗᤡᤱᤛᤥᤔᤢ 39

به اشتراک گذاشتن

ᤕᤜᤘᤣ ᤍᤠᤱᤒᤠᤴ ᤕᤢᤛᤢᤑᤧᤴᤏᤢ ᤘᤕᤧ. ᤂᤧ᤹ᤕᤥ ᤂᤢᤏᤧ᤹ ᤏᤢᤖᤧᤍᤠᤛᤧ॥ ᤜᤧᤰᤁᤩᤠᤱ ᤂᤢᤏᤧ᤹ ᤔᤡᤛᤪᤡ ᤁᤢᤴᤍᤠᤱᤒᤠᤸᤗᤧ ᤁᤢᤜᤡᤶᤔᤥ ᤘᤕᤧ॥

ᤂᤧᤸᤗᤧᤆᤥᤃᤢᤸᤗᤧ ᤂᤢᤏᤧ᤹ ᤁᤳᤋᤢᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤕᤢᤛᤢᤑᤖᤧ ᤁᤢᤜᤢᤰᤁᤥ ᤕᤢᤰᤂᤢ ᤐᤡᤖᤢ॥ ᤂᤢᤏᤧ᤹ ᤁᤢᤈᤠᤔᤠ ᤁᤢᤎᤢᤱᤔᤠᤀᤠᤱᤎᤥ ᤂᤢᤏᤧ᤹ ᤁᤳᤋᤢᤒᤠ ᤀᤠᤳᤋᤡᤴ ᤐᤠ᤺ᤴᤏᤡᤴᤏᤠᤱ ᤕᤠᤖ ᤔᤧᤈᤥᤃᤢᤴ॥ ᤕᤢᤛᤢᤑᤧᤴ ᤁᤢᤀᤡᤳ ᤁᤧᤍᤠᤒᤠ ᤏᤢ ᤏᤢᤒᤠᤛᤢᤰᤐᤠ ᤆᤥᤃᤧ॥

ᤂᤧᤸᤗᤧᤆᤥᤃᤢᤸᤗᤧ ᤐᤢᤱᤗᤠᤜᤡᤶᤔᤥᤒᤠ ᤛᤢᤜᤠᤱᤃᤧᤶᤒᤠᤸᤗᤧ ᤂᤧᤴ ᤐᤢᤱᤗᤠᤜᤡᤶᤔᤥ ᤁᤧᤕᤠᤰᤐᤠ ᤁᤧᤖᤧᤰ ᤐᤢᤱᤗᤠᤌᤠᤒᤠᤜᤠ᤹ ᤕᤢᤛᤢᤑᤧᤴ ᤀᤥᤔᤧᤵᤔᤠ ᤐᤠᤱᤄᤢ॥ ᤂᤧᤵᤔᤥ ᤆᤩᤠᤈᤩᤠ ᤐᤥ᤺ᤰᤂᤧᤛᤠᤱ ᤂᤧᤱᤜᤠ᤹ ᤁᤧᤖᤧᤰ ᤕᤢᤛᤢᤑᤖᤧ ᤐᤠ᤺ᤳᤋᤢᤒᤠ ᤜᤧᤰᤁᤣᤀᤣ ᤐᤥᤱᤔᤠ ᤁᤧᤒᤥᤱᤒᤠ ᤘᤕᤧ॥

ᤂᤧᤸᤗᤧ ᤕᤢᤛᤢᤑᤧᤴ ᤜᤠᤱᤅᤡᤸᤗᤧ ᤁᤢᤔᤏᤠ ᤔᤧᤛᤠᤰᤋᤢᤛᤡᤒᤠ ᤐᤢᤱᤗᤠᤜᤡᤶᤔᤥ ᤋᤣ᤹ᤖᤢᤀᤠᤱ ᤕᤥ ᤆᤡᤛᤠᤰ ᤛᤠᤰᤋᤢ॥ ᤜᤧᤰᤁᤣᤗ᤹ᤖᤡᤰ ᤕᤢᤛᤢᤑᤧᤴ ᤐᤢᤱᤗᤠᤜᤡᤶᤔᤥ ᤛᤠᤰᤐᤠ ᤌᤩᤧ॥ ᤁᤖ ᤕᤜᤘᤣ ᤍᤠᤱᤒᤠᤴ ᤕᤢᤛᤢᤑᤧᤴᤏᤢ ᤘᤕᤧ. ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤴ ᤁᤢᤗᤢᤱᤔᤠ᤹ ᤛᤩᤠ᤺ᤳ ᤗ᤹ᤖᤧ. ᤜᤧᤰᤁᤩᤠᤱ ᤂᤧᤴ ᤐᤢᤱᤗᤠᤜᤡᤶ ᤀᤥᤃᤧᤔᤵᤐᤠ ᤛᤢᤜᤠᤱᤃᤧᤶᤒᤠᤸᤗᤧ ᤂᤢᤏᤧ᤹ ᤏᤢᤖᤡᤰ ᤔᤧᤳᤋᤢᤖ ᤕᤠ᤺ᤴᤍᤢ॥

ᤁᤢᤓᤠ ᤕᤧᤶ ᤀᤣᤃᤠᤱ ᤂᤢᤏᤧ᤹ ᤁᤢᤴᤍᤠᤱᤒᤠᤸᤗᤧ ᤁᤢᤜᤡᤶᤛᤠᤔᤠᤸᤗᤧ ᤕᤢᤛᤢᤑᤧᤴ ᤁᤢᤛᤡᤖᤠ᤹ ᤌᤠᤅᤧᤀᤠᤱ ᤀᤰᤂᤣ ᤔᤧᤳᤋᤢ. “ᤀᤠᤱᤃᤠ᤹ᤏᤢ ᤀᤡᤵᤛᤧ᤹॥” ᤁᤖ ᤂᤢᤏᤧ᤹ ᤔᤧᤍᤧᤴᤍᤧᤴᤏᤠᤱ ᤁᤢᤴᤍᤠᤱᤒᤠᤸᤗᤧ ᤁᤢᤜᤡᤶᤛᤠᤔᤧᤴ ᤔᤧᤳᤋᤢ. “ᤀᤥᤔᤧᤳᤋᤧ᤹. ᤀᤠᤱᤃᤠ᤹ ᤁᤴ ᤜᤡᤶᤔᤥ ᤘᤠ᤹ᤀᤠᤒᤠᤸᤗᤧ ᤆᤥᤃᤢᤸᤗᤧ ᤀᤠᤴᤍᤠᤱᤒᤠᤴ ᤀᤠᤳᤋᤡᤴ ᤐᤠ᤺ᤴᤏᤥᤀᤠᤱ ᤏᤡᤱᤛᤠᤱ ᤔᤧᤈᤥᤰᤏᤧᤴ. ᤜᤧᤰᤁᤩᤠᤱ ᤂᤢᤏᤧ᤹ ᤁᤳᤋᤢᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤀᤠᤜᤢᤰᤁᤥ ᤐᤡᤖᤠᤱᤅᤠᤱ ᤘᤠ᤹॥ ᤁᤴ ᤜᤡᤶᤔᤥ ᤀᤠᤱᤃᤠ᤹ᤏᤢ᤺ᤸᤗᤧ ᤕᤶᤒᤠ ᤜᤠ᤺ᤳᤋᤠᤱ ᤜᤥᤵ॥ ᤂᤢᤏᤧ᤹ ᤁᤧᤖᤧᤰ ᤐᤠ᤺ᤴᤜᤠ᤹ ᤀᤠᤱᤃᤠ᤹ ᤐᤡᤖᤠᤱᤅᤠᤱ ᤘᤠ. ᤁᤖ ᤂᤧᤏᤧ᤹ᤃ ᤔᤣ᤺ᤴ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤀᤠᤴᤍᤠᤱᤒᤠᤸᤗᤧ ᤁᤢᤔᤣ᤺ᤳᤏᤧᤖᤥ॥ ᤂᤧᤒᤧᤸᤗᤧ ᤀᤠᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤀᤰᤋᤱᤒᤠ ᤋᤠᤵᤑᤧ᤺ᤶᤒᤠ ᤗᤠᤕᤥ ᤆᤥᤃᤢᤱᤒᤠᤒᤣ᥅”

ᤌᤡᤰᤕᤠᤴ ᤕᤢᤛᤢᤑᤧᤴ ᤜᤡᤶᤛᤡᤃᤠᤱ ᤁᤢᤕᤠ᤺ᤶᤒᤰ ᤆᤥ᤺ᤰᤛᤧ ᤗᤠᤛᤧᤀᤠᤱ ᤕᤠᤃᤧ॥ ᤜᤡᤶᤔᤥ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤘᤣ᤹ ᤛᤧᤘᤠᤖᤥᤒᤠᤜᤠ᤹ ᤜᤠ᤺ᤳᤋᤠᤱ ᤔᤧᤜᤥ᤺ᤵᤋᤧ॥ ᤂᤧᤸᤗᤧ ᤕᤢᤛᤢᤑᤖᤧ ᤁᤢᤗᤃᤣ᤺ᤳᤋᤡᤴ ᤋᤧᤶᤛᤢᤀᤠᤱ ᤔᤧᤳᤋᤢ. “ᤑᤧᤖᤧ᤹ ᤀᤠᤱᤃᤠ᤹ᤏᤢ ᤀᤡᤵᤛᤧ᤹॥” ᤁᤖ ᤕᤢᤛᤢᤑᤧᤴ ᤜᤡᤶᤔᤥᤗᤠᤶ ᤗᤠ᤺ᤰᤁᤠᤳ ᤂᤧᤳᤇᤡᤱ ᤗ᤺ᤴᤍᤧ ᤂᤢᤏᤧ᤹ ᤁᤢᤗᤃᤣ᤺ᤳᤋᤡᤴ ᤂᤧᤸᤗᤧ ᤁᤢᤜᤢᤰᤁᤥᤀᤣ ᤗᤧᤖᤢᤎ॥